پشتی کو حکومەتا عیراقا فیدرال ل سالا ٢٠١٤ ل سەردەمێ سەروک وەزیرێن وی دەمی (نوری مالکی) دەست ب پروسەیا سزادانا ھاولاتیێن ھەرێما کوردستانێ کری ب برینا مووچەیێ ھاولاتیێن ھەرێما کوردستانێ و برینا پاریێ ژیانێ ژ پێخەمەت ھندەک ئارمانجێن سیاسی ، ئێدی بێ ھیڤی بون ژبو ھاولاتیێن ھەرێما کوردستانێ پەیدابوو ژ بو مانا وان دگەل وەلاتێ عیراقێ ، پاش ھاتنا رێکخراوا تیرورستی یا دەولەتا ئیسلامی ل عیراق و شام (داعش) بو ناڤا خاکا عیراقێ دا گورزەکێ مەزن بوویە ژبو تالانکرنا عیراقێ ب شێوەیەکێ گشتی و زیانێن مەزنێن مروڤایەتی ل دویڤ خو دا ھێلان ، ھەروەسان ھەرێما کوردستانێ ژی ژ قوربانیێن ئەڤی جەنگێ تیرورستی بێ بەھر نەبوویە ، ھەرێما کوردستانێ د ئەڤی جەنگێ مەزن دا د قوناغا مان و نەمانێ دا بوویە ، پاش سەرکەفتنا پێشمەرگەیێن قەھرەمان د شەرێ روی ب روی بونا تیرورستێن داعش و پشتی بەردەوامبونا سیاسەتا نە دروستا عیراقێ ل ھەمبەر ھاولاتێن کوردستانێ و نە پێگیریا وان ب یاسا و سوزێن بێ کریار ، ئێدی ھاولاتیێن کوردستانێ بەرەڤ ئاراستەیەکێ دیروکی ڤە چوون ، بەرەڤ ریفراندوما جودابونا ھەرێما کوردستانێ ژ وەلاتێ عیراقێ ، پشتی ئەنجامدانا ریفراندوما جودابونێ ژ وەلاتێ عیراقێ ل ٢٥ ی ئەیولا سالا ٢٠١٧ کو ھاولاتیێن ھەرێما کوردستانێ ب زورینەیا دەنگێن بەلێ داخازا جودابونێ ژ عیراقێ کر ، حکومەتا عیراقێ ژ سیاسەتا خوە یا نەدروست بەرەڤ ئالاڤێن ترسناک تر و دژوار تر پەنابر ، مینا گرتنا دەرگەھێن سنووری و ئابلوقەیێن ئابووری و دائێخستنا ھێلێن ئەسمانی ، کو دخاستن گەلێ کورد بنبر بکەن ، ئێدی پێشھاتێن روی ب روی بونا ھێزێن پێشمەرگەی دگەل لەشکەرێ عیراقێ ھاتە پێش ، پشتی خوفروشێن ١٦ ی ئکتوبەرا سالا ٢٠١٧ ب پیلانەکا بەرژەوەندی کار دگەل حکومەتا عیراقێ کەرکوک ئێخستە دەستێ ھێزێن لەشکرێ عیراقێ ، پاشان حکومەتا ھەرێما کوردستانێ ل چریا ئێکی سالا ٢٠١٧ بیروکەیا زێدەتر خوین نەھێـتە رشتن بریارا سرکرنا ئەنجامێن ریفراندومێ کر ، لەوران ژ قوناغا روی ب روی بونا چەکی بەرەڤ قوناغا دان و ستاندنێ دناڤبەرا ھەولێر و بەغدا ھاتەپێش ، تایبەتی ژی رولێ سەروک وەزیرێن ھەرێما کوردستانێ یێ وی دەمی (نێچیرڤان بارزانی) کو شیا رولەکێ کاریگەر بگێریت د پێشڤەچونا پەیوەندیێن دناڤبەرا ھەولێر و بەغدا دا ، کو شیا گەلەک ئەوان ئالوزی و گرفتێن جودا جودا برێکا دیالوک و دبلوماسیەتێ چارەسەربکەت ، پاش ھەلبژارتنا سەروکێ نوی یێ ھەرێما کوردستانێ (نێچیرڤان بارزانی) ل ٢٥ی گولانا سالا ٢٠١٩ ئێَکەمین سەرەدانا خو ژ بو بەغدایێ دەست پێکر ، کو ئەڤ چەندە ئاماژەیەکە ژ بو نیازپاکیا کوردان د چارەسەرکرنا پرسگرێکێن دناڤبەرا ھەولێر و بەغدا یێن تانوکە ھەلاوییستی ماین ، لەوران پێدڤیە ئەم رولێ دبلوماسیەتا (نێچیرڤان بارزانی) ھەر دەم ل ھزرا خوە بینین کو د قوناغێن سەخت و دژوارێن روی ب روی ھەرێما کوردستانێ بوین کو ئەو مینا زێرەڤانەکی بوویە د پاراستنا ئاخ و دەستکەفتیێن ھەرێما کوردستانێ .