باکورێ کوردستانێ ئەو دەڤەرا کو وەلاتێ توڕکیا حوکم لێ دکەت ب درێژاهیا دیرۆکێ تووشی چەندین دەردەسەری و نەهامەتیان بوویە ل سەڕ دەستێ تورکێن خوینرێژ ، تاکو دەستپێکرنا پروسەیا ئاشتی ل ناڤبەرا حکومەتا تورکیا و هێزێن کوردی .
لێ مخابن ڤێ پرۆسەیێ گەلەکی ڤەنەکێشا و زوو ب زوو هەردوولایان بەند و پرەنسیپێن ڤێ پرۆسەیێ تێکدان ، ئەڤە ژی بوو ئەگەرێ نەئارامیێ و ئاژاوەگیریێ ل باکورێ کوردستانێ ، بۆ چارەسەرکرنا ڤێ ئاریشەیێ ژی ماوە ماوە و هەرجارەکا هێزێن کوردی ل وێرێ تەنگاڤ ببن هەر زوو هەوارا خۆ دگەهیننە مالا بارزان و ب تایبەت جەنابێ سەرۆک بارزانی ، ئەو بوو تاکو جەنابێ وی ل سەرۆکایەتیا هەرێمێ هەر چ پێدڤی با بۆ ئارامکرنا دەڤەرێ بۆ وان دکر .

لێ پشتی کو نێجیرڤان بارزانی پۆستێ سەرۆکایەتیا هەرێما کوردستانێ وەرگرتی ، و ل ئێکەمین سەرەدانا شاندێ هەدەپێ بۆ هەرێما کوردستانێ پشتی کو سەرەدانا جەنابێ سەرۆک بارزانی کرین ، ل رۆژا دووێ یا سەرەدانا خۆ بۆ هەرێما کوردستانێ شاندێ هەدەپە ب سەرۆکایەتیا سەزای تەمەللی هەڤسەرۆکێ هەدەپێ سەرەدانا نێچیرڤان بارزانی سەرۆکێ هەرێما کوردستانی کرن و بارودۆخێ هەڤوەلاتی وهێزێن کوردی ل دەڤەرێ تاوتوێ کرن .

نێچیرڤان بارزانی ب شاندێ ناڤبری راگەهاند کو ب هیچ شێوەیەکی نابیت هیچ دەرفەتەکا ئاشتیێ ل تورکیا ژ دەست بدەین ، و تەکەزی ل سەر هندێ کر کو هەر چ پێویست بیت بۆ پرۆسەیا ئاشتیێ ئەز ئامادەمه و ب هەمی شیانێن خۆ دێ کارکەین بۆ سەرئێخستنا پرۆسەیا ئاشتیێ ل دەڤەرێ .

ئەڤە ژی رەفتارەکی نامۆ نینە ژ رەفتارێن نێچیرڤان بارزانی ، ئێکەم ژبەرکو کورێ ئەندازیارێ ئاشتیێ یێ گەلێ کورده ئەوژی نەمر ( ئیدریس بارزانی) و هەمی کارێن خێرێ و ئاشتیێ ژێ دهێنە چاڤەرێکرن .
دووەم ژبەرکو نێچیرڤان بارزانی بخۆ زێدەباری کو خودان دیپلۆماسیەتەکا نەرما سەرکەفتی یە ، ل هەمان دەم دا کەسەکە هەمیشە کارکریە پێخەمەت بەرقەراربوونا ئاشتیێ و ئارامیێ ل هەمی دەڤەران.

لەوا ل وێ باوەریێ دا مە کو نێچیرڤان بارزانی وەکو تەمامکەرێ کارێ جەنابێ سەرۆک بارزانی دێ بیتە ئەندازیارێ ئاشتیێ ل باکورێ کوردستانێ ژی تاکو ئاریشەیا گەلێ کوورد ل گەل حکومەتا تورکیا چارەسەردکەت .