ئەڤرو سپێدێ رێزدار مەسرور بارزانی سەروکێ حکومەتا هەرێما کوردستانێ ب رێیا سکایپی د پەیوەندیەکێ دا ب گرنژین ڤە دەست خوشی ل رێڤەبەرێ پولیسێن دهوکێ کر و دیسان ئاماژە پێکربوو کو زەحمەتا وان لبەرچاڤە و دیسان گوتبوو برێیا وە سلاڤێن خو دگەهینمە ئەفسەر و کارمەندێن وە هێڤی دارم لسەر کارێ خو بەردەوام بن ژبو جی ب جی کرنا رێنما و رێکارێن حکومەتێ ٫ دیسان سوپاسیا هەلویستێ خەلکێ پارێزگەها دهوکێ ژی کربو بو وئ پابەندیا خەلکێ خوشتڤی ب رێنمایێن حکومەتێ یێن تەندروستی و ئێمناهیێ ٫ هەژی بێژین د وێ پەیوەندیێ دا برا گەورەی برێیا رێڤەبەرێ پولیسێن دهوکێ داخاز ژێ کربو سوپاسیا هەرئێک ژ دەزگایێن ئێمناهیێ بهێتە کرن پولیسێن دهوک یێن هەمی دەزگەهان هاتن و چوون و پولیسێن کارەبێ و پولیسێن دهوکێ ب گشتی و ئاسایشا دهوکێ ب گشتی و دەزگایێن تەندروستی و پێشمەرگەهێن زێرەڤانی و ئیدارا پارێزگەها دهوک هتد گوتبوو رولێ وان یێ بەرچاڤە ٫ تا ئەڤرو پارێزگەها دهوکێ ب ئیدارا خوڤە سەرکەفتن تومار کریە و کێمترین حالەتێن توشبونێ هەبوینە و هەمی نەخوش چارەسەر بووینە و زڤرینە ناف مالێن خو ٫ سەروکێ حکومەتێ داخاز کریە ب هەمان روحیەت بەردەوام بن تاکو کونترولا ئێک جاری یا پارێزگەهێ تێتە راگەهاندن و سەروکێ حکومەتێ ئومێد خازبوو بڤی رەنگی بمینیت خو پارێزین تاکو سەرکەفتنا سەرتاسەری ل هەرێمێ تێتە راگەهاندن و گەش بین بو کو دهوک لڤی ئاستێ چاڤەرێکری بیتن ٫ ئەف چەندە جهێ سەرفرازیێ یە بو هەمی خەلکێ پارێزگەها دهوکا رەنگین ٫ هەر چەندە ڤی بارودوخی کارتێکرنا خو هەبوو تایبەت بو تەخا هەژار لێ ئەڤ نەخوشیە یا جیهانی یە هەر وەلاتەک تێراخو باجا ڤی ڤایروسی دایە سوپاس بو خودایێ مەزن ئەف هەمی بەرتەنگیە بونە بەرهەم بو پارێزگەها مە روژێن خوشتر چاڤەرێ مەنە رولێ سەروک و حکومەتێ ب گشتی رولەک ئەکتیڤ و چاڤدێرانە هەست ب بەرپرساتیێ هاتە کرن و دلسوزانە بین ٫ یا خویایە هەر مللەتەک دەمێ توشی نەخوشیەکێ دهێت هزرا پاشەروژا وێ دکەت مللەتێ مەژی زور نەهامەتی دیتی نە هەمی نەخوشیێن بوری بەروڤاژی ڤێ نەخوشی بووینە جاران ئەم دەربەدەر بووینە و تاوان دژی مللەتێ کوردستانێ هاتینە ئەنجامدان لێ ڤێ جارێ ئەم دمالێن خودا ماینە و دگەل خێزانێن خو وەک بێهنڤەدانەک بومە هەمیان و بو ژینگەها کوردستانێ ژی زور کوردستان پاقژ و بێهنفرەهتر لێهات ٫ راستی پەیاما سەروکێ حکومەتێ دلخوشکەر بوو بو هەر تاکەکێ پارێزگەها دهوکێ و بەرهەمێ ماندی بوون و رەنجا هەمیان بوو بێهن درێژی یا خەلکی مەیێ خوشتڤی ئەڤە بەرهەمێ وێ یە ٫ ئومێدەوارین ئەم د بەردەوام بین و خو پارێزین و پابەندی رێنمایێن تەندروستی و حکومەتێ بین تاکو پشت راست دبین ئەف مەترسی یە لسەر پارێزگەها مە نەمینیتن دیسان دڤێت بهێن درێژ بین تاکو ل کوردستانێ ب گشتی ئەف ڤایروسە ژناف دچیت یان چارەسەریەک بو تێتە دیتن و ژیان ئاسایی ببیتەڤە ٫ دەست خوش بو وێ دلسوزیا حکومەتا هەرێمێ بەرامبەر پاراستنا گیانێ وەلاتیان دخازم هەمی کوردستانی تەندروست بن و دلخوش بن