ئەوا تورکیە ژێ دترسیا رویدا، و كورد بوونە قەهرەمان د رۆژەڤا جیهانێ دا، تورکیە ب نەژاد پەرست و توند رەوێن ئیسلامی و ب ئێکگرتنا مەهپەیی و ئاکەپەیی یێن ئەردۆگانی گەلەک هەوڵ دان، داکو کوردان ب تیرۆریست بدەتە ناسین، لێ ڤێ گاڤێ کورد و سەرکردێن کوردان، ستێرێن ناڤدارێن جیهانێ نە، و هێزەکە د شیانا چ لایەکێ هەرێمی و ناڤدەولەتی دا نینە، هێز و هەبوونا کوردان، ماندەل یان نەیی بکەت.
ئەوا ب سەرێ باشورێ کوردستانێ هاتی ل پردێ و سحێلا هاتە شکاندن و تێکبرن، و هەوڵا نەهێلانا ئەزموونا رۆژئاڤایێ کوردستانێ ژی، ژلایێ تورکیە یا هێزا دویێ یا ناتۆ، و بەرگیری یا کۆردان ل سەرێ کانیێ و گرێ سپی پیلان راگرت و ئێکەتی یا ئەورۆپا و ئەمریکا و رۆسیا ژی دوبارە کانی یا خوینێ سڕکر، ئەو دەرکەفتنێن هەڤپشکێن تورکیە ژ ئەمریکا قەبوول نەدکری بهەڤڕا ئەنجام بدەن، ئیرو لەشکرێ توڕکیە ب سپاسیڤە لگەل پۆلیسێ رۆسیا یا ئەنجام ددەت و یا هەمان ئەرکی د بینیت و هەمان رولی دگێڕیت!.
و ئەگەر تەماشە بکەی، پشتی هەر هەوڵەکا هوڤانە یا دوژمن و داگیرکەران، رەوایەتی یا د‌‌ۆزا کورد ژبۆ دەولەت و مللەتێن جیهانێ دوپات دبیتەڤە و راستی یا هەبوونا مللەتەکێ زیندی یێ ئازادیخواز و سەربخۆ خواز سەرمژ نوی دهێتە سەلماندنەڤە، کو داگیرکەر و دوژمن ب درێژاهی یا دیرۆکێ نەکارینە نەهێلن و ژ ناڤ ببەن، و ڤێ گاڤێ ژی ل هەر لایەکی بنێڕی، هەڤسەنگی یا ئارامیێ و ئاشتیێ یا د دەستێ کوردان دا، و چ ئاشتی و ئارامی ل رۆژهەلاتا ناڤین بێی سەرخوەبوونا کوردان ئاڤا نابن و هەیا کورد نە د ئاشتیێ و ئارامیێ دا بن، چ ژ دەولەتێن داگیرکەر ژی ئاشتیێ و ئارامیێ بخوەڤە نابینن، و مخابن دادوەری یا جیهانێ، هێش ئەو هێز و شیان نەبووینە ژبەر بەرژەوەندیێن زلهێزان پشتەڤانییا سەرخوەبوونا کوردستانێ بکەن، دوژمن و دوست ژی ڤێ راستیێ ماندەل ناکەن، و هەموو ئەو دوژمنێن داگیرکەر یێن کو هەوڵێن نەهێلان و قڕکرنا کوردان دداین، چوون ومللەت و هێزا گەلێ کورد هەر مان و قەد نەڤەبریان، بلا دیرۆکێ بخوینن و ل رۆژەڤێ بنێڕن، کانێ ئەتاتۆرک و شاهێ ئیرانێ!، کانێنە، سەدام و مالکی و عەبادی و بەغدادی!، هەموو تەڤ بێ باندور بوون و چوون و کورد هەرمان و ژ ناڤ نەچوون!، ژ بۆ ئەروگانی ژی ئەڤ مەگرتی یە هەر راستە، ئەو ژی دێ بچیت و گەلێ کورد دێ هەر بمینیت.
لەوا ژی من گۆت، کورد هێڤێنێ ئاشتی و ئارامی یا رۆژهەلاتا ناڤینە و ئەو سەردەم ب سەرچوو کو داگیرکەر وەکو گۆرگێ هار بکەڤن ناڤ کوردان و کوشتارگەه و ئەنفال و گۆڕێن ب کوم بۆ مللەتێ مە چێکەن و بومبێن کیمیاوی ل باژێڕان بدەن، ئیرو نە دۆزا کورد و نە ژی هێزا کورد کەس نەشێت ماندەل بکەت، و هەر تاوانەکا دژی کوردان دێ باجا خۆ یا نێڤدەولەتی و ناڤخۆیی هەبیت.