ئەگەر ب درێژاییا مێژویێ سەحکەینە رێبازا پارتی و مالا بارزان هەمی دەما دەستپێشخەر بووینە بو بدەستڤە ئینانا هەمی ئارمانجێت مللەتێ کورد و هەتا ل هەر دەراڤەکی دا ئەوا د بەرژەوەندا مللەتی دا بیتن دهێنە سەر خەتی و چ جارا مالا بارزان مساومە لسەر مافێت رەوایێت گەلێ کوردستانێ نەکرینە ٫ ل ماوێ بوری دا سەروک مسعود بارزانی پشتەڤانی عادل عبدالمهدی کر و مە هەمیان دیت چ بەرهەم بو کوردستانێ هەبوو ٫ باشترین سەروک وەزیرێ عیراقێ بوو لڤان چەند سالێن بوری لێ ئاریشە بو دروستکرن هەر ژ ئالیێ شیعەیان ڤە چونکی نە بتنێ د بەرژەوەندا وانا کار نەکر بو هەمی پێکهاتێن عیراقێ کار دکر و بارودوخ لسەر دەمێ وی ئارام بوو هەتا کو ئاریشە بو دەرێخستین خزمەتا هەمی پێکهاتان کر کورد شیعە سنە ب ئێک چاڤ دیتن و پەیوەندیێت هەرێمێ دگەل عیراقێ زور ب باشی برێڤە چوون ٫ پشتی وی دەست ژ کار ڤەکێشایی چەندین کەس هاتنە دەست نیشانکرن بو پێک ئینانا حکومەتا عیراقێ لێ ئەو چەندە ل وان دیار نەدکر کو دێ مافێن رەوایێن گەلێ مە لدویف دەستوری زامن کەن لەورا مەرجەعێ کوردان سەروک مەسعود بارزانی بجدی پشتەڤانیا وان نەکریە هەتا هندەک لایەنا بابەت بەرەف ئاقارەکێ دی برن گوتن کێشا مەرجەعی دگەل وان کەسی یە هەتا کو ب بەیاننامەکێ ژبال نڤیسینکەها مەرجەعێ کوردان سەروک مەسعود بارزانی رونڤە کرن هاتنە دان و ئاماژە ب وێ چەندێ کرن کو تنێ مەرجەعی زامنکرنا مافێ مللەتێ کورد دڤێتن ٫ هەمی ئەوێن هاتینە تەکلیف کرن نەشیان ببنە جهێ متمانا لایەنێت عیراقێ هەرچەندە دروشمێت بریقەدار هەبوون لێ نەشیاین بسەرکەڤن ٫ ئەڤرو ئەگەر باش هزر لێ بکەین پشتی ژبال هەمی پێکهاتێن عیراقی ڤە مستەفا کازمی هاتیە تەکلیف کرن بو ماوێ هەیڤە بهێتە راسپاردن بو پێک ئینانا حکومەتەکا نشتیمانی یا عیراقی کو بشێت مافێن هەمی پێکهاتان زامنبکەت ئێکسەر مەرجەعێ کوردان و سەروکێ هەرێمێ و سەروکێ حکومەتێ هاتنە سەر خەتی و پێشوازی ل دەست نیشانکرنا وی کرن ئەگەر چنە ؟ ئەف کەسێ هاتیە دەست نیشانکرن ئێکە ژ وان سەرکردێن ئوپوزسیونێ دژی رژێما بەعسا گور ب گور و برێیا کوردستانێ ژ عیراقێ رەڤی یە بەرەف وەلاتێن ئەلمانیا و بریتانیا و سەرکردایەتیا پارتی و مالا بارزان هەڤکار بووینە دگەل وی و کەس هندی وی ژ ئێش و ئازارێن مللەتێ کورد ناگەهیتن و بەرپرسێ هەوالگیریا عیراقێ یە و دژی گەندەلیێ بوویت و دگەل چاکسازیێ بوویە کەسەکێ ژیر بوویە چ جارا نەکەفتیە بن کارتێکرنا چ پارت و لایەنا ب‌شیانێت خو و دلسوزیا خو بو رزگارکرنا عیراقێ ژ دز و گەندەلا کار کریە و رولەکێ کاریگەر هەبوویە ٫ فراکسیونێن کوردستانی ب ئێک دەنگی رازی بووینە لسەر کاندیدکرنا وی ژبو ڤی پوستی و روناهی د بابەتی تێتە دیتن ل دەسپێکا وی دیارە دێ سەرکەفتی بیتن ٫ مە هەمیان دیت ئێکەم پێنگاڤا وی پوستێ خو ب زمانێن کوردی و عەرەبی بێ جیاوازی ئینا خارێ و پەیوەندی ب رێزدار مەسرور بارزانی سەروکێ حکومەتا هەرێما کوردستانێ کر و تەکەز کر کو دێ زور هەماهەنگ بین و دێ پەیوەندیێت هەرێمێ و عیراقێ بەرەف پێشڤە بەین ٫ هەژی یە بێژین سەروکێ هەرێمێ ژی د بەیاننامەکێ دا داخاز ژ هەمی لایەنێت کوردستانی کرن پێکڤە کار بکەن بو پێک ئینانا حکومەتەکا هەڤپشک و پشتەڤانیا مستەفا کازمی بکەن و هەلویستێ کوردستانیان ل بەغدا مینا جاران ئێک هەلویست بیتن دا سەرکەفتی بین ٫ دیسان مەرجەعێ کوردان ژی د بەیاننامەکێ دا داخازا سەرکەفتنێ بو خاستی یە تەئکید ئەف کاندیدە دێ یێ سەرکەفتی بیتن و زیترین دەم دێ حکومەت هێتە پێک ئینان و دێ بەرەف هەلبژارتنێن سەرتاسەری ڤە چین ل عیراقێ ٫ بلا بو هەمی کوردستانیان ئاشکرا بیتن مالا بارزان پشتەڤانیا کێ بکەن دێ سەرکەڤیت و دێ رولێ مالا بارزان ژی لدەف مستەفا کازمی جهێ رێزێ بیتن و چەند زی لەز ژ پێک ئینانا حکومەتێ بهێتە کرن دێ د بەرژەوەندا هەرێما کوردستانێ دابیتن و دێ شێم بێژم ئەف کاندیدە پشتی پێک ئینانا حکومەتێ دێ زور کێشێن هەلاویستی چارەسەر کەتن هەژی یە بێژین هەمی پێکهاتێن عیراقێ ب کاندیدکرنا ڤی سەرکردێ عیراقێ هەڤرانە ئەڤە بخو نیشانا بهێزیا وی یە ٫ ئومێدا مە وەک مللەتێ کوردستانێ ئەوە ئەف کاندیدە ژی مینا عادل عبدالمهدی ببیتە بەربژێرێ مە تاکو خو ب قەردارێ مە بزانیت داخازێ ژ خودایێ مەزن دکەین حکومەتا مە بهێزتر لێبکەتن داکو پتر دەستکەفتا بدەست خوڤە بینن و ژیارا خەلکێ مە خوشتر لێ بکەن ئەڤی مللەتی هند نەهامەتی دیتن ئیدی دەمێ هندێ یە ب مافێن خو شاد ببن و ژیانا وان خوشتر لئ بهێتن ٫ دەمێ فراکسیونا مزگینیا زامنکرنا مووچەخوران دایە خویاکرن لدەف زور لایەنا تشتەک سەیر بو لێ مە هەمیان دیت لڤان هەمی کاودانێت بسەر عیراقێ هاتین چ مەترسی نەکەفتە سەر وی بودجێ بو هەرێمێ دهێتە رەوانەکرن بو هەرێما کوردستانێ