پارتی دیموکراتی کوردستان ئەو پارتا پێش دامەزراندنا وێ سەرکردە و سەرۆکێ وێ خودان دیرۆکەکا زێرین بوون و چ دەما راوەستاندنا خەبات و تێکۆشانێ د فەرهەنگا هزر و بیرێن کەسێن فێ حزبێ و رێرەو و رێبازا پارتی دا دیارنەبوویە ، دیارترین کەسێ پارتی ل دەستپێکا دامەزراندنا پارتی بارزانیێ نەمر بوو ، کو پێش دامەزراندنا پارتی سەرکردایەتێا دوو شۆرەشێن مەزن کریە زێدەباری تۆمارکرنا هژمارەکا مەزنا داستان و پێشکەفتنان ، پارتی وەکو پارت ئانکۆ حیزب پێش سالا 1946 نەبوو ، لێ هزر و بیر و رێبازا پارتی پێش دامەزراندنا پارتی هەبوون .

ب درێژاهیا مێژوویا خۆ پارتی ل هژمارەکا زۆر یا ئەڤراز و نشێڤیان دا بۆریە ، و زۆر ئاستەنگی و نەخۆشی دیتنە ل ماوێ ۷۳ سال خەبات و تێکۆشان ژ ژیێ خۆ ژ پێناڤ دەستڤەئینانا مافێن ڕەوایێن گەلێ کورد ، بۆ ڤێ چەندێ ژی چەندین شۆرەش و داستان و قارەمانێتی تۆمارکرنە و ب هزارن ئەندامێن پارتی جانێ خۆ گۆری ئاخا پیرۆزا کوردستانێ کرنە .

ل ماوێ ژیێ خۆ دا پارتی گرنگییەکا زۆر ب چینا لاوان دایە مەبەست ژ پەیڤا لاو ئانکو گەنج ل ژیێ ۱٨ سالیێ تا ۳٥ سالیێ ل هەموو سێکتەرێن ژیانێ دا و ب گەلەک شێوەیان .
سالێن دەستپێکێ یێن ژیێ خۆ پارتی ل کۆنگرەیێ ۳ێ یێ خۆ دا ل سەر رێنما و راسپاردەیێن جەنابێ بارزانیێ نەمر رێکخراوێن ئێکەتیێن لاوان و قوتابییان دامەزراندن داکو خزمەتا ڤێ چینا تەمەنی بکەن ل هەر پیشەیەکێ دا بن .

ڤان دوو رێکخراوا ل ژێر سیبەرا پارتی دا خەباتەکا دوور و درێژ هەیە و خودانین دیرۆکەکا لاپەرە زێرینن ل خزمەتکرنێ و پشتەڤانیا بزاڤا رزگاریخوازا گەلێ کورد .

هەروەها تیمێن پارتی ب سەرۆکایەتیا نێچیرڤان بارزانی پشتی دامەزراندنا حکومەتا هەرێما کوردستانێ ل ژێر رێنمایێن پارتی و ل بەر رۆشنایا ستراتیجیەتێن پارتی بۆ چینا لاوان کو زۆر ب روونی ل پرۆگرام و پەیرەوێ پارتی دا ئاماژە پێ هاتیە دان ، خزمەتەکا زۆر یا لاوان کریە ب توێژێن جودا جودا ڤە .
بۆ قوتابیان ژمارەیەکا زۆر یا ناڤەندێن خواندنێ و ناڤەندێن ڤەکۆلینان هاتنە ڤەکرن ، و زەمالەیێن خواندنێ بۆ زانکۆیێن وەلاتێن پێشکەفتی بۆ قوتابیان هاتنە پەیداکرن ، پڕۆگرام و سیستەمێن پێشکەفتی یین خواندنێ ژ پێشکەفتیترین وەلاتێن دونیایێ بۆ هەرێمێ ئینان .
هەروەها بۆ لاوان گرنگیەکا زۆر ب بوارێ وەرزشێ هاتە دان و چەندەها یاریگەهـ و هۆلێن وەرزشی و ناڤەندێن راهێنانێن وەرزشی هاتنە ڤەکرن و ل چەندین بوارێن دی گرنگیەکا زۆر ب شیانێن لاوان هاتنە دان و پشتەڤانیێن جوراوجۆر ل وان هاتنە کرن .

خالەکا هەرە گرنگ یا کو کەسی پێش پارتی نەکری ئینانا گەنجان بۆ ناڤ ناڤەندێن بریاردانێ ل دام و دەزگەهێن حزبی و حکومی ل کوردستانێ و ب تایبەت حکومەت و پەرلەمانێ کوردستانێ ، و ب تایبەت رێزدار ( نێچیرڤان بارزانی ) کو ب خۆ لاوەک سەرپەرشتیا تیمێ پارتی کریە ل حکومەتێ بۆ ماووێ چەندین سالان خزمەتا خەلکێ کوردستانێ کریە و کوردستان ژ ڤی دەستی کریە ڤی دەستی ژ هەموو روویەکی ڤە و هەموو ئەو کارێن مە ئاماژە پێداین کو بۆ چینا لاوان هاتیە کرن ل سەردەمی و هاتیە کرن و بتریا کاران جەنابێ وی راستەوخۆ سەرپەرشتی لێکریە و ئامادەبوویە .

ئەڤە هەمی ژ بۆشاییەکێ نەهاتیە بەلکو باوەریەکا تەماما پارتی و بارزانی یە ب شیانێن لاوان ل رێڤەبرن و پێشڤەبرنا کوردستانێ ، لەوا ب ل دوماهیک هەلبژارتنێن پەرلەمانێ کوردستانێ پارتی ب تیمەکی تەمام لاو ژ پەرلەمانتار وەزیر و سەرۆک وەزیران و ب تایبەت جەنابێ سەرۆکێ هەرێمی رێزدار (نێچیرڤان بارزانی) کو سەرپەرشتیێ ل کارێ تیما پارتی ل حکومەتێ دا دکەت .

ل دوماهیێ ئەڤی سالڤەگەرا پیرۆز ل سەرجەم لایەنگر و ئەندام و کادرێن پارتی و ب تایبەت جەنابێ سەرۆک بارزانی پیرۆزدکەین ، و ژ دل سوپاسیا جەنابێ وی دکەین کو ئەڤ باوەریە دایە تیمێ لاو ل حکومەتێ دا کو خزمەتا خەلکێ کوردستان بکەن .
و وەک جەنابێ سەرۆک بارزانی دفەرموویت بۆ پێشڤە و سەرێ خۆ نەچەمینن .