خۆنیشاندانێن ئاشتیانە و مۆھلەتدار بۆ گەھاندنا داخازیان گاڤەکا ڕەوا و فەرە .
جڤاکێن ساخلەم درێکا رێکخراو و سەندیکا و ئالیێن سیاسی یێن ئۆپۆزسیۆن، خۆنیشاندانێن ساخلەم و بەرھەمدار رێکدێخن و رێڤەدبەن، ژبووی گەھاندنا پەیاما خۆ، بۆ دەسھەڵاتێ ھەمی شیانێن خۆ تەرخان دکەن بۆ پشکداریکرنا رێژەیەکا زۆرا خەلکی داکۆ گڤاشتنان لدەسھەلاتێ بکەن بۆ بجهــ ئینانا داخازیێن خەلکی .
کار و خزمەتا ئالیێن بڤی ئاوایی پێشەنگیا خۆنیشاندانێن ئاشتیانە دکەن ل کار و خزمەتێن ئالیێن دناڤ حکومەتێ دا کێمتر نیە بۆ خزمەتا بەرژەوەندا گشتی یا وەڵاتی و وەلاتیان .
لەوما زۆر جاران خڕڤەبوون و خۆنیشاندان دبینە ئەگەرێ دەسھەلاتداربوونا پارتیێن ئۆپۆزسیۆن ل ھەلبژارتنێن داھاتی دا .
ئەو خۆنیشاندانێن لرۆژا ٢٢/٨/٢٠٢٠ ل ھندەک دەڤەرێن کوردستانێ ھاتینە کرن و یێن بەرێ وێ ژی ل زاخۆ، خۆنیشاندانێن دوور بوون ل رەوشتێ خۆنیشاندانێن گەھاندنا داخازیان، چونکی ژبلی کۆ دبێ مۆھلەت بوون ، چ پەیامێن زلال ڤێ نەبوون بگەھیننە دەسھەلاتێ، و ئاراستەیێن خۆنیشاندانا بەرەڤ سیاسیبوونێ و تێکدانێ برن , ئەگەر نەر سۆتنا ئاڤایێن میری و تەقەکرن ل بارەگایێن ئالیەکێ سیاسی یێ دیارکری و بریندارکرنا ھێزێن ئیمناھیێ چ شێوازێ گەھاندنا داخازیانە ..!
یان شاراندنا سازیێن راگەھاندنێ و سۆشیال مەدیایێ ب زمانەکێ زۆرێ زڤر و دوژمنکارانە دژی حکومەتا ھەرێما کوردستانێ و پارتی دیموکراتی کوردستان ..!
دڤێرەدا دیار دبیت ئالیەک یان چەند ئالیێن سیاسی ئەوێن ل ھەلبژارتنا تۆشی شکەستنێ بۆی و باوەریا خەلکی ژدەست دای ، رەوشا ئابووری یا ھەرێما کوردستانێ و ڤان قەیرانێن بۆ حکومەتا ھەرێمێ ھاتینە درۆستکرن بدەلیڤە بزانن بناڤێ خۆنیشاندانا ھەوڵ بدەن سۆزا خەلکی راکێشن و حکومەتێ گۆنەھبار بکەن و ب حکومەتەکا لاواز و لەنگەر دیار بکەن و راستیا لپێش چاڤێن خەلکی ڤەشێرن ..!
ھەر وەڵاتیەکێ کوردستانێ دزانیت حکومەتا ھەرێمێ د چ قەیرانا ئابووریدایە و کی ئەگەرێ دروستبوونا ڤان قەیرانایە ..! ژلایەکی بڕینا بۆدجە و مۆچێ ھەرێمێ، ژلایەکێ دیتر داکەتنا بھایێ نەفتێ و دژواریا رەوشا ساخلەمیا ژبەر کۆڕۆنایێ و کێمبوونا رێژا داھاتێ ناڤخۆیی .
