به‌داخ و ئه‌سه‌فێكی زۆره‌وه‌ ڕۆژی چوارشه‌ممه‌ 22/9/2010 هه‌واڵی ته‌قینه‌وه‌یه‌كی خوێناویمان له‌ شاری مهابادی خۆشه‌ویسته‌وه‌ پێگه‌یشت كه‌ له‌ناو ئاپۆرای هاوڵاتیانی ئازیزی ئه‌و شاره‌دا روویدا و له‌ ئه‌نجامدا ژماره‌یه‌ك هاوڵاتی بێگوناه شه‌هید و برینداربوون و به‌مه‌ش غه‌م و په‌ژاره‌ باڵی به‌سه‌ر مهابادی خۆشه‌ویستدا كێشا.

ئێمه‌ وێڕای به‌توندی مه‌حكوومكردن و ریسواكردنمان بۆ كرده‌وه‌ی نامرۆڤانه‌ی له‌م چه‌شنه‌، هاوكات هاوخه‌میی خۆمان بۆ خانه‌واده‌ وكه‌سوكاری شه‌هید وبریندارانی ئه‌م ته‌قینه‌وه‌یه‌ راده‌گه‌یه‌نین و پرسه‌ و سه‌ره‌خۆشی خۆمان ئاراسته‌ی یه‌كه‌یه‌كه‌ی خۆشه‌ویستانمان ده‌كه‌ین، له‌ یه‌زدانی په‌روه‌ردگار ده‌پاڕێینه‌وه‌ شه‌هیدانمان به‌ به‌هه‌شتی به‌رینی خۆی شاد بكات و بریندارانیش هه‌رچی زووه‌ شیفا و سه‌لامه‌تییان پێ ببه‌خشێ، هیوادارین كه‌ خوای مه‌زن سه‌بر و ئارامیی به‌ ئێمه‌ وگشت لایه‌ك بدات.


مسعود بارزانی
سه‌رۆكی هه‌رێمی كوردستان
22/9/2010