پێش دەست بەکاربوونی جەنابی مەسرور بارزانی وەک سەرۆکی حکومەت، جەنابیان خاوەن بەرپرسیارییەتییەکی گەورەتر بوون، کە ئەرکی پاراستنی ئەمن و ئاسایشی ھەرێم و ھاوڵاتییان لە ئەستۆی جەنابییان بوو. لە ڕێی ئەو دەزگایە و ئەرکە قورسەکەیان توانییان کوردستان بکەنە شوێنێکی سەقامگیر و ئارام، ئەویش بۆ پێکەوەژیانی سەرجەم ئایین و نەتەوەی جیاواز، و ھاوکات سومبولێک بۆ ئاشتی و پێکەوەژیان و ھەرێمێکی نموونەیی لە سەر ئاستی ڕۆژھەڵاتی ناوەڕاست کە ببێتە جێی سەرنجی وڵاتە بییانییەکان، بێجگە لەوەش پووچەڵکردنی دەیان بەرنامە و کردەوەی تیرۆریستی لە ھەرێمی کوردستان کە ئەمە کارێکی ئاسان نەبوو، ئێستاش ھەروەکو جاران ئەرکێکی قوڕسی لەسەر شانە ئەویش کە سەرۆکایەتی حکومەت و پاراستنی گیانی ھاوڵاتییانە لە پەتای کۆڤید۱۹ و لە لایەکی ترەوە ھەوڵدان بۆ کەمکردنی کاریگەرییەکانی قەیرانی ئابووری کە جیھان بە گشتی لێی بێ بەش نەبووە.
پێویستە ھاوڵاتییان باش بزانن کە چۆن جەنابییان پێشتر بە ھەموو ھەوڵ و تواناییەک ئەمن و ئاسایشی ئەم ھەرێمەیان پاراستووە، ئێستاش ھەوڵەکان بەردەوامن و ھەموو ھەوڵێک دەدرێ بۆ خزمەتکردنی وڵات و بەردەستکردنی مووچەی مانگانەی ھاوڵاتییان وەکو خۆی ھەر سەرە مانگێک کە ئەمە ئەرکی سەرشانی حکومەتە و جەنابیان ھیچ کات لە بەرپرسیاریەتی ڕایان نەکردووە و تاکە ھەوڵ و ئامانجییان خزمەتی ھاوڵاتییانە، چونکە ھەمیشە خۆیان بە خزمەتکاری گەل و نیشتیمان پێناسە کردووە و مێژوو لە سەر خزمەتە یەک لە دوای یەکەکانی جەنابییان شاھیدە.