تەخا گەنجان ئەو تەخا ل ناڤ هەر کۆمەلگەهەکێ دا کو گرنگیەکا هەرا زۆر ل هەموو وەلاتێن پێشکەفتی هەیە و ژ هەر ئالیەکی و بوارەکی ڤە بیت گرنگی و پویتەکا باس پێ تێتە کرن ژبەرکو ئەو پاشەرۆژا هەر وەلات و دەڤەرەکێ نە.

ل هەرێما کوردستانێ ژی مینا هەموو وەلات و دەڤەرەکێ گەنجان سەنگ و جهێ خوە هەیە، پارتی دیموکراتی کوردستان کو پارتەکا سیاسی یا هەرێما کوردستانێ یە و یەکەمین پارتە و بێ رکابەرە ل باوەری دان بۆ هاوولاتێین هەرێمێ و خزمەتکرنا وەلاتی و کۆمەلگەهێ د بوارێن جودا جودا دا و ب هەر رێکەکا بکەڤیتە بەر پارتا ناڤبری خزمەتەکا بەرچاڤ بۆ کۆمەلگەهێ دکەت.

73 سالێن تەمام بسەر دامەزراندنا پارتی دیموکراتی کوردستان را دەربازدبیت کو ل رۆژا 16ی تەباخا 1946ێ و ب سەرکردایەتییا بارزانیێ نەمر ئەڤ پارتە هاتە دامەزراندن و هەر ژ دەستپێکا دامەزراندنا خوە دا پارتی شیایە بەردەوام خزمەتا هەموو تەخ و چینێن کۆمەلگەهێ بکەن بێ کو جوداهی دناڤبەینا هەر ئۆل و نەتەوەکێ بیت و تایبەت ژی پارتیل هەر وەختەکی خزمەتا خوەیا هەرا پتر بۆ تەخا گەنجان کریە و هەردەم ژی ب کریار دووپاتی لسەر ڤێ چەندێ هاتیە کرن کو پارتی دیموکراتی کوردستان ژبەر گرنگیا وێ یا زۆر ب ڤێ تەخا ناڤبری ئەو بوو ل چەند سالەکێن کێم پشتی دامەزراندنێ و ب دروستی ل سالا 1953 ڤێ پارتێ هەردوو رێکخراوێن ئێکەتیا قوتابیان و ئێکەتیا لاوان دامەزراندن و بشێوەیەکی هەرا بەرچاڤ و دیار خزمەتێ دبوارێن خواندنێ، وەرزشی، هۆنەرێ و هتد بۆ تەخا گەنجان دکەت.

هەلبەت ژی پارتی دیموکراتی کوردستان هەردەم پارێزگاری ل مافێ گەنجان کریە و ئەڤ تەخا گرنگ ژ پلە و پۆستێن خوە بێ بەهر نەکرینە و تایبەت ژی بەرێز نێچیرڤان بارزانی کو بۆ ماوێ چەند سالەکان کارێ سەرۆکاتیا جڤاتا وەزیران دکر و ل وی ماوێ کو سەرۆکاتی ل دەستێ وی دا بوو د بوارێن جودا جودا خزمەتەکا هەرا پێش چاڤ بۆ ڤێ تەخێ کریە و بەردەوام ژی پشتەڤانیا خوە بۆ ڤێ تەخێ دیارکریە و ب کریار ژی ئەڤ چەندە سەلماندیە.

د ئەڤێ کابینا نوو یا حکومەتا هەرێما کوردستانێ دا کو چەند مەهەکێن کێم بسەر پێکئینانا وێ دا دەربازبووینە، پارتی دیموکراتی کوردستان و ب سەرکردایەتییا حەکیمانە یا سەرۆک بارزانی هژمارەکا پلە و پۆستێن حکومی یێن بلند د وەزارەت و رێڤەبەریێن گشتی ب هژمارەکا گەنج و لاوێن ژێهاتی و چالاک تژی کریە و وەکو هەر جار بەرێز نێچیرڤان بارزانی ژی پشتەڤانی د ڤێ پێنگاڤا جوان و دروست کریە و نها کو پۆستێ سەرۆکێ هەرێمێ وەرگرتییە دهێتە چاڤەرێکرن برێکێن جودا و پەیوەندیێن وی یێن بەردەوام دگەل جهێن کاربدەست هەلەیێن کاری و هەر خزمەتەکێ بۆ گەنجان دابین بکەت.