هەمی سەرکردەیین عیراقێ هند خوش مروڤن هەتا نەگەهشتی نە دەستهەلاتێ دەمێ ل وان تەنگ دبیت خو دهاڤێنە باوەشا هەرێمێ هەتا ئەڤرو ئەم یێ دبینین ٫ عادل عبدالمهدی ژی ئەو سەرکردێ عیراقێ کوردستان و سەروک مەسعود بارزانی وەک مەرجەعێ خو ددیت و ئاخفتنێن بریقەدار دکرن من نانێ کوردان یێ خاری و وان ئەم یێت حەواندین چ جارا دژی هەرێما کوردستانێ ناراوەستم و ئەم وەک مللەتێ کورد ژی خودانێن نیەت پاکییێینە مە ب بەژن و بالا ویدا دگوت راستە هندەک کارێن باش دکرن و بوونە جهێ دلخوشیا هەر تاکەکێ کوردستانێ لێ چ منەت لمە نەکرینە مافێن مە یێن رەوانە مە هەمیان دیت هند ل وی تەنگ بوو ئێک لایەنێ عیراقێ پشتەڤانی وی نەدکر و خەلکێ عیراقێ لێ رابوو تاکو نەچار بوویی بخو دەست ڤەکێشانا خو پێکێش بکەتن تنێ سەروک مەسعود بناڤێ مللەتێ کوردستانێ پشتەڤانیا خو بو وی دوپاتکر و فەرموی گوت ئەم دگەل مانا عبدالمهدی نە بو ڤی بارودوخی ٫ ئەم هەمی یێ دبینین عادل عبدالمهدی وەک سەروک وەزیرێن عیراقێ کاتی مایە و کاربرێکەرە لێ ل دیماهیک قوناغا چوونا خو ژی مینا شوفینیێن بەری نوکە دربا خو لمە دا و ئەڤرو ب ئاشکرایی گووت مە مووچە ماوەکێ درێژە بو هەرێمێ هنارتیە لێ وان هەقێ نەفتێ بو عیراقێ نە هنارتیە و بەرپرسێ نڤیسینگەها وی ژی ئەف چەندە پشت راست کر و ب فەخر ڤە یێ دبێژن ئێک دینار ناهنێرینە هەرێما کوردستانێ ٫ هین دزانن بوچی لڤێ قوناغێ ئەف بریارە دا ل عیراقێ دەمێ سەرکردەک بڤێت پێگەها خو بهێز بکەت هزرا وان هەمی ئەوە دژی هەرێمێ ب راوستن دێ پێگەها وان بهێز بیتن و ژ بال لایەنێت شیعی ڤە ئەڤێ چەندێ ب دەستکەفت دزانن ٫ من دڤێت وێ شیژنێ بینمە بیرا عادل عبدالمهدی یا چاڤێن حکومەتا عیراقێ دا وە ل دەستوری چەسپاندی یە کو پشکا هەرێما کوردستانێ ل بودجێ عیراقێ ۱۷٪ یە ب تلریونان لڤان چەند سالێن بوری هین قەردارێت هەرێما کوردستانێ نە ئەو نەفتا هین بەحس دکەن ب داگیرکاری وە نافچەیێن کوردستانی یێن دەرڤەی سنورێ هەرێما کوردستانێ قورخ کریە و هنگ یێ بەرهەمێ وێ دخون ٫ ل بیرا وەیە دەمێ هین چ نەبوون و هەرێما کوردستانێ مینا دەولەتەکا بهێز بوو وە دگوت عیراق موحد عیراقا ئێکگرتی مە دڤێت مافێ هەر تاکەکێ عیراقێ بهێتە سەپاندن ل بیرا وە چوویە ٫ هەرێما کوردستانێ گەلەک ژڤێ چەندێ بهێزترە ئەگەر لایەنەک ژی هەبیتن ل کوردستانێ باوەری