(٧٣)ساڵ ب سەر دامەزراندنا پارتی دیموکراتی کوردستان دەرباز دبن ، ئەو پارتیا ب باوەری و ئومێد و بەرچاڤ روونیەکا مەزن و مسوگەر ، بۆ بجھئینانا خەون و ئارمانجێن مللەتێ کوردستانێ و ئاڤاکرنا دەولەتا کوردستانێ یا سەربخو و بدەستڤەئینانا ئاییندەیەکێ پر دەستکەفت و گەش ، (٧٣) ساڵێن پڕ خەبات و شانازی و کوردایەتی دەربازکری، ئەو پارتیا ل سەر دەستێ رێبەرێ نەتەوەیا کورد بارزانیێ نەمر ل روژا ١٦/ ٨/ ١٩٤٦ ێ ھاتیە ئاڤاکرن کو ئەڤە دەمەکێ دا بوو تازە شەرآ جیھانآ یآ دوویێ بدوماھیک ھاتبوو ، ھەر چەندە بەرییا دامەزراندنا پارتی دیموکراتی کوردستان چەند حزب و رێکخراو وبزاڤێن کوردی ھەبوون لێ ئەڤان نە‌کاریبوو تەڤایا گەلێ کوردستانێ ل بن ئێک چادرگەە کوم بکەنەڤە و ببنە رێکخستنەکا بھێز دنێڤ تەڤایا تەخ و چینێن کوردستانێ دا ، لەوما دامەزراندنا پارتی دیموکراتی کوردستان ل وی سەردەمی پێدڤییەکا گەلەکا فەر و گرنگ بوو بۆ گەلێ کوردستانێ دا دەربرینآ ژ ماف و ئیرادا کوردستانیان بکەت و کەسێن تێکوشەر و کوردپەروەر ل ھەمی تەخ و چینان ل تەڤایا کوردستانێ ل ژێر رێکخستنەکا بھێز و یەکگرتی و سەرتاسەری خەباتێ ل پێناڤ مافێن رەوا یێن گەلەکێ زولم لێکری بکەن .
پارتی دیموکراتی کوردستان د ژیێ خۆ یێ (٧٣)ساڵی دا شیایە چەندین دەستکەفتێن نەتەوەیی و نیشتیمانی تومار بکەت و یا دیار و بەرچاڤەژی ھەر د دیرۆکێ دا ھەتا نوکە پارتی دیموکراتی کوردستان زێدەتر ژ ھەمیان پێداگیریێ ل سەر ھەلویست و ئارمانج و بەرژەوەندیێن نەتەوەیی و نیشتیمانی یێن گەلێ کوردستانێ دکەت ،و ھیچ دەمەکێ ژی تەسلیم ب ئیرادا دوژمن وداگیرکەرێن کوردستانێ نەبوویە و نابیت ژی وخودانێ بریارا خۆ یە و بریارێ ل کەسێ ژی وەرناگریت ، لەوما رۆژ ب رۆژ بھێز دبیت و سەرکەفتن لدویڤ سەرکەفتنێ بۆ کورد وکوردستانیان تومار دکەت و پیلانێن دوژمن وداگیرکەرێن کوردستانێ ودویڤەلانکێت وان ژناڤ دبەت ...
دیسان بیرەوەریا ژ دایک بونا سەرۆکێ ھێژا مەسعود بارزانی یە و ئەو سەروکێ ھەمی ژیانا خۆ ل پێناڤ دوزا رەوایا گەلێ کوردستانێ مەزاختی یە و مێژوویەکا پر سەروەری تۆمارکریە و ئەڤرۆ ژی ب شانازی ڤە خۆ ب پێشمەرگە دزانیت ..
و بڤێ ھەلکەفتا پیرۆز بفەر دزانین دپێشیێ دا سلاڤ و رێزگرتنێن بێ دوماھیک پێشکێشی بابێ روحی یآ گەلێ کورد و دامەزرێنەرێ پارتی دیموکراتی کوردستان بارزانیێ نەمر و کاک ئیدریسێ ھەردەم ساخ و تەڤایا شەھیدێن بزاڤا رزگاریخوازا کوردستانێ بکەین .
