١٦ی تەباخا سالا ١٩٤٦ێ روویدانەک و وەچەرخانەکا نوو بۆ د قادا مێژوویا بزاڤا رزگاریخوازیا مللەتێ کورد دا ژ بۆ پێدڤیەکا سەرەکی و رزگاری و دەستڤەئینانا مافێن گەلێ کوردستانێ پارتی دیمۆکراتی کوردستان ھات دامەزراندن, کو تا نھۆ ٧٣ێ سال ژ تەمەنێ خۆە یێ خەباتێ دەربازکرینە ل وارێ نەتەوەی و نیشتمانی. ژ سالێن دەسپێکا دامەزراندنا پارتی گرنیگەکا مەزن ب تۆێژا قوتابیان دایە و خەبات ل پێناڤ چەسپاندنا سیستەمێ پەروەردێ و فێرکرنێ کریە ل کوردستانێ دگەل سەرکردایەتی و حکومەتا بەغدا, چونکە پارتی ھەردەم ھزر د وێ یەکێ دا کریە کو دۆژمن و نەیار و نەحەزێن گەلێ کوردستانێ بەردەوام ھەولداینە کو نەزانین و نەخۆێندەواری دناڤ کۆمەلگەھا کوردستانێ بەلاڤ بکەن و ھیچ سیمایەکێ پەروەردەی ل کوردستانێ نەھێلن و ب ھیچ رەنگەکێ پێشکەفتن و زانست نەھێتە زمان و پەرەپێدان کو مللەتەکێ پاشکەفتی بمینت. دانپێدانەکێ بۆ بەرەبابێ نھۆ بکەین کو پارتی خواستیە مل ب ملێ خەباتا سیاسی و لەشکەری, پێنووسێ خەباتا زانست و زانینێ ژی بھێتە مەیدانا بزاڤا رزگاری و سەروەریا خاکا کوردستانێ کو ل سەر بیروباوەرێن کوردینی و فەلسەفا رێبازا بارزانیی نەمر بھێنە پەروەردەکرن. پشتی کوردستان بوویە خودان پەرلەمان و حکومەت, پتر ئەو دەلیڤە رەخسا کو پارتی زێدەتر گرنگیێ ب کەرتێ پەروەردە و فێرکرنێ بدەت کو قوتابیەکێ بەرھەمدار, ساخلەم, ب پەروەردەیەکا پێشکەفتی و سەردەمی و جیھانگیری, بھێتە ئاڤاکرن و پەرەپێدانا شیان و داھێنانێن قوتابی. ل دەمێ دەستھەلاتداریا سەرۆک نێچیرڤان بارزانی وەکو ھەلبژارتیێ فەرمیێ پارتی بۆ وەرگرتنا چەمکێ دەستھەلاتداریا حکومەتێ کوپ شتی سەرھلدانا بھارا ١٩٩١ێ , وەرگرتنا پۆستێ جێگرێ سەرۆکێ حکومەتێ د کابینا چوارێ ل سالا ١٩٩٦ ھەتا ١٩٩٩ , وەرگرتنا پۆستێ سەرۆکێ حکومەتێ ژ ٢٠ی کانوونا دووێ ھەتا ١٤ێ خزیرانا سالا ٢٠٠٦ , ل ٧ی ئایارا ٢٠٠٦ ھەتا ٢٠٠٩ جاردن بۆ سەرۆکێ حکومەتێ, ل شوباتا ٢٠١٢ ھەتا ھەلبژارتنێن ٢٠١٣ و دووڤدا تا ٢٠١٩ بوویە سەرۆکێ حکومەتێ کو داوی کابینا ھەشتێ بوو یا حکومەتا ھەرێما کوردستانێ. گورانکاریێن ریشەی و بەرنامێن توکمە و پرۆژێن ستراتیژی و سەرکەفتی ھاتینە ئەنجامدان, ئەگەر تیرۆژێ بێخینە بوارێ پەرەپێدان و گەشەپێدانا کەرتێ پەروەردێ و فێرکرنێ, پارتی ب پێدڤیەکا فەلسەفەی و دارێژتنا سیاسەتەکا نەتەوەی و نیشتمانیا ئێکگرتی د بنچینە مێشکێ قوتابیێن کورد