هزرمەندێ فەڕەنسی《ئیتیان دۆلا بواسیێ》 د پرتووکا خۆ یا بناڤێ ❞ کولەتییا خۆبەخشانە❝دا دبێژیت:
«دەما مللەتەک بۆ دەمەکێ درێژ تویشی سەرکوتکاریێ دبیت، دێ چەند نڤشێن خەلکی پەیدا بن، پێدڤی ب ئازادیێ نابیت و لگەل ستەمداریێ دگونجیێت، و تێدا ❞هەڤوەڵاتیێ جێگیر❝ دروست دبیت».
هزرمەند و پێدا دچیت و دبێژیت: ل ڤێ رۆژەڤا مە هەڤوەڵاتیێ جێگیربوویی د جیهانەکا تایبەتا بخوەڤە دا دژیت، هەموو پویتپێدانا وی ب سێ تشتانڤە گەماردایە نە چ تشتەکێ دی ئەو ژی، ئایین و پاریێ ژیانێ و توپاپێ یە.
#ئاین: ئاینی لجەم هەڤوەڵاتیێ جێگیر چ پەیوەندی ب راستیێ و دادیێ نییە، ب تەنێ نەریتەکێ ئاینی و كردارەکێ شێوەیی یە و پێترییا جاران ناگەهیت رەفتار و کریاران، و کارەکێ سەرڤەیی و بێ ناڤەڕۆکە!.
ئەوێن بێ شەرمانە ب درەو و دۆرۆیاتیێ و بەرتیلدانێ رادبن، بتەنێ دەما نڤێژەکا وان دچیت هەست ب گونەهێ دکەن! و ئەڤ هەڤوەڵاتییە بەڕەڤانیێ ژ ئاینێ خۆ ناکەن، ب تەنێ هەکە یێن پشت راست بوون کو ب ئەگەرێ وێ بەرگیرییا وان ژ بناڤ ئاینێ وان، چ زیانان ناگەهینتێ!.
دبیت ببینی یێ تویڕەیە ژ دەولەتەکا بیانی ژبەر تاوانەکێ ل میانمار یان ل مسرێ و کشمیر، دهەمان دەمدا دێ بینی وێرەکییا دەڤێ خۆ ڤەکەت، هەر ب پەیڤەکێ ب تەنێ ژی نییە، چەندی گرتی یێن ستەملێکری و هژمارا یێن ژبەر ئەشکەنجەدانێ مرین ل وەڵاتێ وی هەبن! بۆ میناک زیندانێن تورکیە و ب دارڤەکرنێن ل ئیرانێ.
و دێ بینی یێ پویچاتیێ و خرابیێ و گەندڵیێ ب ئاشکرایی دکەت، و یێ سەختە و کەل و پەلێن خراب دفروشیت و یێ برایێن خۆ یێن باوەڕدار ب سەردا دبەت و دەستێن خۆ بلند دکەت و سپاسییا خودێ دکەت، یان جیرانێ وی یێ هەژارە و برسی یە، نانەکێ نادەتێ و هاریکارییا وی ناکەت یان یێ نەساخە و پارێ دەرمانان نییە، دینارەکی نادەتێ و دێ چیت هەموو ساڵێ قەستا حەجێ کەت و داخوازێ ژ خودێ کەت ژێ خۆش ببیت کو پڕ باوەرم، خودێ ژ کەسێن هۆ خۆش نابیت!.
#پاریێ_ژیانێ: هندی پاریێ ژیانێ یە، ئەو ستوینا دویێ یا ژیانا (هەڤوڵاتیێ جێگیرە) بۆ وی ب رەهایی خەم نییە کو ژ مافێن وی یێن رامیاری بهێتە بێ بارکرن، و دێ بینی ب تەنێ یێ کار دکەت پێخەمەت مسوگەرکرنا خەرجێن ژیاندنێ و پەروەردەکرنا زارۆکێن خۆ هەیا مەزن ببن، و دێ کچان ب شوی دەت و کۆڕان کاری پێ کەت و پاشان دێ گۆشەگیر و ل پەرستگەهێ مینیتەڤە، داکو پەرتووکێن پیرۆز بخوینیت و خزمەتا مالا خودێ بکەت بۆ دوماهیەکا باش و ب بێژن خودێ ژێ رازیبیت مرۆڤێ مزگەفتێ بوو.
#تۆپا_پێ: هندی کو تۆپا پێ یە، تێدا ❞هەڤوەڵاتیێ جێگیر❝، کومەکا تشتێن د ژیانا رۆژانە دا، ژێ هاتییە بێ بارکرن! پێ قەرەبوو دکەتەڤە، تۆپا پێی خەمێن وی ژ بیرا وی دبەت، و وێ دادی یا ژ دەستدای بۆ ب دەسڤە دئنیتەڤە، د وان (۹۰) خولەکان دا، ئەڤ یارییە ملكەچی رێسا و یاسا یێن ئاشکرا و دادپەروەرە و یاسا بێ جوداهی لسەر هەموویان دهێتە جێەجێکڕن، لەوا ژی سەوەری یا یاسایێ تێدا بەرجەستە دبیت.
هەڤوەڵاتیێ جیگیر، کوسپێ راستەقینەیێ هەر پێشڤچوونەکێ یە، گوڕین ژی بدەستڤە ناهێت هەیا ئەڤ هەڤوەڵاتییە ژ جیهانا خۆ یا بەرتەنگ دەردکەڤیت و رزگار و پشتراست دبیت کو بها و باجا بێ دەنگیێ لسەر ستەمکاریێ زۆر گرانترە ژ ئەنجام دەرهاڤێشتە یێن شۆڕشا ل دژی وێ ستەمێ!.
لەوا ژی جڤاکێ مە یێ د دۆرۆیاتیێ و ستەم و گێلەشوکێ دا دژیت، و هەڤوەلاتی مە یێ دژیت ژبۆ مرنێ، نە دمریت ژبۆ ژینێ هەر وەکو هەڤولاتی یێن جیهانا ئازاد رۆبرۆیێ مرنێ دبن ژبۆ کو ب ئازادی و شکومەندی بژین.