راستە رێکخراوا تیرورستیا داعش زور لاوازبوو و هەمی جیهان پێکڤە ری ب ری ڤێ رێکخراوا تیرورستی بوون هەر نەشیان ب ئێک جاری ژناف ببەن و مە هەمیان دیت چەند کارتێکرن لمە کر و چ مەترسیا وێ یا جیاواز بوو لێ خوراگریا پێشمەرگەهێ کورستانێ و ب پشتەڤانیا خەلکێ شەرەفمەندێ کوردستانێ شیان خوراگرن و زور زەرەر ژی گەهاندە هەرێمێ ٫ پشتی ژناف برنا ئەبو بەکر بەغدادی و ژ ناف چوونا دەولەتا ب ناف خیلافەتا ئیسلامی و ژ دەست دانا وێ هەمی خاکا ددەستێت وان دا تاکو دیماهیک فیشەک ژی لدەف وان مابون تەسلیم نەبوون چونکی ئەف رێکخراوە لسەر بنەمایێت شیشتنا مێشکی و ب ناڤێ ئایینێ خەلک سەردا بربون مە دیت ژی یێن هاتینە کوشتن و خو رادەست کرین چ ژ کوردستانێ و عیراقێ و سوریێ و هەڤپەیمانان لێ هێشتا خێزانێن وان ماینە کەرب و کینەکا مەزنتر ددلێ واندایە و بەری چەندەکێ مە دیت ژ ئێک ل زیندانێن سوریێ هەژمارەکا زور رەڤین و بەرەلاف بینە جارەکا جهێ ئەبو بەکر بەغدادی ژی هاتیە پرکرن ڤە ئەم هەمی ژی دزانین پشتەڤانیا مادی ژی ژ ئالیێ گەلەک وەلاتان و ئەو کەسێن خودان شیان یێن توند رەو بوڤێ رێکخراوێ یا بەردەوامە لسەر دەمێ حوکمرانیئ ژی زور سەروەت و سامان کەفتیە ددەستێ سەرکردێن واندا زور ژ سەرکردێن ڤێ رێکخراوێ ژی هەر بەرزەنە هەژی بێژم دەمێ هەڤپەیمانان و لسەر زارێ سەروکێ ئەمریکا سەرکەفتن لسەر داعشێ راگەهاندنی و جیهان هەمی مژیلی وێ کەیف خوشیێ بوون ٫ ل هەمان دەمدا مەرجەعێ کوردان سەروک مەسعود بارزانی هاتە سەرخەتی و پەیامەک بو جیهانێ بەلافکر و ئاماژە دا وان کو هێشتا داعش بدیماهیک نەهاتیە دیسان سەروکێ هەرێمێ ژی رێزدار نێچیرڤان چەندین جارا و سەروکێ حکومەتێ ژی رێزدار مەسرور بارزانی هوشداری دان کو داعش سەرقالی خو رێک ئێخستنێ یە ئینا وەلاتێن زلهێز هەست ب وێ مەترسی کرن دیسان وەک هەڤپەیمانان ئامادەییا خو دەربرین و گووتن ئەم د بەرهەڤین بو ری ب ری بوونا داعشێ ٫ خالا هەرە گرنگ من دڤێت ئاماژێ پێ بدەم چەندین جاران وەزارەتا مە یا پێشمەرگەی چەندین جاران هوشداری دا حکومەتا عیراقێ کو جمو جولێت داعش هەست پێ تێتە کرن لێ وان گوهێ خو نەدا ڤێ چەندێ و دیسان زور جاران وەزارەتا پێشمەرگێ کوردستانێ دگەل وەزارەتا بەرگری عیراقێ دیدار و وکومبون ئەنجامدان و ب رونی بو وان دیارکرن کو ڤالاییەکا ئەمنی هەیە دنافبەرا پێشمەرگەی و لەشکەرێ عیراقێ و هەول دان هێزەکا هەڤپشک دروست بکەن لێ هەر وان چ ددەستێ حکومەتا مە نەکرن و چ هەلویست نەبوون هەتا کو بوو مەترسی لسەر لەشکەرێ عیراقێ و زور دربێن کوشندە ل وان دان دیسان داعش ب هەمی رێیان ل وان دەڤەرێن مە ئاماژە پێکرین دەست ب رەڤاندنا خەلکێ سڤیلکرن و بەرامبەر کوژمەکێ خیالی زاروکێن وان ئازاد دکرن و زور ژوان بوونە قوربانی دەستێ تیرورستان نوکە پشتی داعش خو رێک کریەڤە و هاتن و چوونا وان برێیا سنورێت عیراقێ ئازادانەنە ب رەنگەکێ دی و ب سیاسەتەکا دی برەنگێ پارتی زانی یێ هێرشا دئینە سەر سەنگەرێت پێشمەرگەهێت کوردستانێ ٫ و بەری دوو سێ روژان مەدیت د هێرشا واندا مە سێ شەهیدێن دیتر دان ل سنورێ ناحیا کولەجوو و هێرشێن وان دێ بەردەوام بن هەر جهێ ئەو بایی خو لێ بینن دێ دربەکێ لێدەن ٫ هێڤی دارین حکومەتا مە زور باشتر خو بەرهەف بکەن و سەنگەرێن خو جارەکا دیتر مکوم بکەتن خودێ دزانیت کا وان چ پیلانێت دیتر هەنە بەرامبەر هەرێما کوردستانێ بێهنا وان بڤێ کارێ پارتی زانی تنێ ناهێتن چونکی پێشمەرگەی وەسا درب ل وان دایە و ئەو گەهاندنە قوناغا ژ نافبرنێ لەوانەیە وانا ژی پیلانێت مەزنتر لبن سەرێ واندا بیتن و دێ ب کەرب و کینەکا مەزنتر ری ب ری مە بنەڤە هەر چەندە حکومەتا مە یا بهێزە و یا بەرهەڤە بو هەر حالەتەکێ نەخازیار لێ دڤێت گرنگی ب مەترسیا ڤێ رێکخراوا درندە بهێتە دان لەوانەیە ب هەمی رێیێن توندرەوی هەولا بدەن پەقینان ئەنجام بدەن خەلکی برەڤینن هێرش بکەن هتد دڤێت ئاسایش و پولیس لناف هەرێمێ گرنگیێ ب جمو جول و لڤین وان بکەنەڤە و پێزانینا لسەر وان کوم بکەن لەوانەیە خەلکانەک هەبیت چەپلا بو وان لێبدەن و ببنە رێ خوشکەر ئەوێن خو فروش مینا جارا بوری ٫ تشتەکی دی ژی بلا لدەف مە رون بیتن هەر تشتێ سەروک بارزانی و مالا بارزان بێژن ل دیماهیێ سەحکەنێ دێ ریدەتن ٫ هێڤیا من ئەوە هەمی پارت و لایەنێت کوردستانی ب ئێک دەست ری ب ری ڤێ مەترسیێ بن دوژمن نابێژیت ئەڤە رەشە ئەڤە سپی یە نابێژیت چ ئاینە تنێ کوردستانی بیتن هەمی ئارمانجن بو وان ٫ باش هزرا خو لێ بکەین چەوا حکومەتا مە مژیلی ڤێ نەخوشیا کورونایێ بو ئەوان هزرا دربەکێ کرن و هێرشی مە کرن هەر دەمێ دەلیڤەک هەبیتن بو دوژمنا دێ دربێ لمە دەن هێڤی دارین زور د هشیاربین خەلک و حکومەت پێکڤە دەست ل ناڤ دەست فەرە هەڤکاربن دگەل ئێک