نێچێرڤان بارزانی سەروکێ هەرێما کوردستانێ یە د هەمان دەمدا جێگرێ سەروکێ پارتی دیموکراتی کوردستانە ، هەردوک پوست د گرنگن و ماندی بوون و کار بو دڤێت لێ نێچیرڤان بارزانی د هەمان دەمدا ب بەلگە ل هەردوو پوستان دا سەرکەفتنا بدەستڤە ئینایی ، ژ وەرگرتنا پوستێ سەروکێ هەرێمێ گەرماتیەک بخوڤە دیتی یە و هەرێم چاڤەرێ خوشگوزەرانیێ یە دناف پوستێ خو یێ پارتایەتی دا ژی دیسان هەمان گور و گەرمی هەیە لێ دەمێ خو پتر ددەتە پوستێ حکومەتێ چونکی هەر خزمەتەک بو خەلکێ کوردستانێ ب گشتی بهێتە پێشکێشکرن دێ برێیا وی پوستێ حکومەتێ بیتن ، لێ هەر دەمەکێ پارتی ژی پێتڤی ب نێچیرڤان بارزانی بیتن دەمێ خو تەرخان دکەت پشتی ژ خزمەتکرنا حکومەتێ دەواما خو یا فەرمی تەمام دکەت دەم ل دەست کارێن خو یێن پارتایەتی ژی جی ب جی دکەت دوهی ژی ل کونفراسەکا گرنگ کو ژ لایێ سەنتەرێ دیراسات و توێژینەوە و ئەکادیمیا پارتی هاتبوو رێکخستن ب ناڤێ (پارتی دناڤ گورانکاریاندا هەلسەگاندنەک بو نوکە و نەخشە رێکەک بو داهاتی) ئادەبوو و بهێز ترین پەیڤ ئاراستەی کادرێن پارتی یێن هەمی دەڤەرێن کوردستانێ کر و ئاماژە ب چەند خالەکێن گرنگ دا ، پارتی دەرفەتەک مەزن ل پێشە و دێ شێتن کارێن باشتر بو کوردستانیان بکەت مەرەما وی ئەوە کادرێن پارتی هێشتا باشتر خو نێزیکی خەلکێ خو بکەن و خزمەتەک باشتر پێشکێش بکەن ، پارتی سەرەرای هەبوونا گرفت و ئالوزیان شیا ببیتە پارێزەرێ دەستکەفتێن مللەتێ کوردستانێ مەرەم ئەوە پارتی چ جارا مساومێ لسەر مافێن گەلێ کوردستانێ ناکەتن و مێژویێ ئەف چەندە یا سەلماندی و هەمی خەلکێ کوردستانێ ژی گەهشتینە وێ باوەرێ ، دیسان نێچیرڤان بارزانی داخاز ژ کادرێن پارتی کر وەک ئەرک بخو دانن و پشتەڤانیا کابینەیا نەهێ یا حکومەتا هەرێما کورستانێ بکەن وەکی چەوا بەری نوکە هەڤکار بووینە بو تێپەراندنا قەیران و نەخوشیێن بسەر حکومەتا مەدا هاتین رولێ کادرێ پارتی د ڤان هەمی کاودانا رولەکێ ئەکتیف بوو و شیان خەلکی هانبدەن چەوا خوراگربن و شیان ل ڤان کاودانێن نەخوش پلانێن دوژمنان بو خەلکێ خو شروڤە بکەن ، دیسان ل تەوەرەک دی دا باس ژ رولێ گرنگێ رێکخراوێن جەماوەری کر و گوت چین و توێژێن گرنگن (قوتابیان-لاوان-ئافرەتان) ئەون زامنێ بەرەدەوامیێ و نیبوونەڤێ مەرەم ژێ ئەو بوو خوین گەرمێن وەلاتێ خونە و ئەوا دشیانێت وان دابیت دێ مەزێخن بو سەرکەفتنا کوردستانێ و پارتی ، دیسان خالەکا دی یا گرنگ بەحسکر ئەوژی گوت دڤێت پتر خو ماندی بکەن وەک کادرێن پارتی و ب کویری بچنە د بابەتێ پێکڤە ژیانێ دا و ئێک قبولکرنا هەمی پێک هاتێن کوردستانێ مەرەم پێ ئەو بوو دڤێت پتر کار و بجدی لسەر ڤێ چەندێ بهێتە کرن تاکو پێکڤە ژیان بگەهیتە ئاستەکێ پولاین و ب چ رەنگا بو ناحەزێت گەلێ کوردستانێ نەمینیت دەستێن وان یێن چەپەل بهێنە ناڤ مەدا و دربێ ل پێکڤە ژیانێ بدەن ، هەژی یە بێژین نێچیرڤان بارزانی ل هەر چالاکیەکا پارتایەتی دا دهێتە دیتن گەرماتی ل وی جهی یە و گرنژینا وی دڤان رێ و رەسمان دا دلێ کادرێ پارتی خوش دکەت و هەیبەتا ئامادەبوونا وی رژدی لدەف کادری پەیدا دبیت پتر خو ماندی بکەتن ، هەر پەیڤەکا وی کادرێ پارتی ل بوارەکی دا مفایێ ژێ دبینن وەک ئابدێتێ کادر دەمێ نێچیرڤان بارزانی دبینن و گوهدانا پەیڤێن وی دکەن نوی دبنەڤە و کارتێکرنەکا ئیجابی ل دیفدا دهێت ۰