من بەری نوکە ژی لدور راپورتا پەیامنێرێ ب ناڤ و دەنگ ورێڤەبەرێ کەنالێ ئێم بی سی ئێک ل وەلاتێ سعودیێ بابەت نڤیسی چونکی بەشەک ژ وێ دیدارا مێژویی مابوو لەورا من بفەر زانی وتارەک دی بنڤیسم راستی مروڤ ژ پەیڤێن جەنابێ سەروک مەسعود بارزانی تێرنابیتن دەمێ هەڤپەیڤینەک هەبیتن زوربەیا خەلکێ کوردستانێ چاڤەرێ دمینن تاکو دهێتە پەخشکرن تایبەت ئەگەر دگەنالەک بیانی بیتن ژبەرکو خو ب مەرجەعێ کوردان دزانیت هەول ددەت پەیاما مللەتێ کورد بگەهیت و ئەو نەهامەتییێن بسەر مللەتێ مەدا هاتین ٫ یا خویا پشتی شەرێ کوێت و عیراقێ سەرهەلدانێ دەسپێکر و زوربەیا نافچەیێن کوردستانی لبن دەستهەلاتا رژێما گور ب گور هاتنە ئازاد کرن لێ مللەتێ مە دیسان چ دوست نەبوون تنێ چیایێن کوردستانێ نەبن وەکی مەرجەعێ مە دبێژیت و خەلک دەربەدەری ئیرانێ و توکیا بوو جارەک دی ٫ سەروک مەسعود بارزانی دبێژیتە کەنالێ نافئینایی تو هزر بکە ئەو لەشکەرێ مللەتێ تە ئەنفال کری و گوند باژێر سوتین و خەلکێ بێ تاوان ب دەریا خوینێ شەهید کرین دوو فەیلەقێن وان کەفتنە دەستێ خەلکێ کورستانێ لێ مللەتێ کورد چاڤێن مندا مەزنتر بوون زەرەر نەگەهاندنە ئێکی و هەمی ب سلامەتی زڤرینە ناف مال و خێزان و کەس و کارێن خو ئەڤەیە کارێ مروڤاتیێ لدەف مللەتێ کورد ٫ سەروک بارزانی دبێژیت پشتی ڤان هەمی ریدانا سەدام حسێن داخازا گفتویێ کر مەژی بەرسڤا وان دا ئەم هەمی دەما د ئامادەینە بو گفتوگویا وان هزر کر ئەم تەنگاڤین و دترسین جارەکادی هێرشی مەکرن و دربا کوشندە ل کورێ ب وان کەفت و هێرشا وان راوستیا ٫ بارودوخ هاتە گهورین جیهان هاتە سەر خەتی جارەکا سەدام داخازا گفتویان کرەڤە ئێکەم شاندێ مە رەحمەتی مام جلال دگەل شاندەکی چوو و سەدام دخاز کربوو سەروک مەسعود بارزانی بینیت جەنابێ سەروکی ژی گووت بەر خاترا مللەتێ خو کوپەکا ژەهرێ یە دێ ڤەخوین و پەیامنێر دبێژتە سەروکی تێتە بیراتە دەمێ ئێکەم جار سەدام دیتی گوتی بەلێ باش گوتی پشتی من ب سەرپەرشتیا شاندەکی سەرا بەغدا دایی و کومبون ئەنجام دای سەدامی داخاز کر تنێ گەلمن رینتە خارێ گووت مە دڤێت یێ بوری بوری ژ ئەفرو وێڤە بارودوخ بهێتە گهورین و مفایی ژ رابردویی ببینین سەروک بارزانی بەرسڤا سەدامی ددەت دبێژتێ رولێتە ل ۱۱ ی ئادارێ باش بوویە بەس ریدانێت پشتی یازدەی ئادارێ من ژبیر نەکرینە و ئەز دناف دەریا خوینێ هاتیمە دەفتە بەس بەر بەرژەوەندیا وەلاتی ٫ ل جهەکی دی سەروک بارزانی دبێژیتە پەیامنێری باوەرناکەم ئێک کەس هەبیت ل عیراقێ شیابیت بوچونەکێ بدەتە سەدام و هەمی تشت ب کەیفا خو دکر ٫ دیسان دبێژیت پشتی من سەدام دیتی من قەت باوەرنەدکر بڤی رەنگی وی بینم من هزر دکر یان دێ مێژویەکێ بخو تومارکەت یان دێ ب رەنگی کوتایی ب ژیاناخو ئینیت لێ پشتی من دیتی دناف وێ کورتێ ئیناینە دەرێ و هوسا بێ سەر و بەر دچاڤێن مندا شکەست ٫ پەیامنێر دبێژیت ئایە دادگەهکرنا وی عادیلانەبی ؟ سەروک بارزانی دبێژیت ئەمریکییان گرت و د دەستێ واندا بوو وان سەرپەرشتیا مەلەفی دکر و ئەز دگەل هندێ نەبوم روژا جەژنێ وی سێدارە بدەن و کارەکێ هەلە بی هەرچەندە من هایژێ هەبوو بهانە ئینان کو هەولێت رەڤینا وی ددەن لێ ئەز دوێ باوەرێ دانینم و کارەکێ خەلەت هاتە ئەنجامدان لی سەدام بخو بەرپرسە ژ وان تاوانێت گەل وەلاتێ خو و دەوروبەرێت خو کری پەیامنێر دبێژیت هەستێ تە چەوابوو کو مللەت و کەس و کار و خێزانا تە توشی ڤان هەمی نەهامەتیان ئینایی سەروک دبێژتێ اللە یمهل و لا یهمل گەهشتە مافێ خو ٫ پشتی ژ ناف چوونا سەدام سالا 2003 باودوخ هاتە گهورین مەرجەعێ کوردان دبێژیت ئەم هەمی پێکڤە پارت و لایەنێت کوردستانی هەڤرابین بچینە بەغدا ب بریارا پەرلەمانێ کوردستانێ و حکومەتەکا هەڤپشک یا برایەتی پێک بینین و کار لسەر هندێ بکەین وەلاتی پارێزین و بەرگریێ لێ بکەین و وەلاتی ب مافێن خو شاد ببن ٫ دەربارەی پەیوەندیێێت ئەمریکا و کوردستانێ ب درێژاییا مێژویی باشی و خرابیێن خو هەبووینە هەلویست گهور بووینە هندەکا جارا بەرگریکار بووینە و هندەک جاران ژی پشت لمە کرینە و ئەم پشت گوههاڤێتینە ئەوا د بەرژەوەندا وابیتن وێ دکەن ٫ لێ پشتی ئەم هاتینە گازی کرن وەک لایەنێت ئوپوزسیونا عیراقی ل ئەمریکا ب رەنگەکێ نە چاڤەرێکری و ئاماژە بو وێ ئێکێ دان کو دێ ل عیراقێ دەن و سەدامی ژناف بەن مە گوتە وان ئەگەر هوین د ئامادەبن ئەم ژی ئامادەینە لێ ئەم گەهشتینە وێ باوەرێ کو دێ ئەمریکا ل عیراقێ دەت مەژی خو بەرهەف کر و چەند کونگرەکێت ئوپوزسیونا لایەنێت عیراقی هاتنە ئەنجامدان ل کونگرێ لەندەن ل دیماهیک روژ من هزر کر بێهنا تولڤەکرنێ یێ ژوان لایەنێت ئوزسیونێت عیراقێ دهێت بەری بەیانناما هەڤبەش دەربێخن من داخاز کر وتارەکێ پێشکێش بکەم و د وتارا خودا من گوتە وان ئەز دگەل سیستەمێ دکتاتوریەتێ نینم و دگەل ئازادیێ مە ۷۳ سێ کەس ژ خێزانامن و هەشت هزار کەس ژ عەشیرەتا من و هەشتێ هزار ژ مللەتێ من لسەر دەستێ رژێمێ شەهید بینە ئەگەر هەر ئێک ژ مە تولا خو ڤەکەتن ئەڤە دێ عیراق گەهیتە چ قوناغ و سەربورا مە یا هەرێمێ وەرگرن هەبون دناف مللەتێ مە هەڤکاریا رژێما بەعس کرینە پشتی ئەم ل وان بورین مروڤێن باش ژێ دەرکەفتینە ئەگەر وە دڤێت دا لیستەکێ چێکەین ناڤێن تاوانبارا بدەینە دادگەهێ هندەکا پشتەڤانیا من و هندەک دگەل رەئیا من نەبوون ٫ سەروک بارزانی وەک هەمی جاران ب خودان هەلویست هاتیە نیاسین دبێژیت پشتی ئەنجومەنێ حوکمرانیێ هاتیە دامەزراندن و ئێکەم جار بول برێمەر ئێکەم کومبون دگەل مە ئەنجامدایی گوت مە عیراقا داگیرکری هەر بریارەکا ئەز بدەم نابیت کەس رەت بکەت راستەوخو ب سەروکێ ئەمریکایێ ڤە گرێدایمە ئەم چ بێژین هین دێ وەکەن سەروک بارزانی د بێژیتی من بارەگایێ خو ل هەولێرێ یێ هەی و ئەز فێر نەبیمە وەک راوێژکار دەف کەسێ کار بکەم و ئەز دوو هەیڤا زڤریمە هەڤلێر وی پەیوەندی بمن نەکر و زور هەلویستێت کرێت کرن لێ مە رەدا ویدا نەچار بوو چەندین جارا سەرامن دا هەروەکی چ ری نەدایی ئەڤەنە هەلویستێن خو نەگور.