ماوێ چەندین سالانە دەزگایێ خێر خازی بارزانی نەمر وەک دەزگایەکێ بێ لایەن کەفتیە کاری و بێ لایەنیا خو یا سەلماندی ب بەلگە وەدبێژم ل هەر پارچێن کوردستانێ دەمێ هەر مەترسیەک بکەڤیتە سەر مللەتێ کورد ئەو ل وێرێ ئامادە دبن مینا پشتەڤانیا کوردێن باکور دەمێ ئەرهەژا وانێ و زوربەیا دەڤەرێن کوردستانێ گرتین دیسان دەمێ بارودوخ ل کوبانێ تێک چوویی و توشی زور نەهامەتیان هاتن هەتا کو کاروانێ هاریکاریێ گەهاندینە کوبانێ ژ ئالیەکی دی چەندین جاران هاریکاریێ کوردێن روژئاڤا کرین دەمێ توشی دەربەدەریێ بووین ل کەمپان هاریکاریا بێ سنور پێشکێشی وانا کرن هەروەسا هاریکاری بو کوردێن روژئاڤاژی رەوانەکرینە ئەوێن ل وارێن خو ماین دەمێ کوردستانا روژهەلات ژی توشی ئەرهەژێ بوین ب هەمان شێوە هاریکاری گەهاندنە وان ژی دەمێ خەلکێ عیراقێ ژی توشی دەربەدەریێ بووین ئێکەم دەزگا چوویە پێشوازیا وان ئەف دەزگایە بوویە و ئەوێن ماینە بن دەستێ دەستهەلاتا داعشێ پشتی هاتینە رزگارن ل وان هەمی دەڤەران هاریکاری گەهاندنێ ب کاروانێن زور مەزن تایبەتێ پارێزگەها میسل ٫ دیسان ل نافخوژی ل هەرێما کوردستانی ب هەزاران ئاوارە ب شەپول قەستا هەرێمێ کرن دەزگایێ بازرزانی بشەڤ و روژ د خزمەتا واندا بی مە هەمیان ل دەزگایێن راگەهاندنێ ئێکەم پێنگاڤا مەزن دەمێ برایێن مە یێن ئیزدی ل سەرێ چیایێ شنگالێ کەفتە بەرتەنگیێ و دناف دەستێ داعش دا ماین و خو رادەست نەکرین و خوراگرتین دەمێ پێشمەرگەهێ کوردستانێ رێیا وان ڤەکرین دەزگایێ بارزانی ب سەدان جاران کاروانێت هاریکاریێ گەهاندنە وان و دابینکرنا ژیارا وان ب ئەستویێ خوڤە گرتن و کەمتەرخەمی نەکرن ئەوێن چووینە ناف مزگەفتان و مالان و ئاڤاهیێن دا هەمی ب ئەستویێ خوڤە گرتن ٫ ل زور بواران دا هاریکاریا خەلکێ کوردستانێ کرینە ژیارا گەلەک هەژاران ل هەمی پارێزگەهێن کوردستانێ بێ جیاوازی ب ئەستویێ خوڤە گرتینە و زور کێم دەرامەت قورتال کرینە ٫ نوکە نوینەراتیێن ڤی دەزگایێ پیروز ل زوربەی باژێر و باژوروکێن کوردستانێ هەنە و کارێن خو دکەن و خزمەتەکا بێ سنور پێشکێش دکەن هەژی دەست خوشی و سوپاسیێ نە ٫ لڤان کاودانێت ڤێ دیماهیێ ژی بسەر هەرێما کوردستانێ دا هاتین دەزگایێ بارزانی پێشەنگ بوویە دێ شێم بێژم هەژار نەمایە بەهرا هاریکاریێ نەگەهشت بیتێ ب رێیا بەلافکرنا هێلێن گەرم ل سەرانسەری کوردستانێ بێ جیاوازی هاریکاری پێش کێشی خەلکێ مەکرینە ٫ ئەف دەزگایە نوکە زورێ بهێزە و پشتەڤانیا نافخویی و نیڤ دەولەتی و روژهەلاتا ناڤین هەیە و دەزگایەکێ رێک و پێکە ستاڤەک قەهرمانن و خەلکانەکێ زور دگەل وان هاتینە دامەزراندن پێگەهەکا مەزن هەنە دەست خوشیێ ل کارێن وان یێن خێرخازی دکەین کارمەندێن وان زور ماندی دبن هەر جهێ ب ئەگەرێ بەربەلافبونا نەخوشیا کورونایێ هاتبیتە گەرەرەنتین کرن دەزگایێ بارزانی مال ب مال ئازوقە گەهاندینە وان لدویف رێنمایێن تەندروستی بەرچاف گرتینە و مە هەمیان ل کەنالێن راگەهاندنێ ددیت سەروکێ ڤی دەزگایی ژی کاک موسا ئەحمەد بارزانی یە کەسەکێ زورێ دلسوز و پاقژە و کادرێ ئێکەتیا قوتابیێن کوردستانێ یە لەورا ستاڤێ وان ژی زور ب رێک و پێکی کارێن خو ئەنجام ددەن هەتا ئەڤرو جهێ متمانا خەلکێ کوردستانێ نە خودایێ مەزن هێشتا هێزێ بدەتێ وان بو خزمەتکرنا گەل و وەلاتی کارێن باش دڤێت جهێ سوپاسیێ بن تاکو ئەوژی بەردەوام بن دا ورەیا وان هێشتا بەرز بیتن ٫ یا ژ هەمیێ گرنگتر ناڤەک پیروز یێ کو خو گوری مە هەمیان وەک مللەتێ کورد کری و مللەتێ مە ب جیهانێ دایە ناساندن ناڤێ بارزانیێ نەمر مەلا مستەفا بارزانی لسەر وانە بخو جهێ رێزێ یە ٫ هێڤی دارم ئەم هەمی پێکڤە سوپاسدارێت ڤی دەزگایێ بین کو وەسا ب دلسوزانە یێ خزمەتا مللەتێ خو دکەن هەر شاد و سەرفرازبن ل سەروکێ دەزگایی هەتا دیماهیک کارمەندێت وان یێن دلسوز خودایێ مەزن هێشتا پشت و پەنایێ وانا بیتن هەلویستێ وان یێ جامێرانە لبەر چاڤ بگرین ٫ ئەگەر ب سەدان لاپەران کارێن وایێن خێر خازی لسەر بنڤیسم بدیماهیک ناهێتن لەورا ب چەند خالەکا من وەسا وان کریە ٫ ئەڤی دەزگایێ پەیچێ خو یێ فەرمی هەیە ل سوشیال میدیا و روژانە ئەم یێ کار و چالاکیێن وان دبینین و ل دەزگایێن راگەهاندنێ ژی یێن نافخویی و دەرڤەی وەلاتی تێنە نیشاندان هەر وەلاتیەک دشێت گلە و گازندێت خو برێیا نوینەرێت وان بگەهینیتن ئەوێ هەژی هاریکاریێ پێتڤی بیتن هاریکاری دگەهیتێ