پشتی رەزامەندیا دونالدترامپ سەر گرێبەستا کۆمپانیا ئەمریکی دگەل سەرکردێ ھێزێن سوریا دیموکرات مەزلوم عەبدی کۆبانی، ژبو بەرھەم ھێنانا نەفتا روژھەلاتا فوراتێ، ئەڤە پێنگاڤەکا سیاسییە ژبو دانپێدانا ئیدارا خۆیەتی وگەرنتینا مانا ھێزێن ئەمریکی دبیتە ئەگەرێ پتر جسارەتێ بدەتە قامشلو، دا پتر ژ دیمەشقێ دیربکەڤن وپەیوەندیێن خۆ دگەل ڤەقەتینن، مەزلوم کۆبانی رۆلێ خۆ دبینیت ژبو ڤەگوھاستنا نەفتێ بۆ رافینەریێن پترولێ (مصافی النفط) بو (حمص وبانیاس) ل دەڤەرێن بن دەست ھەلاتا حکومەتێ، سیناتورێ جمھوری لیندس غراھام ئەوێ نێزیک ژ سەروک ترامپ ئاخفتنەک کریە بەرامبەر کۆنگریسێ ئەمریکی ب حازربوونا وەزیرێ ژدەرڤە مایک بومبیو دەرباری مەزلوم کۆبانی رابویە ب واژوکرنا گرێبەستەکێ دگەل کومپانیا ئەمریکی یابەرھەم ھێنەرا نەفتێ، وگوت ئەڤە باشترین رێگە بو ھاریکاریا ھەمی خەلکێ دەڤەرێ وھەر وەسا ئاماژە پێدا ئەڤ گرێبەستە ب پشتەڤانیا ئیدارا ترامپ کەفتیە کارێ بجھ ئینانێ، وئەڤ گریبەستە دیرە ژمایتێکرنا وەزارەتا دەرڤە وعەمبارێن کەرتێ نەفتێ ودامەزراوەیێن حکومەتا سوریێ، چونکی حکومەتا ناڤبری ل بن جەزایێن ئابووری وب تایبەت پشتی ب جھئینانا یاسا ئە لقەیسر (قانون القیصر ) ل نیڤیا مانگا یونیو (حزیران) یابوری، ولڤێرە غراھام رولەکێ باش ھەبوویە بو رازیکرنا ترامپ سەرۆکێ ئەمریکا ژبو ھێلانا لەشکەرێ ئەمریکا ل روژھەلاتا فوراتێ پشتی بریارا ڤەکێشانا بەشەک ژھێزێن خو ژسنورێن تورکیا، کو بوویە ئەگەرێ ھاتنا ھێزێن تورکیا وھێزێن دیڤەلانکێن وێ ژبو دامەزراندنا دەڤەرا (نبع السلام ) مابینا (سەرێ کانیێ )و (گرێ سپی )ل روژھەلاتا فورات، ولدیف ئاخفتنێن ترامپ ل ئکتوبەرا بوری کو بەشەک ژھێزێن سەربازیێن ئەمریکا دێ مینن ل ناڤ ئاخا سوریایێ ژبو پاراستنا بیرێن نەفتێ، وھەروەسا بریارا ترامپ ئەو بو ژبو ھنارتنا کومێن مەزن یێن یەکێن نەفتێ ژبو بکارئینانا نەفتا سوریایێ، وھەروەسا ھنارتنا ھێزەکا پاراستنا دەڤەرا (دیر الزور )ژبو رێگرتن ژداعش ل سەر وان بیرێن نەفتێ لدیف داخازا وەزیرێ بەرگریا ئەمریکا (مارک ئەسبر ) وب پشتەڤەنیا بنتاگونا ئەمریکی ھنارتنا( ٥٠٠) سەربازان ل روژ ھەلاتا فورات بو پاراستنا وێ دەڤەرێ ودگەل ھەمی پێتڤیێن لەشکەری ژبو پاراستنا وان بیرێن نەفتێ ،وەک دیار داھاتیێ بەرێ یێ نەفتا سوریایێ نێزیکی (٣٦٠) ھزار برمیلێن نفتێ یێن روژانە دھاتنە دەرێخستن بەری سالا( ٢٠١١) ونوکە ھاتیە کێمکرن بو (٦٠) ھزار برمیل روژانە ونوکە رێژا ٩٠.⁄. ژڤێ نەفتێ وغازێ ل بن دەست ھەلاتا ئەمریکا وپشتەڤانیێن ویێنە ،ئەڤ واژویا ھاتیە کرن سەرڤێ گرێبەستێ دھێتە ھەژمارتن ناسکرنا سیاسیە ئەوا کار سەر دھێنەکرن بوماویێ( ٣) سالان پێنگاڤەکا سیاسیە ب شێوەکێ سەرانسەری مابینا کومپانیا ئەمریکی ورێڤەبەریا خویەتی ب سەروکاتیا مزلوم کوبانی ودھێتە برێڤەبرن بێ رەزامەندیا حکومەتا سوریایێ ،وئەڤ پێنگاڤە دبیتە ئەگەرێ تورەبونا ئەنقەرە ژبەر مەترسیا ویێ ژدامەزراندنا کیانەکێ کوردی ل باشورێ سوریایێ ،ژبەر ھندێ تورکیا یاھەولا رەزامەندیا روسیا وایرانێ دخازیت ژبو گەرنتیکرنا دانەیێن فەرمی ئەوا (کوما ئستانە) (المجموعە استانە ) دەرکەفتی ئەوا دژایەتیا رێڤەبەریا خویەتی وئەجندێن ڤەقەتیایی (الاجندات الانفێالیە)دکەت وھەولدان ژبو یەک رێزی وسەروەریا سوریایێ دکەت وئەڤ گرێبەستە دبیتە ئەگەرێ لەوازبونا سوریایێ یائابوری ،وھەروەسا حکومەتا سوریایێ رێڤەبەریا خویەتی تومەتباردکەت ب پێنەگری ب مەرجێن پەیمانی ئەوا ھاتیە گرێدان ل ئکتوبەرا بوری ئەوا ھاتیە دانان سەر بنەمایێ ھاریکاریا لەشکەری وزڤراندنا نیشانێن دەولەتا سوری ودەزگایێن وێ ژبو روژ ھەلاتا فوراتێ، ولڤێرە بەرپرسێن کوردێن روژئاڤا دیار دکەن کو دیمەشق نەیا رژدە سەردان وستاندنێن سیاسی دابگەھنە لێک تێگەھشتنەکێ لدور پەیوەندیا مابینا قامشلو ودیمەشقێ وسروشتێ رێکخستنا نامەرکەزیێ بۆ سوریا نوێ.