بو وە چێکربیتن کو هەرێم دێ ب راگرتنا مووچەی لاواز بیتن دەمێ وە مووچە لسەر مووچەخورێن کوردستانێ قەدەغەکری هەرێم زالبی و بهێز تر لێهات و ریفراندوم ئەنجامدا کارتا فشارێ یە لسەر وە ئەز د وێ باوەرێ دامە هین دێ مە بەرەف دەولەت بوونێ ڤە بەن و ئیدی وە چ هێجەت نامینیت و جیهان پشتی ڤێ بریارا وە دایی یا چەواشەکاری دێ گەهیتە وێ باوەرێ وە دڤێت دژاتیا مە بکەن و دێ پشتەڤانیا مە هێتە کرن ٫ باوەری وەسا بومن یێ چێبوی پشتی سەدامی هەمی سەرکردێن شیعا و بەشەک یێن سنا ژی ل سەدامی خراپتر یێ هەلسوکەفتێ دکەن دگەل مللەتێ کوردستانێ و ب کین ترن و یێ دبنە ئەگەرێ برینا قوتێ نانێ خەلکێ هەرێمێ و ئەف چەندە ژی لسەر وە ب هەژمارە و مێژوو رەحمێ وەدا نابەتن ٫ ل ڤێرەدا ئێکەم جار داخازێ ژ فراکسیونا پارتی ل پەرلەمانێ عیراقێ دکەم چونکی بارێ گران لسەر ملێ وانە هەلویستێ وەرگرن و هەمی فراکسیونێن کوردستانی دڤێت هەڤرا بن ئەڤە ئەو روژە یا وە دگوتە خەلکێ خو ل هەرێمێ مە مووچە گەرەنتیکریە و ناهێتە برین ڤە داخازێ دکەم هەمی ژ پەرلەمانی و حکومەتا عیراقێ ڤەکشیێن تاکو ببیتە کارتا فشارێ لسەر حکومەتا عیراقێ و جیهان بهێتە سەر خەتی هەتا کەنگی تاکە کەسەک بشێت بریارێ لسەر خەلکێ هەرێمێ بدەت لدویف حەزاخو ٫ بەسە ژیانا ب زەلیلی و بێ دەستهەلاتی ئەگەر هوین نەشێن ڤی کاری بو مللەتێ خو بکەن و گڤاشتنێ بێخنە سەر وان بسەر بلندی بزڤرنە هەرێمێ دێ بیتە هەلویستەک مێژویی ٫ دیسان داخازێ ژ پارت و لایەنێت کوردستانی دکەم بلا چ لایەن لایەنێ دی گونەهبار نەکەتن ئەف گڤاشتنە هەمی بو پەرتەوازیا ناف مالا کوردی یە ٫ خەلکانەک دێ هەبن ڤێ جارێ ژی حکومەتا هەرێمێ تاوانبارکەن تایبەتی پارتی ژی دێ کەڤیتە بەر ڤێ هێرشێ لێ دخازم مللەتێ کوردستانێ ئێک جار هەڤرا بن ئەفجا دێ بەرهەم هەبیتن ٫ بلا لاپەرێن مێژویێ هەلدەین کەس نەشیایە مللەتێ کوردستانێ ئیلا ب پلانێت دارژتی نەبن یێن دوژمنێن گەلێ مە و رێ خوشکرن ژی ژ بال خوفروش و خیانەتکاران هەبوویە ڤێ جارێ ژی مللەت دەبی بریارێ بدەت و هەر تاکەکێ کورد گڤاشتنێ ل پارتا خو بکەن دژی ڤان هەلویستێن نەگهور یێن حکومەتا عیراقێ راوستن ٫ وە باوەری هەبیتن مللەتێ مە هندێ بهێزە دوژمن ب دل لمە دترسن دوبارە دێ بێژم بلا ئێک جار خودان ئێک هەلویست بین وەک ئەرکەکێ نیشتیمانی و دلسوزی بو وەلاتێ خو