د دوو رویدانێن جودا دا، یا ئێکی ل زاری هەڤوەلاتیەکێ کوردێ باژێرێ کەرکوکا هەرێما کوردستانێ، یا دوویێ ل زارێ هەڤوەلاتیەکێ عەرەبێ باژێرێ بەغدایا عیراقا عەرەبی.

ئەگەر هەردووو روودان ل دوو وەخت و کاودانێن جودا دا بن، لێ سەلماندنا ئێک راستیێ نە.

رویدانا ئێکی: داخازا هەڤوەلاتێەکێ کوردی باژێرێ کەرکوکێ یە ل جەنابێ سەروک بارزانی، کو ب هانا وانا بچیت و وانا بپارێزیت ل وێ زولم و ناحەقیا ل هەڤوەلاتیێێ کورد دهێتە کرن ل باژێرێ کەرکوکێ.

داخازا لێبورینێ ل جەنابێ سەروک بارزانی دکەت، کو ئەو د شاش بوینە د هەلوێستێن خواد بەرامبەر جەنابێ وی، پەسنا مەزنیا جەنابێ سەروک بارزانی دکەت و داخازا لێ دکەت ب وێ مەزنیا خو وانا وەکو کورێن خوە هەژمار بکەت و ل وانا خوش بیت.

د درێژاهیا پەیڤا خوەدا، پەیامەکێ ئاراستەی گەلی کورد دکەت و دبیژیت بتنێ جەنابێ سەروک بارزانی مایێ باوەریێ یە و هەژی رێزگرتنێ یە، بتنێ جەنابێ وی دکاریت کەرکوک و کەرکوی یان بپارێزیت.

رویدانا دوییێ: هەڤوەلاتیەکی عەرەبێ بازێرێ بەغدا یا عیراقی، کو دوو کورێن وی د پەقینا بەغدا دا بوینە قوربانی، هەوارا خو ئاراستەی جەنابێ سەروک بارزانی دکەت، داخازێ لێ دکەت وەکو برا گەورێ وانا بهانایا وانا بچیت و باژێرێ بەغدا بپارێزیت، هەروەکو چەوا کوردستان یا پاراستی یە.

دوو پەیام، ل دوو کەسێن جودا و لێک دویر، ب زمان و کەلتور و دیروک و نەتەوە و جوگرافیا، لێ هەردوو پەیام ب ئێک ئاراستەنە و سەلماندنا ئێک راستیێ نە، ئەوژی مەزنی و رابەرایەتیا جەنابێ سەروک بارزانی یە، د هەردوو پەیامان دا جەنابێ سەروک بارزانی ب تاکە مەرجەع دهێتە دیتن، چ دناف کوردان ۆا، یان دناف عەرەبان دا.

ئەف قەناعەتا لدەف ڤان هەردوو هەڤوەلاتیان پەیدا بوی، کو جەنابێ سەروک بارزانی ب تاکە کەس دبینن بو چارەسەرکرنا ئاریشە و ئاستەنگا ل عیراقێ ب گشتی، هەر ژ وە نەهاتیە، بەلکو ل ئەنجامێ لێکدانەڤا وانا بوویە بو رولێ جەنابێ سەروک بارزانی و هەلوێستێن وی یێن راست و دروست و خەمخورانە بوینە، بو پاراستنا گەلێ عیراقێ ب گشتی و دابین کرنا ژیانەکا سەربلند بو وانا.

ئەڤە پەیام و قەناعەتا دوو هەڤوەلاتیان بوویە، لێ رەنکە دید و قەناعەتا دوو نەتەوەیان بیت.

بەردەوام پەیاما جەنابێ سەروک بارزانی پەیاما ئاشتی و پێکڤە ژیانێ و برایەتیێ بوویە.

د ماوێ ٣٠ سالێن بوری دا ب فەرمانا جەنابێ سەروک بارزانی د خوشی و نەخوشی یان دا دەرگەهێن هەرێما کوردستانێ د ڤەکری بوینە بو هەڤوەلاتیێن عەرەب ل تەڤایا باژێرێن عیراقێ.
حەواندنا ئاوارەیان، حەواندنا مەرو مالاتی، هاروکاریێن هەرێما کوردستانێ یێن گەهشتینە تەڤایا باژێرێن عیراقێ، چارەسەری و گەشتیاری، بەلکو ل سەر فەرمانا جەنابێ سەروک بارزانی رێزەکا مەزن ل وانا هاتیە گرتن.

لەردەوام جەنابێ سەروک بارزانی خودان دید و حیکمەتەکا مەزن بوویە، ب دویر بینی بەرێ خودایە پەیوەندیێن دووقولی دناڤبەرا کورد و عەرەب و نەتەوەێن دیتر ل دەڤەرێ، بەردەوام بزاڤ کرینە پەیوەندی د ئاستەکێ باش و هەڤسەنگ دا بن.

ژبلی دیروکەکا پر خەبات و سەروەری و هەلوێستێن نەگور یێن جەنابێ سەروک بارزانی، کو بویە مایێ رێزەکا مەزن بو جەنابێ وی، نەک بەس لدەف دوستان، بەلکو لدەف دوژمنان ژی.

بەلێ، ئەڤەنە خەسلەتێن سەروک و رابەر و مەرجەعێ گەلێ کورد جەنابێ مسعود بارزانی، کو هەڤوەلاتیێ عەرەب بەری یێ کورد شانازیێ پێ دکەت.

ئەوا جهێ حیبەتیێ یە، د هەمان وەخت دا، هندەک خوە فروش و خوخورێن کورد، نامەردانە هێرشان دکەنە سەر کەسایەتیا جەنابێ سەروک بارزانی و دڤێت ل پێگە و مەزنیا وی کێم بکەن.

لێ پیلانێن وانا د ئاشکرانە و دەستێن پشت وان ژی ددیارن و پیلان و لوغمێن وانا چ کاریگەری ناییت.

یا هاتیە گوتن « تیرا دوژمنی ب چ ئاراستە بیت، بزانە حەق و عەدالەت یا ل وێرێ».