پارتی دیموکراتی کوردستان بۆ ھەلبژاردنێن ٣٠ ئیلۆنا سالا ٢٠١٩ یێن پەرلەمانێ کوردستانێ درۆشمێ ( بەرەڤ کوردستانەکا بھێز ) ھەلگرت . دەست نیشانکرنا ڤی درۆشمی ڕامانەکا مەزن ھەبوو و بەرسڤەک بۆ ژبۆ نەیارێن کوردستانێ و پارتی دیموکراتی کوردستان یێن نافخۆیی و دەرڤە ،
چونکی ئێکەمین ھەلبژاردنێن گشتی یێن کوردستانێ بوو پشتی ھەولێن سیاسی و لەشکری یێن عیراقێ ب پشتەڤانی و پیلانگێریا ھندەک وەلاتێن ھەرێمی و لایەنەکێ ناڤخۆیی دژی ھەرێمێ ژناڤبرنا ڤی قەوارێ کوردستانێ و لاوازکرنا پێگەھێ پارتی دیموکراتی کوردستانێ ل کوردستانێ و عیراقێ پشتی راپرسیا سەرخۆبوونا کوردستانێ و روودانێن شازدێ ئکتۆبەرا سالا ٢٠١٧ .ھەرچەندە ب خۆراگریا پێشمەرگەھێن کوردستانێ ب سەرۆکاتیا سەرۆک مەسعود بارزانی و پشتەڤانیا گەلێ کورد و حیکمەت و لێزانینا سیاسی و دبلۆماسیا سەرۆکێ ھەرێما کوردستانێ نێچیرڤان بارزانی ئەو پیلان ھاتنە ھەلوەشاندن و ھیڤیێن دوژمن و نەیارا بوونە خەون و خەیال و کوردستانێ خۆ راگرت .
سەرکەفتنا مەزنا لیستا پارتی دیموکراتی کوردستان لڤان ھەلبژاردنان نیشانێ باوەریا خەلکێ کوردستانێ یە بڤێ پارتیێ ، پشتی ڤێ سەرکەفتنا پارتی ھەر زوو بەرژەنگێن کرداریکرنا درۆشمێ پارتی ( بەرەڤ کوردستانەکا بھێز ) دیار و ئاشکرا بوون ، پێکئینانا کابینەکا نوو یا حکومەتا ھەرێما کوردستانێ بسەرۆکاتیا مەسروور بارزانی ل کەسایەتیێن کارا و خودان شیان و خەمخۆر و گاڤێن جدی بۆ نەھێلانا ئاستەنگ و قەیرانێن لسەر کوردستانێ سەپاندی و چارەکرنا ئاریشێن خەلکی و بەرھنگاربوونا گەندەلیێ و ئەنجامدانا چاکسازیێن کارگێری و دارایی ، پەسندکرنا یاسایا چاکسازیا و دەسپێکرنەڤا پرۆژێن خزمەت گۆزاری و ..... باشترین بەڵگەنە .
لسەر ئاستێ سیاسی و دبلۆماسی ژی دیسان گاڤێن سەرکەفتی بۆ بھێزکرنا کوردستانێ ھاتنە ھاڤێتن چ لسەر ئاستێ پەیوەندیێن ھەرێمێ لگەل ئیراقێ یان ژی لسەر ئاستێ ھەرێمێ و نیڤ دەولەتی . وەکی دیارە پەیوەندیێن ھەرێمێ لگەل ئیراقێ د ئاستەکێ باش دانە و لسەر ئاستێ نیڤ دەولەتی ژی ئەم دبینین ھەولێرا پایتەخت یا بوویە سەنتەر و دەروازەیەکا بۆ سەرەدانێن مەزنە بەرپرسێن وەلاتێن مەزن و ھندەک ژوانا بێ سەرەدانکرنا بەغدا دھێنە کوردستانێ ، ئەڤە ھەمی نیشانێ ھێزداربوونا کوردستانێ و سەنگ و گرانیا پێگەھێ کوردستانێ لسەر ئاستێ نیڤ دەولەتی و نیشانێ سەرکەفتن و کاریزمایا سیاسەتا پارتی و سەرۆک نێچیرڤان بارزانی یە .
ھەرچەندە کۆربەندێ داڤۆس ل وەلاتێ سوێسرا کۆربەندەکێ ئابووریێ جیھانی یە ، سالانە سەرۆک و بەرپرسێن بلندێن جیھانێ و سازی و رێکخراوێن نیڤ دەولەتی تێدا گەنگەشێ لسەر پرسێن ئابووری و ژینگەھێ دکەن ، لێ بوویە دەروازەیەک بۆ پێکگەھشتن و کۆمبوونێن وان لسەر پرسێن سیاسی و پەیوەندیێ، دناڤبەرا وان ، پشکداریا سەرۆک نێچیرڤان بارزانی وەک سەرۆکێ ھەرێما کوردستانێ و ئاراستەکرنا گۆتارەکێ لسەر نەسەقامگیریا رۆژھەلاتا ناڤین ژلایێ جەنابێ وی و کۆمبوونێن لگەل سەرۆک و بەرپرسێن ھژمارەکا وەلاتان ، نیشانێ گرانیا سەنگ و پێگەھێ سیاسی و ئابووریێ کوردستانێ و سەرۆک نێچیرڤان بارزانی یە ، بێ شک ئەڤ کۆمبوونە فاکتەرێن خۆرترکرنا پەیوەندیێن سیاسی و ئابووری یێن کوردستانێ نە لگەل وەلاتێن مەزنێن جیھانێ و سازیێن نیڤ دەولەتی و دەنگ و داخازیێن خەلکێ کوردستانێ بۆ وان و فاکتەرێن دابینکرنا پشتەڤانیا وانە بۆ کوردستانێ .
ژلایەکێ دیتر جوورە دانپێدانەکا نیڤ دەولەتی یە ب قەوارێ ھەرێما کوردستانێ .
چوونا شاندێ ھەرێما کوردستانێ بۆ کۆربەندێ جیھانیێ داڤۆس یێ ئابووری بسەرۆکاتیا سەرۆک نێچیرڤان بارزانی لسەر ئاستێ جیھانی و ناڤخۆیێ دەنگڤەدانەکا باش ھەیە و کوردستانێ بھێزتر دکەت و بەرسڤەکا بۆ وان وەلات و لایەنێن ب چاڤەکێ کێم و بچیت کوردستانێ دبینن و پیلانا ژبۆ لاوازکرن و ناڤبرنا وێ دگێرن .
بۆ خەلکێ کوردستانێ ژی بەرسڤەکە کۆ پارتی دیموکراتی کوردستان دۆرشمێن خۆ دکەتە کریار و بۆ پڕو پاکندێن ھەلبژارتنان درۆشما بلند ناکەت ، تەکەز دکەت کۆ پارتی ھەلگرا پرۆژەیەکێ گشتگیرێ نەتەوی و نشتیمانی و ڤەژاندنا ئابووری و ئاڤەدانی و ئاشتی و سەقامگیریێ یە ، خەلکێ کوردستانێ ژی ڤێ راستیێ دزانیت لەوما ھەردەم باوەریێ ددەتێ . دشێین دبێژین ل داڤۆس کوردستان بھێزتر دکەڤیت .