ب درێژاھیا مێژوویێ مللەتێ کورد توشی گەلەک تە نکاسی و نەخوشی و ئەنفالا بویە و ھاتیە جینوسایدکرن ھەر ژ دەسیپێکا سالا ١٩٦٢حەتا سالا١٩٩١ مللەتێ کورد ٥ جارا ھاتیە جینوسایدکرن،لەوما ئێزدی ژی وەکی نیشتەجیێن رەسەنێن ڤێ ناڤچەیێ ژڤان نەخوشی یا دبێ بەھر نەبوینە گەلەک نەخوشی برینە ل سەر دەستێ رژێمێن گور ب گور یێن عیراقێ،ھەروەکی جەنابێ سەروک مسعود بارزانی دایە دیارکرن کو ئێزدی کوردێن رەسەنن ئەڤجا ژبەرھندێ ئێزدی دووجارا ھاتنە جینوسایدکرن کرن جارەکێ ژبەرھندێ کو کوردن و جارەکێ ژی ژبەرھندێ کو شوێنکەڤتیێن ئولەکا دیارکری نە جھێ داخێ یە کو ئەڤا داعش بەرامبەر کوردێن ئێزدی کری ھەر ژ روژێت دەستپێکێ یێت شەری١٢٩٣ ژن و مێرمندال ل گورێت بکومدا ھاتنە ڤەشارتن وحەتا نوکە نزیکی ٨٠ گورێن بکوم یێن کوردێن ئێزدی ھاتنە دیتن وھەروەسا ٢٧٤٥ زاروک بێ دەیک وباب مان و پتر ژ ٦٠٠٠ ژن و زەلامێن وان ھاتنە رە ڤاندن وھەروسا بەشەکێ زور ژی ھاتنە ئاوارەکرن و نەچاربون ناڤچەیێن خوە بجھ بھێلن ،ئەڤەژی ئێکە ژ وان حەفتێ فەرمانێن ب سەرێ کوردێن ئێزدی ھاتی،ھەرچەندە کو حکومەتا ھەرێما کوردستانێ و نێچیرڤان بارزانی کو سەروکێ حکومەتی بو ل وی دەمی ھەولێن جدی دان کو بەشەک ژ ئێش و ئازارێن کو ردێن ئێزدی کێم بکەن ئەوبوو کو ھێزا پێشمەرگەی کوردستانێ شیا د دەمەکێ کێم دا گەمارویا ل سەرێ چیایێ شنگالێ بشکێنن و ھاریکاری ب گەھینە سەرێ چیایێ شنگالێ کو گەفەکا مەزن و بو ل سەر ژیانا کوردێن ئێزدی ئەگەر ھێزا پێشمەرگێ کوردستانێ نەبا دا کارەساتێن مەزن ل وێرێ چێبن، و ھەروسا بەرێز نێچیرڤان بارزانی ھەر زوی نڤیسنگەھەک دانا ژبو کو رزگارکرنا کوردێن ئیزدی ژ بن دەستێ داعش کو حەتانوکە پتری ژ ٣٥٠٠ کەس ھاتنە رزگارن ، وھەروەسا بریارا پەرلەمانێ کوردستانێ کو روژا ٣ تەباخێ ب سال روژا ب جنیوساید کرنا کوردێن ئێزدی دایە نیاسین بریارەکا گرنک ژبو کوردێن ئێزدی و جھێ خوەشحالی بوو ھەروەکی جەنابێ سەروکێ ھەرێما کوردستانێ نێچیرڤان بارزانی ل بیرئانینا کارەساتا شنگالێ دایە دیارکرن کو ئەڤ ھەمی کارەسات و نەخوشی چ جارا نەشێن کوردستانێ و ئێزدی یا ژ ھەڤدوو جودابکەن و ئێزدی بەشەکێ دانەبراوێ ھەرێما کوردستانێ نە .