ھەرێما کوردستانێ دھێتە ھژمارتن نموونەیا بەرچاڤ یا پێکڤە ژیانا سەرجەم ئول و ئاین و نەتەوەیێن جودا جودا ، و شیایە ھەتا نوکە ب بەردەوامی پارێزگاریێ ل ئەڤی پرەنسیپێ جوان و شارستانی بکەت ، ھەر دەم سەرجەم ئاین و ئول و نەتەوە ل ھەرێما کوردستانێ ب ئێک ھەست و سوز پێکڤە ژیاینە و بوینە سونبولا پێکڤە ژیانێ لسەر ئاستێ وەلاتێ عیراقێ ب گشتی و ھەرێما کوردستانێ ب تایبەتی ، پشتی ھاتنا رێکخراوا تیرورستی یا دەولەتا ئیسلامی ل عیراق و شام (داعش) بو وەلاتێ عیراقێ ل سالا ٢٠١٤ پشتی ھێرشا رێکخراوا تیرورستی یا داعش ئاراستەیێ خو بەرەڤ وارێن ئاکنجی نشینێن کوردێن ئێزدی ئاراستەکری کارەساتێن مەزن لدویڤ خوە ڤە ھێلان ، ئەڤێ رێکخراوا تیرورستی ب ئالاڤێن درندانە کومەلکوژیێن مەزن ئەنجام دان ، زێدەباری رەڤاندنا کچێن کوردێن ئێزدی و تالانکرنا مال و سەروەت و جھێن وان ، د ئەڤێ کارەسات و جینوسایدا ب سەرێ کوردێن ئێزدی ھاتی ھەر زوی حکومەتا ھەرێما کوردستانێ پێشوازی ل ئاوارەیێن کوردێن ئێزدی کر و ل گشت مال و قوتابخانە و جھێن گشتی پێشوازی لێ ھاتەکرن و رێزەکا تایبەت پێ ھاتە دان ، سەرجەم ھاولاتیێن ھەرێما کوردستانێ ب ھاریکاری کرن و ڤەحەواندنا ل مالێن خو خزمەتا برایێن خوە یێن ئێزدی کر ، لەورا د ئەڤێ ھێرشا رێکخراوا تیرورستی یا داعش دا کوردێن ئێزدی زیان لێکەفتیێن ھەرە مەزن بوینە ، رولێ حکومەتا ھەرێما کوردستانێ رولەکێ ھەرە باش بوویە د خزمەتکرتا ھژمارەیا ھەرە مەزنا ئاوارەیان دگەل دابینکرنا سەرجەم پێدڤێن ژیانێ ، زێدەباری رزگارکرنا ھزارەھان کوردێن ئێزدی یێن لژێر دەستێ رێکخراوا تیرورستی یا داعش و دووبارە ڤەگەراندن بو باوەشا ئاخا پیروزا ھەرێما کوردستانێ ، پشتی مرنا (میر تەحسین بەگ) و پاش دانانا (میر حازم تحسین بەگ) سەروکێ ھەرێما کوردستانێ ب مەرەما پیروزباھی کرنێ ل میرێ نوی سەرەدانا مالا میری کر و دووپاتیا پشتەڤانیێ بو سەرجەم ئێزدیان دیارکر ، لەوران رولێ بەرێز (نێچیرڤان بارزانی) ھەر ددەما سەروک وەزیران و ھەتا نوکە وەک سەروکێ ھەرێما کوردستانێ رولەکێ ئێکجار مەزن گێرایە د پاراستنا مافێن سەرجەم ئول و ئاین و نەتەوەیێن جودا جودا لسەر ئاستێ ھەرێما کوردستانێ .