ئەگەر ئەم ھندەک بزڤرینەڤە بۆ دیروکا پرٍ سەروەریا تەڤگەرا رزگاریخوازیا کوردستانێ کو یا پرٍە ل داستانێن سەرکەفتنێن پێشمەرگەھێ قەھرەمان ل سەر دوژمن و داگیرکەرێن کوردستانێ و سەرەرای ب چەکەکێ سڤک لێ ب بیروباری و ئایدیولوژیەکا ب ھێز ب دۆزا رەوایا گەلێ خوە ، ڤێجا بگرە ل داستانێن شورەشا بارزان یا ئێکێ و دوویێ دسالێن سیھان و چلاندا بۆ نمونە داستانا ملێن بارزان و شیڤەھرچێ و ل شورەشا مەزنا ئیلونێ د سالێن شێستان و حەفتیاندا ب سەدان داستانێن مینا داستانا چیایێ ھندرین و زوزک و ل شورەشا گوڵانا پێشکەفتنخواز د دویماھیکا سالێن حەفتیاندا و تا دگەھیتە سەرھلدانا جەماورێ کوردستانێ ل بەھارا سالا ١٩٩١ێ گەلەک داستانێن مینا داستانا کانی ماسێ و دیرەلوک و . .. ھتد ھاتنە تومارکرن ، ھەروەھا ل ڤآ دوماھیآ پێشمەرگەیێن قارەمانێن کوردستانێ ب سەرپەرشتیا راستەوخۆ یا سەرۆک بارزانی ب سەر مەزنترین رێکخراوا تیروریستی کو ئەوژی رێکخراوا داعش بوو سەرکەفتن و داستانێن مەزن تومارکرن ژ وان ژی داستانا رزگارکرنا زومار و رەبیعە و شنگال ل تیرورستان کو مرۆڤ دکاریت بێژیت ئەڤ شەرێ ھاتیە سەپاندن ژلایێ تیروریستێن داعش ڤە بو سەر ھەرێما کوردستانێ مەزنترین و گرانترین شەر بوویە ، ھەروەھا ل پشتی ریفراندومآ پێشمەرگەیێن رێبازا بارزانیآ نەمر ب سەرپەرشتیا سەرۆک بارزانی ب داستانێن پردآ و سحێلا کیانآ ھەرێما کوردستانآ پاراستن و نەھێلان میلیشیاتێن حەشدا شەعبی و سوپایآ عێراقآ ئەزموونا ھەرێما کوردستانآ ژ ناڤ ببەن ھەروەکی سەرۆک بارزانی د پەیڤەکا خودا کەرەمکری وگۆتی : (( کەس باوەر نەدکر کو تێدا پێشمەرگە بڤی چەکێ ددەستێ واندا بکاریت دوژمنەکێ درٍندە و پڕ چەک و دەست رٍەش وەکو داعشێ بشکێنیت ..... )) .
لێ یا من مەبەست ل ڤی بابەتی ئەوە ، ئەرێ مە تا چەند شیایە ئەڤان داستانێن بێ وێنە وەکو دیرۆکا خوراگرییا ئەڤی مللەتێ ژارو بآ پشتەڤان تومار بکەین یان بکەینە رومان و فلمێن سینەمایی و دیکیومێنتاری و شێوەکاری وپەیکەرسازی ... ھتد نیشا نفشێ نوی و یێ پاشە رۆژێ و دەرڤە ژی بدەین و بێژینێ وان ئھا ئەڤەیە خوراگرییا مللەتەکێ یە کو ھەتا نھۆ نەگەھشتینە مافێن خوە و خەبات و تێکوشین ب چەکەکآ سڤک و قوربانیدانەکا بآ سنور ب بیروباوەری یەکا موکم ب دوزا رەوایا گەلێ خوە داینە و ددەت ل پێناڤ گەھشتن ب ئارمانجێن خوە کو ئەو ژی سەرخوبوون و دەولەتا کوردستانێ یە ، ئەڤە ژی دکەڤیتە سەر ملێن دیرۆکنڤیس و نڤیسەر و رەوشەنبیر و ھونەرمەندان ب پشتەڤانیا حکومەت و سازیێن وێ و حزب و لایەنێن سیاسی کو پێدڤیە ب ھەمی رەنگان پشتەڤان و ھاریکار بن تاکو بکارن بڤی ئەرکێ خوە یێ نەتەوەیی ونیشتیمانی را ببن ، ژبەرکۆ ئەڤرۆ سەردەمێ تەکنولوژیایە و ئامێر و ئامرازێن تومارکرنێ ھەنە و ئەز باوەرم ھەمی شیان ژی ھەنە ، ل جھێ ئەو خەرجیاتێن کو ئەڤە چەندین ساڵە حکومەتا ھەرێما کوردستانێ ل ڤان چەندین فیستەڤالێن جودا جودا خەرج دکەن و ب تنێ چەند کەسەکێن دیاریکری و سنووردار یێن نافخویا ھەرێما کوردستانێ دبینن و ژی مفادار دبن و ئەنجامێن بەرچاڤ ژی ل ڤان فیستیڤالان نەبووینە باشتر ئەوە کو ھزرەکێ د تومارکرنا ئەڤان داستانان دا بکەن ، ئەگەر ئەڤ داستانانە ژی مینا یێن سەرھلدان وشورەشێن بەرێ دێ ھێنە ونداکرن و سوبەھی ئەو نفشێ ل پشتی مە دھێت دێ کی گەھینتە وێ باوەریێ کو ئەڤی مللەتی ئەڤ خوراگری و بەرەڤانی کری یە ژبەرکۆ ھنگی خەلکی بەلگەە دڤێن نەک ڤی گوت و یێ ھە گوت وھەر وەکی نوکە ژی ئەم ل دانەعەمرا دزانین داستانێن شورشا مەزنا ئیلونێ و گوڵانێ ... ھتد، لەوما پێشنیار دکەم بو کابینەیا نەھێ یا حکومەتا ھەرێما کوردستانێ و نەمازە وەزارەتا رەوشەنبیری و جھێن پەیوەندیدار کو ھزرەکێ دڤێ چەندێ دا بکەن و ھێشتا دەم مایە ....