ھەر ب ڤێ ھەلکەفتێ پیروزباھیێن گەرم پێشکێشی جەنابێ سەرۆکێ ھێژا وخوشتەڤی رێزدار مەسعود بارزانی دکەین ، وپیرۆزباھیێن خۆ ئاراستەیی سەرکردایەتیا پارتی دیموکراتی کوردستان و پێشمەرگەیێن قەھرەمان و تەڤایا کادر وئەندام و لایەنگرێن پارتی و خەلکێ شەرەفمەندێ کوردستانێ دکەین ، دەستێن دایکوبابێن شەھیدێن سەربلند ماچ دکەین و دبێژینە وان بەرھەمێ خەبات و قوربانیدانا وەیە ئەم ئەڤرۆ گەھشتینە ڤێ ئاستێ سەروەری و سەرکەفتنێ و مە شکست ب پیلانێن دوژمن وداگیرکەران ئینان .
ئەڤرۆ ژی ددەمەکێ دا کو ئەڤێ ھەلکەفتا پیرۆز ساخ دکەین گەلی کوردستانێ پتر ژ ھەر دەمەکێ پێدڤی ب ئێک ھەلویستیا نەتەوەیی ونیشتیمانی رێکخستنا ناڤماڵا کوردی ھەیە تاکو ھەمی مافێن خۆ یێن دەستووری و یاسایی بدەستڤەبینیت و کوردستانی ب مافێن خۆ یێن رەوا شاد ببن ، دیسان د دەمەکێ ئەم ئەڤێ ھەلکەفتا پیروز ساخ دکەین کو رێزدار نێچیرڤان بارزانی ھاتیە ھەلبژارتن بو پوستێ سەرۆکایەتیا ھەرێما کوردستانێ خویایە پێشکەڤتن و پێشڤەچوونا ھەر وەلاتەکی بیاڤ و کەرتێ خواندنێ دایە ئەگەر سیناھییەکا پوخت و کورت بەردەینە سەر رۆلێ نێچیرڤان بارزانی بتنێ دبیاڤێ پێشخستنا کەرتێ خواندنا بلند دێ بینین پشتی سەرھەلدانا پیروزا گەلێ مە ب تنێ دوو زانکویێن حکومی ل ھەرێما کوردستانێ ھەبووینە لێ دنھادا ١٩ زانکویێن حکومی و ٣ زانکویێن پولی تەکنیک ھەنە ھەروەھا ب دەھان ئاڤاھی و تاقیگەھێن زانستی ھاتینە ئاڤاکرن و ب ھزاران مامۆستا د باوەرنامێن بلند ل ڤان زانکۆیان وانان دبێژن ھەڤدەم ١٩ زانکۆیێن تایبەت و ئەھلی ھاتینە ئاڤاکرن دگەل ھەبوونا ١٤ پەیمانگەھێن تایبەت ل کوردستانێ ھاتینە ڤەکرن و پێشبینین مەزنتر ل جەنابێ ئەندازیارێ ئاڤەدانیێ دھینەکرن ئەڤ گاڤ ژی ھاندەرن ژبۆنا ئاڤاکرنا کوردستانەکا بھێز. ل دوماھیێ فەرە بدەمە خویاکرن کو ھەمی دەمان پارتی دیموکراتی کوردستان سەروکانی و ژێدەرێ پاراستن و بەرگری و بەرەڤانییا بھایێن نیشتیمانی و نەتەوایەتی و مرۆڤایەتی بوویە و دھەمی دیرۆکا خوە یا پڕ سەروەری دا پارتی بنیاتێ ئێکرێزی و تفاق و ھاریکاری و ئێک ھەلویستیێ بوویە ل کوردستانێ .
سڵاڤ و رێز ل گیانێ پاقژێ ماموستایێ فێرگەھا کوردینیێ و دامەزرێنەرێ پارتی دیموکراتی کوردستان بارزانیێ نەمر و کاک ئیدریسێ ھەردەم ساخ و تەڤایا شەھیدێن بزاڤا رزگاریخوازا کوردستانێ .