ئەڤە ھەمی قەیرانێن مەزنن لھەمبەر حکومەتا ھەرێما کوردستانێ ، ئەگەر ئەڤ کابینا حکومەتێ ب ھەوڵ و شارەزایی یا سەرۆکێ وێ نەبا نەک تنێ قەیران دا مەزنتر بن بەلکی دا قەوارێ ھەرێمێ د مەترسیێ دا بیت، لێ عەقلێ مەزن و دووربینیا مەسرور بارزانی سەرۆکێ حکومەتا ھەرێمێ ژلایێ سیاسی و کارگێری رێگری لڤێ چەندێ کر و رەوشا ئابووری و کارگێری ژی بەرەڤ چارەسەریێ دبەت .
ئەڤ رەفتارێن خۆنیشاندەرا کری ل بریندارکرنا ھێزێن ئێمناھیێ و سۆتنا ڤاھیێن میری و تەقەکرن ل بارەگایێن پارتی ، رەفتارێن دووری ئازادی و دیموکراسیەتێ و مرۆڤایەتیێ و جڤاکێ کوردستانێ نە، نەژی دبنە ئەگەرێن بدەستڤەئینا داخازیێن خەلکی ، لێ دبنە فاکتەرێ تێکدانا ئاسایشا جڤاکی و کۆرترکرنا ناکۆکیێن سیاسی دناڤبەرا حزبێن کوردستانی .
پێتڤی یە حکومەتا ھەرێما کوردستانێ سەرەدەریێن یاسایی لگەل وان خۆنیشاندەرێن تێکدەر بکەت ، ئەوێن زیان گەھاندی یە ئاڤاھیێن میری و گیانێ تۆند و تیژیێ بەلاڤکری و خۆینا وی خەلکی رێتی ئەوێن پارێزەریێ گیان و سەروەرت و سامانێ خەلکی و وەلاتی دکەن ، ژلایەکێ دیتر ئەرکێ حکومەتێ یە بەری خەلک خۆنیشاندانا بکەت ، ھەمی شیانێن خۆ بمەزێخیت بۆ دابینکرنا پێتڤیێن خەلکی و مۆچێن فەرمانبەران .
رەفتارێن تێکدەرانە یێن پشکەکا خۆنیشاندەرێن شەمبیا بووری ، بەرھەمی وان ئالیێن سیاسی یە ئەوێن دەسپێشخەری و سەرکێشی و پشتەڤانیا وان دکر، نیشانێ لاوازیا ھەستا نەتەوەیی و نشتیمانی وانە ، نەژی دخەما گیانێ وەلاتیێت خۆدایە .
و سیاسیێن بێ پلان و بکێرنەھاتینە چونکی کەسێن بکێرھاتی بەری ھەر تشتەکی بەرژەوەندیا گشتی گەل و وەلاتی و ئاسایشا نشتیمانی و جڤاکی لبەرچاڤ دگریت ، ئەوێن پلان بۆ ڤان رەفتارێن تیکدەرانە دارشتی ، بگەھنە دەسھەڵاتێ ژی ، نەشێن دەسکەفت و ئاسایشا نەتەوی بپارێز، دەست و ئەجندایێن وەڵاتێن نەیارێن کوردستانێ دێ لناڤ کوردستانێ درێژ و بەڵاڤکەن و دحالەتێن دیالۆگ و دانۆستاندنادا ژی ب گۆتنەکا سادە و ساکار دێ بسەرداچن، پاشەرۆژا کوردستانێ رادەستێ دلۆڤانیا دوژمن و داگیرکارا کەن ..! چونکی کەسێن دووربین و خودان ئەزمۆن نینە و ھەمی حەز و ھیڤیێن وان گەھشتنا دەسھەلاتێ یە ، نەک کار و خزمەت .
حزبێن پشکداری حکومەتێ ژی پێتڤیە خۆ ئێکلا بکەن ، یان بەرەڤانیێ ل وێ حکومەتێ بکەن ئەوێن تێدا پشکدار ، یان ژی بریارا ئۆپۆزسیۆن بوونێ بدەن .