32 ساڵ بە سەر شەڕی بە ناوبانگی خواكورك تێپەردەكات ئەو شەڕەی كە تیادا پێنجەمین سوپای دونیا تێكشكا
ئەو داستانە بە سەركردایەتی راستەوخۆی سەرۆك بارزانی بوو، لە 14/8/1988پێشمەرگە رووبەرووی بەهێزترین سوپای ئەو سەردەمەی عێراق بویەوە.
لە داستانی خواكوڕك لە ماوەی 46 رۆژدا، پێشمەرگەی كوردستان ھێرشێكی بەرفراوانی سوپای عێراقی تێكشكاند كە جگە لە تۆپ و فڕۆكە، رژێمی ئەوسای عێراق چەكی كیمیاییشی بەكارھێنا.
لە 19 تەمووزی 1988 چەند ھەفتەیەك بەرلەوەی شەڕی ھەشت ساڵەی عێراق - ئێران، بە تەواوی رابگیرێت، رژێمی بەعس ھێرشێكی بەرفراوانی بۆ ناوچە رزگاركراوەكانی شۆڕشی كوردستان لە دەڤەری خواكوڕك دەست پێ كرد، بەڵام پێشمەرگەكانی لەشكری شۆڕشگێڕی كوردستان بە سەركردایەتی راستەوخۆی سەرۆك بارزانی لە رووی ئەو سوپایەی عێراق وەستانەوە كە ئەوكات بە پێنجەمین سوپای دنیا دادەنراو شەڕێكی بەرگری كەم وێنەیان ئەنجامدا.
تا پێنجی ئەیلوولی شەڕ و بەرگری پێشمەرگە بەردەوام بوو كە لە رووی سیاسی و سەربازی و ستراتیجییەوە بایەخێكی مەزنی ھەبوو، چونكە پێشمەرگە دەسكەوتێكی زۆری لە چەك و تەقەمەنی ھەبوو. لە رووی سیاسیشەوە پووچكردنەوەی ئەو خەونەی بەغدا بوو كە دەیویست وانیشان بدات بە وەستانی شەڕی عێراق ئێران، بەرگری و شۆڕشی كوردستانیش لەناو دەچێت
بەڵام سەرەرای هەموو ئەوانەی كە لە سەرەوە باسم كرد بەداخەوە كە دێنە سەرشاشەكان هەمووی پاڵەوانە بەڵام خوێنی ئەوانەی كە رژاوە هەر زوو لە بیر دەكرێت سۆركان شیِرۆكی (باوكم)یەكەك لە ئەو قارەمانانەی ئەو داستانە مەزنە بوو كە زۆر بە خرابی بریندار دەبیت بەشێوەیەك كە عومەر عوسمان لە كتێبەكیدا بە ناوی ژیانی كوردێك لە لاپەرەی 144 و 145دا، بەمشێوەیە باس لە داستانەكە دەكات:" دكتۆر(دكتۆر سەعید بێدۆدی) خۆی و سێ‌ رێكخراو سەركەوت،رێكخراوی بروسك و شیرین مانەوە هەر هەمان رۆژ بروسكەی كرد ئەو دوو رێكخراوەش سەركەون چونكە جەبهەكە فراوانە.منیش لە گەڵ ئەو دوو رێكخراوە سەركەوتم و گەیشتینە لایان،كە گەیشتینە سەری كۆراڤا،كە گرینگترین لوتكەی خواكورك بوو ە بەرزترین لوتكەیە لەو ناوچەیە هەر كە گەیشتینە لای ((د.سەعید))پێش ئەوەی لە لایان دابنیشین لە ناكاو دەنگێكی یەكجار بەهێز هات هەژیام،بەڵام نەكەوتم،لە گەڵ ئەو دەنگ و زرمەیە دووجار دەستم بە چاوم داهێنا هیچم نەبینی .جاری سێیەم توانیم ببینم و دەستەكانم هەمووی خوێن بوون بووە هاوار هاوار پاش نەمانی تۆز و دووكەڵ دیتم ((دكتۆر عەشقی مستەقا))كە عدد لاسڵكی دكتۆر بوو لە گەڵ ((سۆركان و دكتۆر و من)) بریندار بووین زۆر بەرد و خۆڵ بەر عەشقی كەوتبوو ،((دكتۆر ساڵح سورچی)) لە وێ‌ بوبە پەلە پێمان گەیشت لە گەڵ برین پێچ ((هەینی پیرانی))و ئێمەیان گواستەوە پشتەوەی سەنگەرەكانو ((دكتۆر ساڵح)) ئێمەی تیمار كرد و سەبارەت بە سۆركان وتی،برینەكەی زۆر گەورەیە نەشتەرگەری نەكرێ‌ دەمرێت نەشتەرگەری بكەم یان بیبەم بۆ دواوە؟وتم بیكە باشترە نەوەك بمرێ".
ئەوە راستی داستانەكەیە بەڵام لە هەمووی گرینگتر پێویستە ئاماژە بە رۆڵی دكتۆر ساڵح سورچی( لە نەخۆشخانەی رزگاری بینیم) بكەم كە بەمشێوەیە گێرایەوە: بارودۆخی سۆركان زۆر خەراب بوو لە هەمان كاتدا كەرەستەی پێویستم لە بەردەست نەمابوو كە تیماری باوكتان بكەم تەنیا ئەوەی لە بەردەستم مابوو دەزووی درومان بوو( كە بۆ مەبەستی درونەوەی قۆماش و پارچە بە كا دێت)منیش پاش وەرگرتنی رەزامەندی عومەر عوسمان بە بە دەزووی دروومان تیمارم كرد لە كاتەكدا كە هەموو ریخۆڵەو پێكهاتەكانی ناو زگی لە دەرەوە بووە.
پاش باسكردنی ئەو راستییانە پێویستە سەرەرای باس كردنی داستانەكە رۆڵی ئەو پێشمەرگانەی كە لە ریزی پێشەوە لە بیر نەكرێت و تەنیا جەخت لەو كەسانە نوكرێت كە لە پشتەوەی شەڕ(قەبری زاهێر) دا بوونە و رۆڵی ئەوانەی كە خوێنیان رژاوە بە مەبەست و بێ‌ مەبەست فەرامۆش بكرێت.
وێنە:
شەهید محسن وسو شێرۆكی،سۆركان ملا عمر شێرۆكی