ھەرێما کوردستانا عیراقێ پاش سەرھلدانا سالا ١٩٩١ ئازادکرنا سەرجەم ناوچەیێن کوردی یێن لژێردەستھەلاتا حکومەتا عیراقێ یا ژناڤچووی ، ل سالا ١٩٩٢ خەلکێ ھەرێما کوردستانێ شیان ب رێکا ھەلبژارتنان پەرلەمانێ ھەرێما کوردستانێ دامەزرینن ھەروەسان ئێکەم کابینەیا حکومەتا ھەرێما کوردستانێ دەست بکاربکەن ، ئێدی گەلێ کورد ل ھەرێما کوردستانێ بو خوەدی حکومەتەکا کوردی ، پشتی سالا ٢٠٠٣ روخاندنا حکومەتا دکتاتورا عیراقێ ئێدی کوردان ب ئاوایەکێ باشتر دەست ب کار و پروژەیێن مەزن کرن ژ پێخەمەت ئاڤاکرنا ھەرێما کوردستانێ ژ سەرجەم کەرتێن جوراوجور ب مەرەما زێدەتر خزمەتکرنا ھاولاتیان ، وەبەرھێنانا گەشت و گوزاری یان پیشەسازیا گەشت و گوزاری ئێک ژ جورێن گرنگێن چالاکیێن بازرگانی و وەبەرھێنانی یە یێ کو دھێتە ھژمارتن ژ قازانجێن گەلەک بلند ل گەلەک وەلاتان ، لەورا حکومەتا ھەرێما کوردستانێ ھێدی ھێدی پویتەدان ب ئەڤی کەرتێ گرنگ دا ، ژ دەستپێکا کارێ حکومەتا ھەرێما کوردستانێ ژ دانانا پلانێن ستراتیژی یێن ب رێک و پێک ھەر ژ دابینکرنا ئێمناھی و ئارامیێ لسەر ئاستێ ھەرێما کوردستانێ و پویتەدان ب کەرتێن تایبەت ژ پێخەمەت گەشەپێدانا کەرتێ گەشت و گوزاری ل نافخوی ، دابینکرنا پێدڤیێن مروڤایەتی یێن تایبەت ب کەرتێ گەشت و گوزاری ڤە و چەوانیا بەرەڤ پێشڤەچوونا ئەڤی کەرتێ ناڤبری ، بکارئینانا گەشت و گوزاریا ئەلکترونی د ڤەگوھاستن و نیشاندانا گەشت و گوزاریا ل ھەرێما کوردستانێ ھەبون ھەی و دیارکرنا جھێن گەشت و گوزاری برێکێن ئەلکترونی کو ئەڤە ژی دبیتە ئالاڤەک ژ پێخەمەت بەرەڤ پێشڤەبرنا کەرتێ گەشت و گوزاری ب تێچوویەکا کێم ، د سالانێن دەرباز بوی دا ئەگەر بکەینە پیڤەر و جوداکرنێ بکەین دێ بینین گوھورینێن گەلەک مەزن پەیدابوینە ژ زێدەبونا جھێن گەشت و گوزاری و زێدەبونا خارنگەە و ھوتێل و موتێلان و گوندێن گوزاری و زێدەباری فیستەڤالێن گەشت و گوزاری کو ئەڤە ھەمی بوینە ئەگەر سەرنجا گەشتیاران بو لایێ خو راکێشن ، سەروک وەزیرێن ھەرێما کوردستانێ یێ خولا دەربازبوی (نێچیرڤان بارزانی) ل ١٧ ی ئادارا سالا ٢٠١٩ د رێورەسمێن ڤەکرنا پێشانگەھا روژھەلاتا ناڤەراست یا گەشت و گوزاری ل ھەولێرا پایتەخت ئاماژە ب گەلەک پروژەیێن ستراتیژی یێن گەشت و گوزاری کرن کو ئێک ژ وان پروژەیان داھاتێ سەرەکی یێ ھەرێما کوردستانێ پشتبەستنێ لسەر گەشت و گوزازێ بکەن نەک بتنێ لسەر سامانێن سروشتی ، ھەروەسان دەستەیا گشتی یا گەشت و گوزاری ل ھەرێما کوردستانێ د پلانا خوە یا ستراتیژی دا ئاماژە کریە کو ھەتا سالا ٢٠٢٥ ھەرێما کوردستانێ دێ سالانە پێشوازیێ ل ٧ ملیون گەشتیاران کەت ، لەوران ئەڤە مزگینیەکا گەلەک مەزنە د پیشڤەچوونا کەرتێ گەشت و گوزاری ل ھەرێما کوردستانێ ، حکومەتا ھەرێما کوردستانێ ل کابینەیێن دەربازبوی دا پویتەدانەکا مەزن ب ئەڤی کەرتێ گرنگ دایە تایبەتی ژی رولێ سەروک وەزیرێن ھەرێما کوردستانێ یێ خولا دەرباز بوی (نێچیرڤان بارزانی) کو د نوکە دا ھەرێما کوردستانێ خوەدی گەلەک جھێن گەشت و گوزاری یە ، لەوران بومە ئاشکەرا دبیت کو کەرتێ گەشت و گوزاری گرنگەیەکا مەزن ھەیە د پێشڤەبرنا وەلاتان دا و ھەردیسان داھاتەکێ مەزنە ژبو خەزینەیا دەولەتێ کو حکومەت دشێت ل داھاتی دا پشتبەستنێ لسەر ئەڤی کەرتێ گرنگ بکەت.