پارتی دیموکراتی کوردستان ل (١٦ـی تەباخا سالا ١٩٤٦) لسەر دەستێ بارزانیێ نەمر ھاتیە دامەزراندن ، پارتەک جەماوەری و خودان پێگەە بوویە ل دەسپێکا دامەزراندنا وێ دا ، پارتی ب ئارمانجەک راست و درست کەفتیە قادا خەباتێ دا ، پارتی ب درێژاییا مێژویی ھەمی نەخوشی ودەردەسەری قبول کرینە و توشی زورنەھامەتیان بوویە لێ چ جارا مساومە لسەرمافێ مللەتێ کورد نەکریە ، پارتی زور سەر نشیڤی وسەرئەڤرازی دیتی نە ب سەدان کتێبان ھاتینە نڤیسین لێ دەستکەفت بو مللەتێ کورد ھەبوویە لدویف واقعێ روژێ پارتی ئارمانجەک نەتەوەیی دانایە بەرسینگێ خو ھەتا پروژەکی جی ب جی دکەت ئارمانجەک مەزنتر ددانتە پێشیا خو، پارتیا ئەڤرو ئەم دبینین خودان مەزنترین پێگەھا جەماوەری یە و پارتا دەستھەلاتدارە د حکومرانیێ دا ل گورەپانا کوردستانێ دا ، د مێژویێ دا پارتی بەرگری ل مافێ مللەتێ کورد کریە لەورا بوویە جھێ متمانا ھەمی وەلاتێن روژلاھەتا ناڤەراست کو ئەو نێزیکی مەنە و ھەمی وەلاتێن جیھانێ سەرەدەری کرن دگەل پارتی سەردەرکرنە دگەل کوردستانیان ، پارتی ب درێژاییا مێژویا خودا ل حەفتێ و سێ سالێن بوری دا بو خەلکێ خو یا سەلماندی کا ئارمانجێت وی چنە لەورا خەلکێ کوردستانێ ژی ئەو باوەریا مەزن دایە پارتی و روژ بو روژێ بھێزتر دکەڤیتن ، بارزانی نەمر ل دەسپێکا دامەزراندنا پارتی تا ئەڤرو ھەر سەروکێت پارتی بووینە ژ بارزانیێ نەمر دەست پێکریە پاشان رادەستی سەروک (مەسعود بارزانی) ھاتیە کرن لێ جەنابێ سەروکێ ھەر زوی متمانە ب کریارێن نێچیرڤان بارزانی ئینا و گەھشتە وێ باوەرێ کو بکەتە جێگرێ خو دناف پارتی دا تاکو بشێت ئەرکێ وی سڤک بکەتن ، ھەرچەندە ئەڤ خالە لدەف زور لایەنا بخو مزایدا پێ دکەن و دبێژن پارتی پارتەکا بنەمالەیە لێ ھەر ئەندامەک و لایەنگرەک وکادرەک دناف ڤێ پارتێ ھەبیتن وان ئەو باوەری ھەیە ئەگەر بارزانی نەبن پارتی ھوسا یا بھێز نابیتن و وان ژی ب کردار بو ھەڤال و لایەنگرێت خویا سەلماندی ئیدی مللەت ژی گەھشتیە وێ باوەرێ وھەمی پێک ھات و کێم نەتەوە و ھەتا دگەھیتە سەر ئاستێ عشائیری ھەمی کوکن و درازینە کی حکومرانیێ ل ڤێ پارتێ بکەت، ئەڤە نھینیا سەرکەفتنا پارتیە ، پارتی ئێکەم حزبە شیایە (٧٣) سالان خەباتێ بکەت بێ ی خیانەتێ ل مللەتێ خو بکەتن ، پارتی ل ھەمی کاودانێن نەخوش لسەر مللەتێ مەدا ھاتبیتن خوکریە چەپەر وخوینا رێتی تاکو ئەڤرو یا بویە دروشم کو پارتی دەریایا خوینێ یا رێتی ، نێچیرڤان بارزانی سەروکێ ھەرێما کوردستانێ و جێگرێ پارتیە شیایە لڤان چەند سالێن بوری پەیوەندیەکا مکوم یا نافخویی ونیڤ دەولەتی بو پارتی چێکەتن ب سیاسەتا خو یا دبلوماسی ، نێچیرڤان بارزانی دەمێ ب نوینەراتیا پارتی دناف حکومەتێ دا بوو وەک سەروکێ حکومەتێ زور خو ماندی کر وزورھەولێن جدی دان کو کونسولخانەیێن (٢٢) وەلاتان دیسان کونسولخانەیێن فەخری پێنج وەلاتان پتر ژ پێنج ئاژانسێن نیڤ دەولەتی نڤیسینگەھێن کونسولخانەیێن شەش وەلاتان بەشێن ھاریکاریێن ئابوری وبازرگانی و ھتد بەروڤاژی شیایە نوینەراتیا حکومەتا ھەرێما کوردستانێ ل (١٤) وەلاتێن جیھانێ بەلاڤ بکەتن ، ھەژی یە بێژین ل ھەمی وەلاتێن ئازادی تێدا بەرقرار حزبا دەستھەلاتدار خودانێ رێزەکا تایبەتە بوویە زوربەیا وان شاندێن دھاتنە ھەرێما کوردستانێ ھەول ددان برێکا کاک نێچیرڤان بارزانی جەنابێ سەروکی ببینن و سەرکردایەتیا پارتی ب جودا ، ل ڤێرەدا برێیا نێچیرڤان بارزانی پارتی حزبا ئێکێ یە لسەر ئاستێ کوردستانێ وعیراقێ بو پەیوەندیێن نیڤ دەولەتی ، کەساتیا نێچیرڤان بارزانی دناف پارتی دا زورا کاریگەرە دەمێ ل ھەوێن ھەلبژارتنا ددەمێ دەواما خو یا فەرمی خزمەتا خەلکێ کوردستانێ دکر و پشتی دەوامێ ئەرکێ خو یێ پارتایەتی ئەنجام ددا ھەر جھەکێ ئەو گەھشتبایی و ب وتارێن وی یێن گەرم رژدیەک ددا کادر وئەندام ولایەنگرێت پارتی و دبیە ئەگەر کو پارتی بھێزتر بمینیت ، دروشمێ پارتی ئاڤەدانی یە ، پێکڤە ژیانە ، گەھشتنا ئامارنجا مەزنە وھتد ھەمی ژی کرینە کردار ، نێچیرڤان بارزانی دەمێ سەروکێ حکومەتێ بوو ھەمی دروشمێن پارتی دناف خەلکی دگوتن کرنە کردار بوویە سەنگا پارتی رۆژ بو رۆژێ بەرەف پێشڤەچوونێ یە