هەرێما کوردستانێ ئەو دەڤەرەیە یا کو ب درێژاهیا مێژوویێ توشی سەدان تاوان و نەخۆشی و نەهامەتیان بووی ل سەر دەستێ وان دەستهەلاتداران یێن حوکم ل دەڤەرێ دکڕن ئەڤجا چ تورک و چ فارس و چ عەرەب ، ب تایبەت عەرەب ب حوکمێ جوگرافیا کوردستانێ ژ دوو لایان ڤە جیرانێن گەلێ کورد بوون و لایەنێ عیراقێ ب زۆر دەستهەلات ل دەڤەرێ کر و سەدان تاوان و جینۆساید ل دەڤەرێ دا ئەنجام داینە ژ روویێ مرۆڤی و هەڕوەها ئاڤەدانیێ ڤە .

لێ پشتی سەرهلدانێ و ب تایبەت پشتی شکەستنا رژێما بەعسا فاشست و ب تایبەت ل کابینەیا پێنجێ یا حکومەتا هەرێما کوردستانێ کو نێچیرڤان بارزانی سەرۆکێ وێ بوو ، ئێدی رۆژا کوردستانێ هەلات و شەوق و نوور باری ب سەر کوردستانێ دا .

نێچیرڤان بارزانی ئەو کەسێ پیناسەکرنا وی زۆڕ یا ب زەحمەت بیت ژ ئەگەرێ زیرەکی و لێهاتوویا وی ، کەسەکی خودان شیانێن دیبلۆماسی و روح سڤک و شارەزا ل کارگێریێ دا ، و ب حوکمێ هندێ قوتابیەکێ دلسۆزی رێبازا پاڕتی و بارزانیە ، باوەریەکا تەمام ب مافێ تاکێ کورد هەیە و ژ ڤێ سۆنگەیێ کارکریە بۆ خزمەتا کوردستانێ .

ل سەردەمێ حوکمرانیا نێچیرڤان بارزانی هەرێما کوردستانێ ژ هەموو روویەکی ڤە گەشەکر و ئێدی ژیاڕا خەلکێ بەڕەڤ باشتر چوو ، ئاسایش و ئاڕامی بەڕقەڕار بوون و سنورێت هەرێمێ هاتن پاراستن و خەلکێ هەست ب تەناهیێ کر ، هەروەها ئازادیا تاکەکەسی هاتە چەسپاندن و هەر تاکەکی کوردستانی شیا هەمی مافێن خۆ پیادەبکەت .

ل سەردەمێ نێچیرڤان بارزانی ل کوردستانێ دوو رۆژ وەکی ئێک نەبوون . گوومان تێدا نەبوو کو رۆژا دووێ ژ روویێ پێشڤەچونێ ڤە دیار و ئاشکرا بوو ب تایبەت ژ ڕوویێ ئاڤەدانیێ ڤە ، لەوا هەر ژ زوودا و بەری کو خەلکێ کوردستانێ یا خۆ بێژن خەلکێ دەوولەتێت بیانی ناسناڤێ نێچیرڤان بارزانی کرن ( ئەندازیارێ ئاڤەدانیێ ) ئەوژی دزڤریت بۆ گەشەیا بێ شووماڕ یا ئاڤەدانیێ ژ هەموو روویەکی ڤە .

پرسیاڕ ئەوە کا نێچیرڤان بارزانی ئەندازیارێ چ نەبوویە ؟؟؟؟
ئەرێ کێ ئاڤەدانی کر ؟؟؟
کێ وەرزش ڤەژاند و پێشڤەبڕ ؟؟؟
کێ مافێ ئافرەتێ بەرقەرارکر ؟؟؟
کێ گرنگی دا ئاڤاکرنا گوندان ؟؟؟
کێ گرنگی دا دەڤەرێن کوردستانی یێن دەرڤەی ئیدارا هەرێمێ ؟؟؟
کێ پەیوەندیێن دیبلۆماسی دامەزراندن ؟؟؟
کێ کەڕتێ گەشتوگوزارێ پێشڤەبر ؟؟؟
کێ خەستەخانە چێکڕن ؟؟؟
کێ کەرتێ پەروەردێ پێشڤەبر ؟؟؟
و چەندین پرسیارێن دی ؟؟؟
کێ پێکڤەژیان بەرقەرارکر ؟؟؟
کێ کوردستان سەربەخۆ کڕ ژ روویێ ئابوری ڤە ؟؟؟

ئەگەر مە بەرسڤا ڤان پرسیاڕان بڤێت ، و ئەگەر ژ خەلکەکی بپرسین ، بچووک و مەزن ، ئافرەت و زەلام ، هەموو پێکڤە دی بێژن ( نێچیرفان بارزانی ).

و پشتی کو پۆستێ سەرۆکایەتیا هەرێمێ دیسان و ل دویف بنەما و پرەنسیپێن رێبازا بارزانی چەندین کارێن مەزن ئەنجام داینە بۆ خزمەتا خەلکێ کوردستانێ .

لەوا زێدەباری کو پشت دێ سەرکەفتی بیت ل کارێ خۆ دا وەکو سەڕۆکێ هەرێما کوردستانێ ، لێ دبێژم خەلکێ شەرەفمەندێ کوردستانێ ( پەیکەرێ نێچیرڤان بارزانی ل دلێ خۆ دا چێکەن )