دھەیاما سالێن رابوریدا تا ئەڤرۆکە ژی دگەلدا بیت. رۆژ بۆ رۆژی ھەرێم پێگەھێ خۆ بھێزتردکەت دگروپانا سیاسی ودبلوماسی و ئابوری و بازرگانی و کشتوکالی و جڤاکی دا، ل سەر ئاستێ جیھانێ و دەڤەرا رۆژھەلاتا ناڤین بتایبەت. خورتبوون و بھێزبوونا ئەڤی پێگەھی ئاماژەیێن دیارن بۆ دانپێدانێن نەراستەخویێن وەلاتێن بیانی و ناوچەی بۆ ھەرێما کوردستانێ وەکو وەلاتەک سەربەخۆ د نەخشەسازیا جیوپولەتیکا سیاسیدا. بێگومان خوجھکرن و بھێزکرنا ئەڤی پێگەھی ب ھەروە نەھاتیە ھەبوونێ. بەلکو بەرجەستەبوونا ئەڤێ رەوشێ پێتڤی ب کەسانێن دلسۆز و وەفادارێن ئاخ و وەلاتیە کو بەردەوام بزاڤێ بکەن د ھەمی کاودان و رۆژگارێن نەخوش دا وەلاتێ خۆ بەر ب کەنارێن ئارام ببەن. حەتمەن کەسێن میناکێن وەکو نێچیرڤان بارزانی رولگێرەیەکا حەکیمانە ھەبوو د پاراستنا سەنگ و خورتبوونا پێگەھێ ھەرێما کوردستانێ د پیڤاژویا سیاسیا دەڤەرێ و جیھانێ بگشتی. ژبەرکو ئەڤرۆکە ل ھەرێما کوردستانێ ھەمی سێکەتەرێن گرنگێن ژیانێ تا رادەیەکێ زۆر ژ دایکبوونەکا دی بخووڤە دیتیە. ھەر بۆ میناک.
دھەیاما سالێن بوری و دنھاژیدا ب حکومداریا سەرۆک نێچیرڤان بارزانی و ئەزموونا وی ھەرێما کوردستانێ دوارێ سیاسیدا بەردەوام پێگەھێ خۆ د فەرھەنگا سیاسیا وەلاتێن بیانی و ناوچەی بھێزتر لێ کرییە. بتایبەت پشتی رویدانێن ١٦ێ ئکتوبەرێ دەرگەھێن گرتی ڤەکرن لسەر ھەرێما کوردستانێ و پێنگاڤ بەرەڤ ئاسویێن گەشتر ھاڤێتن. ھەردیسان دوارێ ئابوری و بازرگانیدا ھەرێمێ بەردەوام بزاڤ کرییە ببیتە ناڤەندەکا ئابوریا بھێز بۆ ساخکرن و زیندکرنا کەل و پەلێن بیانی و ناڤخویی، و دروستکرنا پەیوەندیێن ئابوری و بازرگانی دگەل وەلاتێن دەڤەرێ و یێن بیانی، ئەڤە زێدەباری ھەبوونا ھژمارەکا بێ سنور یا مەزنە کومپانیێن جیھانی و نێڤدەولەتی دوارێ بەرھەم ئینانێدا و گرێدا ھەڤبەستان دگەل وان نەمازە د بیاڤێ نەفت و غازێ دا. ژلایەکێ دیڤە نێچرڤان بارزانی بۆ ئەگەر کو ژین و ژیارا خەلکێ ھەرێما کوردستانێ بتایبەت د سالێن بەریا ھاتنا داعشێ بگەھیتە ئەو پەری خوش گوزەرانیێ. دیسان ئەنجامدانا و دروستکرنا پروژێن مەزن بۆ خوش گوزەرانیا خەلکێ ھەرێمێ بگشتی بێ جوداھیا ئولی و نەتەوەیی و مەزھەبی و خورتکرن و زیندیمانا کەلتورێ پێکڤەژیانێ ل ھەرێما کوردستانێ.
