دخوازین کەیسا ئەنفالێ ببیتە کەیسەکا نێڤ دەولەتی و قەرەبویا کەس و کارێن وان بھێتەکرن.
===========================================
دیارە پشتی ھەشت سالێن شەری د ناڤبەرا عیراقا عەرەبی دا و ئیرانا فارسی دا ، و کوشتنا زێدەتر ئێک ملیون مروڤ ، سەدام حسێنێ گور بە گورو دارو دەستێن وان تێر خوین نە ببون، جارەکا دی گەلەک ب ھوڤانە دژی گەلێ کوردستانێ ئەنفال و کیمیابارانکرن و گوند خرابکران و تالاندکرنا گەلێ کورد دەست پێکرن.
رژێما ژ نافجویا بەعسیان ب ھەشت قوناغان ب پشتەڤانیا جاش و مستەشارێن خاین «١٨٢» ھزار کەسێن کورد ل گەرمیان و سورداش و قەرەداغ و ھەلەبجە و خوشناوەتی و بادینان ئەنفال و جینوسایدو بێ سەروشوینکرن.
د ڤێ شالاوا درندەدا زەلام و ئافرەت ژێکجوداکرن و گەلەک ل ئافرەتان فروتنە دەولەتێن عەرەبی . ل وی دەمی دا جیھان بێ وژدان ما کەس نەبو رێگریێ ل ڤێ رژێما دراندانە بگریت.
د چەند خولەکەکان دا ٥٠٠٠ ھزار کەس ل ھەلەبجە کیمیابارانکرن، ٤٥٠٠ گوندێن کوردستانێ خرابکرن، مزگەفت و کەنیسە پێکڤە خرابکرن و پەرێن قورئانێ و ئینجیلی پێکڤە سوتن.
ئەڤ پرۆسە قوناغ بۆ قوناغێ و دەڤەر بۆ دەڤەرێ تاکو قوناغا ھەشتێ گەھشتیە دەڤەرا بەھدینان. ئانکو ل رێکەفتی (25-8-تاکو-6-9—1988)
ئەوێن برین برن، ئەوێن مایی دورپێچکرن و برنە نێزیکێ ھەولێرێ ل بحەرکێ و جێژنیکان ئاکنجیکرن و ھندەک ژ خەلکێ شەرەفمەندێ ھەولێرێ خو ل وی خەلکی کرنە خودان ، داکو ل وێ دەشتێ ل برسان نەمرن،
بەلێ جھێ مخابنی یە ئەڤە ھەڤدە سال ب سەر ئازادیا عیراقێ ڤە چون ھێشتا روفاتێن وی خەلکێ ئەنفالکری نەھاتینە زفراندن کو جھێن وان ل بیبانێن عیراقا فاشل ھاتینە دیتن.
ھێشتا ل دەڤەرا بەھدینان جھەک یان گورستانەک ، یان مینومێنتەک بۆ نەھاتینە دروستکرن. یان ھێشتا کەس و کارێن وان نە ھاتینە قەرەبوکرن. یان ھێشتا ئەو جاش و مستەشارێن دەست د گەل تاوانێن ئەنفالان شا ھەین نەھاتینە دادگەھکرن.
یان ھێشتا ئەڤ کەیسە نەبویە کەیسەکا نێڤ دەولەتی .
ژ بەر ھندێ ژی داخوازێ دکەین حکومەت و پەرلەمانێن کوردستانێ و حکومەت و پەرلەمانێن عیراقا فیدرال گەلەک ب جدی کار ل سەر ڤێ کەیسێ بکەن. یاسایێن تایبەت بۆ دەربکەڤن بۆ ھندێ زێدەتر گرنگی ب کەس و کارێن وان بھێتە دان.
ئەڤ تاوانا ھندا مەزن ئەوا دژی ھەموو بنەمایێن مروڤایەتیێ و رێکەفتێن مافێن مروڤێ و جارناما جیھانیا مافێن مروڤی و دژی ھەموو رێکەفتێن نێڤ دەولەتی دێ مینیت خالەکا رەش ب ناڤ چاڤێن بکەرو دۆژمێن مروڤایەتێ و گەلێ کوردستانێ .
بۆ ھندێ ئەڤ تاوانا ھندا مەزن چجاران بەرزە نەبیت ھیڤیدارین د پرۆگرامێن خواندنێ دا بۆ ھەموو قوناغان بھێتە خواندن داکو جیل بۆ جیلی بزانن کانێ چ تاوان ب سەرێ گەلێ کوردستانێ ھاتیە.
ل داویێ ئەم ل گرۆپێ دلسوزێن رێبازا بارزانی ل بەھدینان ل ڤێ ھەلکەفتا 32 سالیا بیر ئینانا ئەنفالێن بەھدینان دا سەرێ خو بۆ ھەمو شەھیدو ئەنفالکریان د چەمینین و بکەرو دارێژەرو دۆژمنێن مروڤایەتیێ و گولێ کوردستانێ و جاش و مستەشاران ریسواو شەرمەزار دکەین .
ھیڤیدارین ئەڤ بیر ئانینە ببیتە ھێڤێنێ ئێک رێزیا ھەمو لایەنێن سیاسی ل ھەرێما کوردستانێ بۆ داکوکیکرنێ ل مافێن رەوایێن شەھیدو جینوسایدو ئەنفالێن و زیندانیێن سیاسی وان .
ھیڤیدارین د سالا بھێت دا لبن سێبەرا ئالایێ دەولەتا کوردستانێ روفاتێن ئەنفالکریان بھێنە زفراندن بۆ ھەمبێزا ئاخا پیرۆزا کوردستانێ