ھەر دەمەک لاپەرێن مێژوویی دخوێنین، دبینین ئێزێدی کوردێن رەسەنن، ھەر لسەر ئایینێ خو یێ ئێزێدی ماینە و بتنێ کوردێن ئێزێدی بوینە کو خوراگر و خودان ھەلویست بوینە و ھەتا نھا ب ھەمی کارەساتێن ھاتینە سەر وان، ھەر لسەر ئایینێ خو ماینە و ب چ رەنگان ل ئایینێ خو دویر نەکەڤتینە.
سەروکێ ھەرێمێ نێچیرڤان بارزانی د گوتارەکا خو دا بەحسی ئێزێدیا کریە کو کوردێن رەسەن ناڤبریە و بەحسی ڤێ چەندێ ژی کریە ئەوان چو جاران خو رادەستی چ کەسانەک نەکریە و ئایینێ خو ژ دەست نەداینە و بەژنا خو بو وان دچەمینین و ھەر دەم دێ ھاریکار بین و میرگەھا شەرفەدین دێ پارێزین و کوردستان و ئێزێدی چو جاران ناھێنە ژێک جودا کرن.
ئەوا تێروریستانی داعش ب سەرێ کوردێن ئێزێدی ئیناینە، ژن و زاروو و پیر و گەنج ھەمی ئێخسیر کرین و دەست بو دەست ھاتینە فروتن و بازرگانی پێ ھاتیە کرن و ھاتنە دەست درێژی کرن و ھەروەسا ئەوێن رزگار بوین ژ دەستێ وان ژی، توشی نەخوشیێن دەرونی بوینە.
کارەساتێن مەزن ب سەرێ ئێزێدیان ھاتینە، ھەتا نھا (٨٠) گورێن ب کوم ھاتینە دیتێن و (٣٥٤٨) ژن و کچ ھاتینە رەواندن و پتر ژێ (١٠٠) ھزار ئێزێدی کوچبەرێن دنیایێ بوینە و ھەروەسا ژیانا (٥) سالان ل کەمپێن ئاوارەیی، چەند یا ب زەحمەتە و ھەر دەم چاڤەرێ عەزیزانت خونە کو بگەرێنەوە بو لایێ وان.
تشتەک کو ب راستی یا روون و ئاشکرایە، ئارمانجا دوژمنێن مە ئەوە کو بێ ھیڤی بونێ ل دەف ئێزێدیێن کورد دروست ببیت و پێکڤەژیان دناڤ کوردستانێ دا نەمینیت و حەز دکەن کو زمان و کەلتورێن وان بھێتە ژبیر کرن.
ھەروەسا مە ھەردەم ئەوا ل شیانێن مە دا ھەبویە، ئەنجام دایە کو ھەڤکار بین ھەر ل دەسپێکێ مە ئوفیسەکا رزگار بونێ دانا کو بشێن ئەو ئێزێدیێن ھاتینە رەواندن، رزگار بکەین و ھەتا نھا (٢٢٢٥) کچ و ژن ھاتینە رزگار کرن و (١٢٤٥) ژی زەلام ھاتینە رزگار کرن و (١٥٨٥) کور نەدیارن.
دڤێت ئەو کەسێن ھاتینە رزگار کرن دڤێت بھێنە رێزلێنان ل ھەرێما کوردستانێ و حکومەتا عیراقێ، چونکی ئەوانە شەرەف و سەربلندیا مللەتێ مەنە و ھاریکار بین کو ئەوان کەسانە بشێن جارەکا دی ژیانەکا نورمال دەسپێکەنەوە و دڤێتن ھەمی شیانێن خو مەزێخین بو ھندێ کو دادپەروەری جھێ خو بگریت و شنگال بھێتە قەرەبو کرن و ھەروەسا خەلکێ شنگالێ نەھێلێن گروپێن چەکدار و حزبێن دی بو بەرژەوەندیێن خو دناڤ شەنگالێ بمینن و دڤێتن بەردەوام کار بو بھێتە کرن کو شنگال ببیتە پارێزگەە و ھەروەسا ێندوقەکا ئاڤاکرنێ بو شنگالێ بھێتە دانان و ھەروەسا سالا بھێت بودجەیەک ژلایێ حکومەتا عیراقێ بو بھێتە تەرخان کرن.