پرسا ئاشتیێ ل وەلاتێ تورکیا بۆ ماوەیەکی درێژە هەلاویسی مایە و گەلێ کورد ل وی وەلاتی هەولێن بەردەوام دکەت ژ بۆ چارەسەرکرنا پرۆسەیا ئاشتیێ ل وی وەلاتی ژبەر کو ل بەرژەوەندیا هەموو گەلێ تورکیا دایە.

نێچیرڤان بارزانی ل دەما سەرۆکاتیا جڤاتا وەزیرێن حکومەتا هەرێما کوردستانێ دکر ل هەر دەمەکی دا و ب پەیوەندیێن خوە یێن ب هێز ل گەل دەستهەلاتدارێن وەلاتێ تورکیا و جیهاتێن بلند هەولێن وێ یەکێ دکرن کو گەلێ کورد مافێ خوە یێ رەوا ل وەلاتێ تورکیا ب دەستڤە بینت.

هەر چەندە پرۆسەیا ئاشتیێ ل وەلاتیێن تورکیا بۆ ماوەیەکی درێژە هەلاویستی مایە لێ جار ب جار ب هەولێن نێچیرڤان بارزانی سەرۆکێ هەرێما کوردستانێ یێ نهوە ئەڤ پرۆسە بەرەڤ باشتر دچیت و ئەڤێ پرۆسێ پێشڤەبرنەکە باش بخوەڤە دیتیە و هەردەم ژی ل بزاڤێن وێ یەکێ دا بەردەوام ژی بوویە.

پارتی دیموکراتی گەلان ب سەرۆکاتیا سەزایی تەمەللی هەڤسەرۆکێ وێ پارتێ ل وەلاتێ تورکیا بەریا چەند رۆژانە سەرەدانا هەرێمێ کرن و ل بەردەوامیا هەڤدیتنێن خوە دا ل گەل نێچیرڤان بارزانی سەرۆکێ هەرێما کوردستانێ کۆمبوون و چەند پرسێن گرێدای پرۆسەیا ئاشتیێ ل وەلاتێ تورکیا گۆتوبێژ کرن.

د وێ کۆمبوونێ دا و وەکو هەر جار سەرۆکێ هەرێمێ پشتەڤانیا خوە بۆ پرۆسەیا ئاشتیێ ل وەلاتێ تورکیا دوپاتکر و گۆت کو دڤێت پرسا کوردان ل تورکیا برێیا ئاشتیێ چارەسەر ببیت چونکی شەر هیچ تشتەکی چارەسەر ناکەت و نابیت هیچ دەرفەتەک بۆ ئاشتیێ ل تورکیا بهێتە ژدەست دان.

سەرۆکێ هەرێما کوردستانێ بۆ پرۆسەیا ئاشتیێ هەردەم خوە ل رێزا پێشیێ ددانیت و ڤێ جارێ ژی مینا هەموو جاران بۆ شاندێ پارتی دیموکراتی گەلان دوپاتکر کو دێ ل هەولێن خوە دا بۆ دەستپێکرن و سەرخستنا پرۆسا ئاشتیێ بەردەوام بیت و هەر چ ژێ پێویست بیت تەخسیریێ ناکەت.

گۆتنەکا کوردی هەیە کو دەربڕینێ ژ ڤێ یەکێ ژی دکەت: " هەکە برا ل پشت برا بیت دکارە چیایی هەلدە سەر چیایی".