دا و تێروانینەکا نوو و ھەڤچەرخ ھەبیت بۆ چارەکرنا نەھێلانا گریێن بەرتەنگ و نێگەتێڤ و ھزرێن شوڤینی. ژبەرھندێ پارتی گرنگیەکا مەزن ب سیستەمێ پەروەردێ و فێرکرنێ دایە بۆ بەردەوامیدان و ھەلسەنگاندنا پرۆگرامێ خواندنێ, چەسپاندنا ھزرا نەتەوەی و نیشتمانی, ھەلبەت سەرۆک نێچیرڤان بارزانی ئەو پەیرەوکەرێ ئارمانج و پرۆگرامێ پارتی بوویە د چەمکێ حکومەتێ دا ژ بۆ بناغە دانەرێ کوردستانەکا گەشتر و ب ھێزتر. ئەگەر بەرچاڤ روونیەکێ و ئاماژەیەکێ بدەینە کار و کریاریێن نێچیرڤان بارزانی بۆ خەلکێ کوردستانێ ب گشتی و تایبەت, تۆێژا پەروەردەکاران و قوتابیان کو رۆلەکێ ھەری ب ھێز و کارا گێرایە دڤی بیاڤی دا, کو بەری نوکە گوندێن کوردستانێ ھیچ سیمایەکێ زانستی و رووناکی بخۆڤە نەدیت بوو, بەلێ سەرۆک نێچیرڤان بارزانی د وی ماوەیی دا خوش بەختانە کو رێژەیەکا ھەری زۆرا وان گوندان نوکە خودان قوتابخانەنە کو ل گور نێرینا نێچیرڤان بارزانی ھەر گوندەکێ ئەگەر ١٦ قوتابی ھەبن, دڤێت قوتابخانە لێ بھێتە ئاڤاکرن. ب زمانێ رەسەنێ خۆە بخوینن و بنڤێسن کو ئەڤە ژ خزمەتگوزاریێن ئەولەویاتە. ھەڤدەم ب گشتی ل کوردستانێ پێنچ رێڤەبەریێن گشتی یێن پەروەردەیان ل ھەرێما کوردستانێ ھەنە و ھەر ئێک ژ وان رێڤەبەریێن گشتی ھەژمارەکا رێڤەبەریێن پەروەردەیان بخوڤە دگریت کو سەرجەمێ گشتی دبیتە ٣٩ رێڤەبەری, کو د بیست سالێن دەستھەلاتداریا نێچیرڤان بارزانی دا رێژا خۆێندەواریێ ژ ٦٦% بلند بوو ب رێژا ٨٦% سەرەرای پێشئێخستنا سیستەم و پرۆگرامێ خواندنێ یێ پەروەردێ. ئەگەر بێژین ئەڤە چ رامان دگەھینت?! واتە د ھیچ چاخ و سەردەمەکێ پێشکەفتن و سیمایێ زانستی و سەردەمیانە د بیاڤێ پەروەردە و فێرکرنێ بخۆڤە نەدیت بوو, تا کو گەھشتیە قۆناغا حکومرانیا نێچیرڤان بارزانی وەکو پێدڤیەکا سەرەکی و گرنگ زانی, گرنگیەکا تایبەت و ھەنوکەیی دایە کەرتێ پەروەردێ کو ئەڤە بخۆە ئاماژەیە کو سەرۆک خواستێ کوردستانەکا سەردەمیانە و پێشکەفتی بوو, بنیاتکرنا کەسایەتیا تاکێ کوردستانێ کو کەسایەتیەکا سەربەخۆ و باوەری بخوبوون, خودان بەرھەمھێنەر بت. کو نێچیرڤان بارزانی سیاسەتەکا روون و ئاشکەرا د بوارێ پەروەردە و فێرکرنێ دا, سەبارەت ب ڤەکرنا باخچە , قوتابخانە , زانکۆ و پەیمانگەھان پەیرەو کریە. ھێمایێ پێنووس و گەشەپێدانا بزاڤا زانستی بۆ کوردستانێ دروست کریە, گرنگی ب شارستانیەت و پرەنسیپێن پێشکەفتن خوازیێ دایە.
​