كوردستان و ئێزدى چ جارا ناهێنه‌ ژێك جوداكرن. نێچیرڤان بارزانى.
ل وەلاتێن دیموکراسی پێکڤە ژیان بنەمایەکێ گرنگێ دیموکراسیێ و پێشکەفتنێیە عیراق ب گشتی و هەرێما کوردستانێ ب تایبەتی چەندین نەتەوەو ئاین و مەزهەب تێدا دژین لەورا پێتڤیە لێک تێگەشتن ورێزگرتنەکا باش هەبیت و ئەوژی پێتڤی ب سەرکردەکیە کو رێک نیشاندەر وپارێزەرێ پێکڤە ژیانێ بیت، هەرێما کوردستانێ چەندین ئاینێن جودا تێدا ب هەڤرا دژین، ئێک ژوان ئاینان کوردێن ئێزدینە کو خەلکێن رەسەنێن وێ دەڤەرێنە و بەشداری چەندین شۆرەشێن کوردی بوینە، و ژ سەردەمێ بابێ نەتەوەیێ کورد جەنرال ( مەلا مستەفا بارزانی) بایخەکا زۆر ب هەمی ئاین دهاتە دایین وەک موسلمان مەسیحی و ئیزدی و کاکەیی و ل دەسپێکا دامەزراندنا حکومەتا هەرێمێ ئەو رێزگرتن و پێکڤە ژیان بەردەوام بوو لسەردەستێ سەرۆکێ و مەرجعێ کوردا (مەسعود بارزانی)کو بەردەوام تەئکیدێ لسەر وێ دکەت کو ئیزدی کوردێن رەسەنن.
- ل دیرۆکێدا چەندین جارا تاوانێن مەزن و زولما ل ملەتێ کوردا هاتیە کرن وەکى ئەنفالا بارزانیان و دۆلى جافایەتى و گەرمیان وبادینان و کیمیا بارانە هەلبجەى و ل دوماهیکێ ئەوا دژى کوردێن ئیزدیا هاتیە ئەنجامدان ئەو کۆمەلکوژی و جينۆسايدا(٣ی٨ی٢٠١٤ ) ژلایێ تیرۆرستێن داعش کو هەمی ئەو عەربێن دەوروبەرێ شنگالێ بون ئەو تاوان دژی وان ئەنجام دایین بناڤێ دەولەتا ئیسلامی بەلێ ل راستیدا ئەو پێچەوانەی ئاینێ ئیسلامێ بوو چنکی خودایێ مەزن د فەرموت ( هەر کەس کەسەکێ بێ سوچ بێ حەق بکوژیت وەسا دهێتا هژمارتن کو هەمی مرۆڤ یێت کوشتین) هەر وەسا کوشتن ژ تاوانێن هەرە مەزنە دناڤ ئاینا ئیسلامێ و سزایێ هەرە مەزن بۆ یێ هاتیە دانان، هەر وسا لدیف یاسایا سزادانا عیراقێ بەندێ (٤٠٦) سزایا وان تاوانباران لسێدارەدانە. ل وێ تاوانا کۆمەلکوژیێ نزیکی (1293) مرۆڤ هاتنە کوشتن و (2745) زارۆك ئێتيم و سێوى مان و نزیکی (٦٣٠٠) ژن و كچ زه‌لام و كوڕ هاتنه‌ ڕفاندن، دەۆرێ (360) هزار ئێزدييا ئاواره‌ بوون. (68) مه‌زار هاتنه‌ په‌قاندن. پترى (100) هزار ئێزدييا كۆچبه‌رى دنيايێ بوون، رۆلێ (نێچیرڤان بارزانی ) هەر ژ سەردەمێ کو سەرۆکێ حکومەتێ بوو گرنگی دا بە ئازادکرنا و چارەسەرکرنا کێشەیێن ئیزدیا و بزیترین دەم سەردانا میرێ ئیزدا کر و نڤیسنگەهکا تایبەت بۆ وێ مەرمەێ دامەزراندن و نزیکی (٣٦٠٠) یێت هاتینە ئازادکرن و (٢٧٠٠) ژی نەدیارن، هەروەسا ل چەندین رێورەسم و بیرەوری و جەژنێن ئیزدیا بەشداربویە وپشتگیریا خۆ بۆ ئیزدیا دووباتکریە، و دوێ کابینا نى راۆژکارەکێ بۆ سەرۆکێ هەرێمێ داناى کو تایبەتە ب کاروبارێن ئیزدیا و ل دواماهیک بەشداربونێ د رێورەسمێن جینوسایدا ئێزدیان ل (4ى8ى2019)دووپاتکرەوە لسەر کارکرنا بەردەوام بۆ ڤەدیتن و ئازادکرنا رفێنرداوێن نەدیار و ئاماژە ب وێ هندێ کر کو دێ ل حکومەتا هەرێمێ بجدى کارکەین و داخازێ ل حکومەتا بەغدا و نەتەوەیێن ئێکگرتی و کۆمەلگەهێن نێڤدەولەتی دکەین و دێ بەردەوامبین کو قەرەبوا کەس وکارێن قوربانیان بهێتەکرن و شنگالێ بهێتە ئاوەدانکرن و دێ کارکەین کو شنگال ببیتە پارێزگا و ئەڤ گرنگى پێدان رۆلێ سەرۆکێ هەرێمێ (نێچیرڤان بارزانى) ب گرنگى یا هاتیە وەرگرتن ژلایێ کوردێن ئیزدى...