دیسا بەرەڤ پێشبرن و ئەنجامدانا گورانکاریێن مەزن دسێکتەرێ ساخلەمیێ دا و نویژەنکرن و ئاڤاکرنا نەخوشخانەیێن مودێرن و سەردەمیانە و دابینکرنا ستاڤێ پێتڤی و ئەنجامدان و رێکخستنا کونفرانسێن نوژداری و رێگریکررن ل دەرمانێن ساختە و ماوە بەرسەچوی و بھێزکرنا کونترولا جوری ژ ھەمی لایەکێڤە، بەرەڤ پێشبرنا کەرتێ خواندنا بلند و پەروەردەیی و نەھێلان و کێمکرنا رێژا نەخوێندەواریێ دناڤ جڤاکیدا. بەرەڤ پێشبرنا کەرتێ گەشتوگوزاری و بلندکرنا رێژا گەشیتاران بۆ ھەرێما کوردستانێ، کو بڤێ رێژا زۆر داھاتێ ھەرێمێ و یێ خەلکێ ھەرێمێ زۆر دبوو و رێژا بێکاریێ کێم دبوو. گرنگیدان ب کەرتێ وەبەرھێنانێ و کشتوکالی و برێکا پێدانا قەرزێن بچوک بۆ وەبەرھێنانێ و دروستکرنا پرۆژێن پێتڤی. گورینا سەروسیمایێ گوند و باژێرێن ھەرێمێ برێکا ھەمی ئەوان پرۆژە و خزمەتگوزاریێن کو ھاتینە ئەنجامدا دبیاڤیێن جودا جودا یێن وەکو ئاڤ و کارەبا و رێک و پر....ھتد.
دیسان گرنگیدان ب کەرتێ ھونەری و رەوشەنبیری ب رەنگەکێ گشتی وەکو ڤەکرنا پەرتوکخانەیێن نێڤ دەولەتی و ئەنجامدانا کونفراس و کورو سمینارێن ھەمە جور و پالپشتیکرنا دەزگەھێن چاپ و چاپەمەنیێ بۆ بەلاڤکرنا رەوشەنبیریا گشتی دناڤ جڤاکیدا. دیسا پالپشتیکرنا ھونەرمەند و فلمسازان وەکو ئەنجامدانا ڤیستەڤالێن نێڤدەولەتی ب ئەرک گرتنا خەرجیێن وان و لبەرچاڤ وەرگرتنا ماف و خواستەکێن وان. ئەڤە زێدەباری گرنگیدان ب کەرتێ راگەھاندنێ ب ھەمی جورێن خویێن (نڤێسی، دیتی، بھیستی)ڤە. ھەروەسا دبیاڤێ جڤاکیدا نێچیرڤان بارزانی رۆلەکێ مەزن ھەبوو ب پێدان و دابینکرنا پێتڤیێن ھەژار و نەدار و کەمئەندام و دانعەمران و وەکو برینا مووچەیەکێ مەھانە بۆ وان. ئەڤە زێدەباری گرنگیدان ب تەخا گەنجان و لاوان و ڤەژاندنا کەرتێ وەرزشی و دروستکرن و نویژەنکرنا یاریگەھان و ڤەکرنا خولێن سالانە و د ھەمی بیاڤێن وەرزشی دا و ب ئەرک گرتنا ھەمی خەرجیێن وان. کو دێ شیێن بێژین ئەڤ کاروانێ خەبات و خزمەتکرنا بەردەوام بوونە ئەگەرێن سەرەکی و کو ھەرێما کوردستانێ ژ ھەمی رویەکێڤە بەر پێشڤەبچیت و سەر سێمایێ خۆ دگەل ھەوایێ گورانکاریێن سەردەم بگوڕیت و رۆژ بۆ رۆژێ بەر ب پێشڤەبچیت. دیسان بنیاتەکێ گشتگیر ژی ھاتیە دانان کو حکومەتا نوی بشێت خۆ لسەرپیان بگریت و بەردەوامیێ بدەتە ھەمان رێیا ناڤبری کرییە د پلان و بەرنامێ خۆ دا وەکو سەرۆکێ حکومەتێ د ھەیاما سالێن بوریدا.