د چارچوڤێ سەرەدانا رێزدار"نێچیرڤان بارزانی" سەرۆکێ ھەرێما کوردستانێ بۆ پارێزگەھا دھوک سەرەدانا میر"حازم تەحسین بەگ " میرێ ئیزدیان دا ل کۆچکا میری دا ناڤ سەنتەرێ باژێرێ شێخان ژبۆ مەرەما پیرۆزباھیکرنێ، یا دیارۆ بەرچاڤە "نێچیرڤان بارزانی" دەمێ سەرۆک ئەنجومەنێ وەزیران دەورەکێ بالا ھەبویە ژبۆ پشتەڤانیکرنا ئێزدیان د ھەموو لایەکی ڤە تایبەت ڤەکرنا ئێکەم نڤیسینگەھا ل سەر ئاستێ عێراق و ھەرێما کوردستانێ بۆ دوبارە ڤەگەراندنا کەسێن کەفتینە د دەستێ رێکخراوا تیرۆرستی یا داعش دا د دەمێ کابینەیا ھەشتێ دا "نێچیرڤان بارزانی" ئێکەم کەس بویە مەزنترین پێشوازیا پرۆتوکولێ بۆ ئینانا تەرمێ"میر تەحسین بەگ" میرێ ئێزدیان دروست کربۆ ھەر فروکخانا نیڤدەولەتی ھەڤلێر ھەتا کوچکا میری ل قەزا شێخان بۆ مالباتا میری و ھەموو ئێزدیان دیار بۆ کۆ "نێچیرڤان بارزانی" سەرۆکێ ھەرێما کوردستانێ ب ھەموو لایان ڤە پشتەڤان و ھاریکارێ ئێزدیانە ،

میر حازم تەحسین بەگ میرێ ئێزدیان د سەرەدانا "نێچیرڤان بارزانی" بۆ کوچکا وی گرنگترین سەرەدان بۆ ئێزدیان دا زانین ژبەرکۆ میر حازم بەگ پشت راست بۆ کو "نێچیرڤان بارزانی" دەمێ سەرۆکێ ئەنجومەنێ وەزیران پشتەڤانیەکا مەزن ژ ئێزدیان کربۆ لەوما سەرەدانا وی ب خوشحالی دا زانین بۆ میرێ ئێزدیان دیر بۆ کۆ د نھا دا ژی "نێچیرڤان بارزانی" دێ زێدەتر پشتەڤانیا ئێزدیان کەت بۆ ڤەگەراندنا کچ و ژنێن ئێزدیان و زێدەتر گرنگی دان ب ئێزدیان دناڤ حکومەتا نوی دا یا ھەرێما کوردستانێ "نێچیرڤان بارزانی" سەرۆکێ ھەرێما کوردستانێ بۆ کوچکا میر حازم تەحسین بەگ پێگەھێ میر حازم بەگ بھێزتری جاران لێ ھات چ بۆ پشتەڤانیا حکومەتا ھەرێما کوردستانێ بۆ زێدەتر گەھاندنا پرۆژێن خزمەتگوزاری بۆ ئێزدیان یان ژی دانانا ئێزدیان د پوستێن ئیداری دا یان ژی بۆ کار کرن ژ ڤەگەریانا ئاوارێن ئێزدی بۆ سەرجھێن خۆ ئەوێن دنھا دا دناڤ کەمپان دا دژین ژلایەکی ڤە بۆ ئێزدیان دیاربۆ کۆ ئێزدی دناڤ کوردستانێ دا پێگەھەکێ ھێزە بۆ حکومەتا ھەرێما کوردستانێ ئێزدی بێ خودان نەماینە،

ژلایەکی دی ڤە ئێزدی بێ ھیڤی نەبوون ژ وێ بریارا سەرۆکێ ھەرێما کوردستانێ دەمێ کابینەیا ھەشتێ دا بریار ل سەر نێژەنکرنا پەرستگەھا لالش دای گەلەک جاران دھاتە گوتن کۆ "نێچیرڤان بارزانی" بیر ژ نوێژەنکرنا لالش کریە بەلێ بۆ وان کەسان دیاربۆ کۆ "نێچیرڤان بارزانی" ئێکەم کەس بویە ل سەر ئاستێ حکومەتا ھەرێما کوردستانێ سەرەدانا میر حازم کریە بۆ پیرۆزبائی کرنێ وی دەمی ئێزدی پشت راست بون کو بتنێ سەرۆکێ ھەرێما کوردستانێ خەمخورێ ئێزدیانە بۆ دوبارە دەست ب نوێژەنکرنا پەرستگەھا لالش کۆ ئەڤە دەمەکێ کێم دایە کو "نێچیرڤان بارزانی" ل سەر بودجەیا نڤیسینگەھا تایبەت بکوژمێ ٤٠٠ ملیون دینارا دوو پرۆژە بۆ پەرستگەھێ ئەنجام دایە ،

ھاتنا "نێچیرڤان بارزانی" بۆ کوچکا میر حازم تەحسین بەگ میرێ ئێزدیان مەزنترین پشتەڤانی بۆ میرێ نوی یێ ئێزدیان کۆ دەستھەلاتەک بالا ھەبیت دناڤ ئێزدیان و ھەرێما کوردستانێ و جیھانێ ژ بەرکۆ د ئێکەم رۆژدا دەست بکاربونا میری ل پەرستگەھا لالش گووتارا خودا بتنێ پشتەڤانیا" سەرۆک بارزانی" و "نێچیرڤان بارزانی" و "مسرۆر بارزانی" بۆ خۆ ب گرنگ قەلەم دا.