زور نەخوشی و نەهامەتی دەردەسەری بسەرێ مللەتێ مە هاتینە و ئەم کەفتینە دەراڤێن بەرتەنگ لێ پارتی و مالا بارزان هەر دەمێ بزانن چ جورە مەترسیەک سەرێ ڤی مللەتی بهێت دهێنە سەر خەتی وەک پارێزڤانێن گەل و وەلاتی ٫ مە هەمیان دیت دوو سێ روژە بەغدا بودجێ هەرێمێ راگرتینە لێ دیسان کلیلا چارەسەریێ ددەستێ مالا بارزان دایە و بابەت هاتە چارەسەر کرن ٫ عادل عبدالمهدی کەفتە بن فشارێ و بخو ئیمزا لسەر هنارتنا مووچێ فەرمانبەران کر هەر چەندە گوتیە تنێ بو ڤێ هەیڤێ لێ نەچارە هەمی هەیڤا فرێکەت و لەوانەیە هەتا هەیڤەکا دی هەر ئەف سەروک وەزیرانە نەمینیتن و حکومەتا نوی ئانکو کابینا مستەفا کازمی بهێتە پێک ئینان و بارودوخ بهێتە گهورین ٫ ل ڤێرەدا من دڤێت رولێ بەرێز فوئاد حسێن دەستە راستێ مەرجەعێ کوردان سەروک مەسعود بارزانی بدەمە دیارکرن کا چەوا ژ بال شیعەیان ڤە هێرشێ دکەنە سەر لێ رێبازا پارتی و مالا بارزان ئەڤەیە هەردەم سەرکردێن ڤێ پارتێ ل هەر پلە و پوستەکی دابن خو دکەنە قەلغان بو خەلکێ شەرەفمەندێ هەرێما کوردستانێ و بەشێ بودجێ هەرێمێ هنارتبوو سەرەرای سەدان گڤاشتنان مینا هشیار زێباری دەمی زور کارێن ب ئەنجام بو هەرێمێ کرین ژبال شوفینیان بوهتان بو دەرێخستن پشتی ب سەرفرازی زڤریە هەرێما کوردستانێ و بەرژەوەندیا مللەتێ خو گرنگتر ل بەرژەوەندیا خو دانایی و کەسەکێ پاقژ دەرکەفتی حوکومەتا عیراقێ پار پارا وان بوو و ب ئاشکرایی لسەر کەنالێن راگەهاندنێ دگوتن عیراق یێ بەرەف ئیفلاسێ ڤە دچیتن و کەساتیا هشیار زێباری ب پەیوەندیێن خو یێن لسەر ئاستێ جیهانێ عیراق ل زور کێشەیان دەربازکر و پشتی وی عیراق توشی کورتهێنانا بودجەی هات ئەو دزانن ژی فوئاد حسێن پێگەها خو هەیە لەورا ب درەندەترین شێواز یێ هێرشێ دکەنە سەر ٫ بو زور لایان ژی گرتبوو راگرتنا مووچەی بو وان دەلیڤە بوو هێرشێ بکەنە سەر حکومەتا هەرێمێ بیرا مە هەمیان ل پەیڤا جەنابێ سەروک مەسعود بارزانی ئیناڤە دەمێ د فەرمیت دەمێ تەنگاڤیا پارتی تاوانبارە و دەمێ دبیتە بەرفرەهی دبێژن مە ئەف دەستکەفتە بو مللەتی بو بدەستڤە ئیناینە ٫ ل تەنگاڤیان پارت و لایەن دیار دبن و نیەتا وان و تا چ رادە ئاما دبن خو بکەنە قەلغان ئەف هەمی هەلویستێن پارتی پێگەها پارتی بهێز دکەن لەورا پارتیا ئێکەم و بێ رکابەرە ل گورەپانێ ٫ ئەڤرو ئازادی یە خەلک ژی ل هەرێمێ زور ب وژدانن و هەمی یێن ب چاڤێ خو دبینن کا کێ کێیە و چ پارت و لایەنە بەرگریێ ژ ماف و دەستکەفتان دکەتن و ل دەمێ هەلبژارتنان بەرهەمێن ڤان روژێن سەخت دیار دبن ٫ هەمی پارت و لایەنێت کوردستانی بلا بو وە رون بیتن مەیدان یا ڤەکریە هەر پارتەکێ دڤێت خزمەتا ڤی خەلکێ هەژار بکەتن بلا کەرەمکەن ئەو روژ بورین بێژن مە هێزا هەی مە پێگەها هەی ئیدی خەلک ژ ڤێ چەندێ تێر بو تنێ ئەو پارتە دێ سەرکەڤیتن یێن ل تەنگاڤیا بەرگریێ ژ مافێن رەوایێن گەلێ خو دکەن و هەولێن جدی ددەن بو خوشکرنا ژیارا خەلکی ٫ خەلکێ شەرەفمەندێ کوردستانێ ئەڤرو حکومەتا مە زورا بهێزە و کوردستان یا زال دبیتن و پێش دکەڤیتن لەورا چاڤێن ناحەزان ب ڤێ پێشکەفتێ هەلنایێت بارودوخ زورێ هەستیارە دڤێت ئەم وەک تاک ژی هەست بڤێ مەترسیێ بکەین و هشیاربین نەهێلین پلانێت دوژمنا سەر بگریت و مە بکەنە سەنگەرەک دژی حکومەتێ تنێ ئەڤە خیالا وانە شەقامێ کوردستانێ بلڤینن دژی حکومەتێ تا فشار بکەڤیتە سەر ٫ دڤێت ئەم وەک تاک هەست ب بەرپرساتیێ بکەین و پشتەڤانێن سەرسەختێن حکومەتا خو بین و بێژینە دوژمنان ئەگەر نان و ئاڤێ بخوین خیانەتێ ژ حکومەتا خو ناکەین ئەڤ هەلویستانە پتر مە بهێز بکەن وەک ئەرکەکێ نیشتیمانی ب دلسوزانە ری ب ری هەمی پلانێت ناحەزان بین ٫ مە هەمیان دڤێت باوەریەکا مکوم هەبیتن دێ حکومەتا مە بهێزتر بیتن و روژ دێ هێتن دێ سەربخویا ئابوری راگەهینیتن و دێ کوردستان بەرەف پێشترڤە چیتن تنێ دڤێت ئەم هێشتا بهێن فرەهبین ٫ ئومێدەوارین حکومەتا مەژی لسەر پێنگاڤێن خو یێن خزمەتێ بەردەوام بیتن و ژیارا خەلکێ مە خوشتر لێبکەتن ٫ خەلکێ مەیێ خوشتڤی بەس سەحکەنە خەلک و شەقامێ عیراقێ چەوا پەسنا پێشکەفتا حکومەت و هەرێما کوردستانێ دکەن مە هەمیان ل کەنالێن راگەهاندنێ ددیتن لەورا ئەو لبن فشارێ نە و دڤێن وێ فشارێ سەرخو راکەن و شەقامێ مە تێک بدەن لێ ئەم ل وان پێشکەفتی ترین ل هەمی رویەکی ڤە و ئاستێ رەوشەنبیری هەر تاکەکێ کورد لسەر ئاستێ جیهانێ پێشکەفتی یە و ئەم ناهێینە خاپاندن