یەکێک لە خەسڵەتە گرنگەکانی هەرێمی کوردستان، مامەڵەکردن و وریایی و خۆگونجاندنە لەگەڵ گۆڕانکارییە جیهانییەکان، هەرێمی کوردستان وەکو ئەکتەرێکی کارای نادەوڵەتی بەردەوام بەرەوپێشچوونی بەخۆیەوە دیوە، نەخاسمە، پێگەی کەسێتی مەسرور بارزانی و بەرنامە دیپلۆماسی و ستراتیژییەکانی دەرخەری ئەو ڕاستییەن، کە هەمیشە هەرێمی کوردستان، وەکو دەوڵەتێک لە ئاستی نێودەوڵەتیدا مامەڵەی لەگەڵدا کراوە.

گەرچی هەرێمی کوردستان لە عێراقدا، هەردەم ڕووبەڕووی ئاستەنگە دیارەکانی وەکو (بڕینی بوودجە، فشاری سیاسی، پێنەدانی مووچە، بڕینی شایستە داراییەکان) دەبێتەوە، بەڵام لەهەمانکاتدا لە ئاستی نێودەڵەتیدا پێگەکەی لە هەڵکشانە، بەشداری بەردەوامی لە کۆنفرانس و دیدارە جیهانییەکانی نێوان دەوڵەتانی زلهێزی جیهان، ئەو حەقیقەتەیان سەلماندووە، کە هەرێمی کوردستان ناکرێت وەکو ناوچەیەک یان سنورێک وەلا بنرێت، بەڵکو بەردەوام پێویستە لە گۆشەیەکەوە لە خەسڵەتەکانی بڕوانرێت و ببێتە بەشێک لە گۆڕانکارییەکان.

پێشکەوتنی هەرێمی کوردستان لە بوارەکانی (وزە، کشتووکاڵ، گەشتوگوزار و تەکنەلۆژیا) وایکردووە بەردەوام دەوڵەتان ویستی دروستکردنی پەیوەندی و بەرەوپێشبردنی ئاستی پەیوەندییە دیپلۆماسییەکانیان لەگەڵ هەرێمی کوردستان هەبێت، چونکە ئەم هەرێمە بەردەوام ناوچەیەکی سەقامگیر و ئارام بووە، دووربووە لە ڕکەبەری و ململانێ توندەکانی ناوچەکە، هەمیشەش فاکتەری ئاشتی و پێکەوەژیان بووە، وەکو نموونەیەک بۆ هەموو وڵاتانی ناوچەکە.

دیدارەکانی سەرۆکوەزیران مەسرور بارزانی لە داڤۆس لەگەڵ هەریەکە لە (سەرۆکی ئازربایجان، سەرۆکوەزیرانی بەلجیکا، وەزیری دەرەوەی چیک، جێگری سەرۆک یەمەن، جێگری سەرۆکوەزیرانی ئوردن، وەزیری وەبەرهێنانی سعودیە، وەزیری بازرگانی سمودیە، وەزیری دەرەوەی بەحرەین، وەزیری ئابووری بەحرەین) و بەشێک لە سەرکردە دیارەکانی جیهان و ناوچەکە، قووڵبوونەوە و پتەوکردنی ئەو پێگەیە کە هەرێمی کوردستان لە ناوچەکە و ڕۆژهەڵاتی ناوەڕاستدا هەیەتی.

ئامادەبوونی هەرێمی کوردستان لە کۆڕبەندی ئابووری جیهانی ٢٠٢٥ لە داڤۆس تیشک دەخاتە سەر پەرەسەندنی گرنگییەکەی لە دیمەنی ئابووری و سیاسی جیهانیدا.

ناوچەکە تادێت بووەتە خاڵی سەرەکی بۆ گفتوگۆکردن لەسەر سەقامگیری و سەرچاوەکانی وزە و گەشەپێدانی ئابووری لە ڕۆژهەڵاتی ناوەڕاستدا.
هەوڵەکانی هەرێم بەرەو هەمەچەشنکردنی ئابوری و پێشکەوتنی تەکنەلۆجی و پەرەپێدانی ژێرخانییە، بە ئامانجی کەمکردنەوەی پشتبەستنی بە هەناردەکردنی نەوت. بە لەبەرچاوگرتنی سامانە سروشتییە دەوڵەمەندەکانی، بەتایبەتی لە بواری نەوت و گازدا، ناوچەکە خۆی وەک یاریزانێکی سەرەکی لە بازاڕەکانی وزەی جیهانیدا جێگیر دەکات.

هەروەها کوردستان هەوڵدەدات وەبەرهێنانی بیانی ڕابکێشێت، بەتایبەتی لە کەرتەکانی وەک گەشتیاری، کشتوکاڵ، بەرهەمهێنان، کە سەرەڕای تەحەددییە ناوچەییەکان بەردەوام گەشەیان کردووە.
سەرەڕای ئەوەش، جەختکردنەوەی هەرێمی کوردستان لەسەر پەرەپێدانی حوکمڕانی دیموکراسی.

لوتکەی داڤۆس لە ساڵی ٢٠٢٥ دەرفەتێکە بۆ هەرێمی کوردستان بۆ پەیوەندیکردن لەگەڵ سەرکردە نێودەوڵەتییەکان، خاوەنکاران، و دامەزراوەکان، پتەوکردنی پەیوەندییە دیپلۆماسییەکان و پێشخستنی هەوڵەکانی بنیاتنانی ئاشتی لە عێراق و ڕۆژهەڵاتی ناوەڕاستی فراوانتر. لە کۆتاییدا کوردستان ئامانجی چەسپاندنی ڕۆڵی خۆیەتی وەک هاوبەشێکی سەقامگیر و ئومێدبەخش بۆ هاوکاری ئابووری جیهانی.