نيچيرڤان بارزانى هه‌رده‌م خوديێ په‌ياما ئاڤه‌دانيێ و پێكه‌ڤه‌ژيانێ بويه له‌وژى هه‌رده‌م ته‌كه‌ز لسه‌ر پێكڤه‌ژيانا ئولى ونه‌ته‌ويى كريه ئه‌گه‌ر ته‌ماشه‌ى ديروكا دانانا كومارا عيراقێ بكه‌ين دسالا1921 و تانهاژى چ پێكهاته‌يێن عيراقێ ب ئارامى تێدا نه‌ژياينه و هه‌رده‌م ژئاليێ عه‌ره‌بێن شوفينى و گروپێن ئيسلاما توندره‌وڤه هه‌ره‌شه وگه‌ف لسه‌ر هه‌موو كێم نه‌ته‌وان هه‌بوويه ل عيراقێ دا . لێ به‌روڤاژى كومارا عيراقێ وه‌ك هه‌رێما كوردستانێ هه‌رده‌م پێگه‌ها پێكڤه‌ژيانا ئولى ونه‌ته‌وه‌يى ب هێزتردبيتن لسه‌ر ڤێ ئێكێ ژى رولێ نيچيرڤان بارزانى سەرۆکێ ەرێما کوردستانێ روون و ئه‌شكه‌رايه كو هه‌رده‌م كاركريه لسه‌رب هێزكرنا پێگه‌ها پێكڤه‌ژيانا ئولى و نه‌ته‌ويى ل هه‌رێما كوردستانێ دا , بو ڤێ ئێكێ ژى ل بيرامه هه‌مويان دهێتن كو دسالا2014 ده‌مێ رێكخراوا تيرورستيا داعش هێرشى سه‌ر شنگالێ كرين و مه‌زنترين كاره‌سات ل دژى خه لكێ شنگالێ ئه‌نجام داين كوردێن ئێزدى و هه‌مو پێكهاتێن عيراقى چ عه‌ره‌ب بيتن يان ئێزدى بيتن يان كرستيان بيتن و هه‌رپێكهاته‌ك دى بيتن ئه‌وێن قه‌ستا هه‌رێما كوردستانێ كريه ته‌ڤايا كوردستانيان ل هه‌رێما كوردستانێ دا ده‌رگه‌هێن مالێن خوه بو ڤان لێ قه‌وماوان ڤه‌كرن و ده‌رگه‌هێن مزگه‌ڤت و كه‌نيسه‌يان ژى لسه‌ر برايێن ئێزديان هاتنه ڤه‌كرن و تێدا هاتنه ڤه‌حه‌واندن . ژبه‌ر ڤێ ئێكێ هه‌رێما كوردستانێ هاتيه نياسين ب وارگه‌هێ پێكڤه‌ژيانێ , كو هه‌رده‌م نيچيرڤان بارزانى ب خه‌م خورى ڤه شرێكێ خه‌ما هه‌مو لێ قه‌وماوان بويه و هه‌ست ب به‌رپرسياريه‌تێ كريه ل هه‌مبه‌رى كوردێن ئێزدى و هه‌روه‌سا گرنگيه‌ك هه‌ره مه‌زن ژى دايه مالباتا مێرێ ئێزديان چنكه ئيرو هه‌مو كوردستانى دزانن كو ژئاليێ هند گروپ ولايه‌نێت سياسى ڤه كاردهێت كرن بو لاوازكرنا مالباتا مێرێ ئێزديان و لڤێرێ دا دبێژين دبه‌رژه‌وه‌ندنا ئيزديان دا نابيتن ئه‌گه‌ر ئێزدى ژئێك بهێن قوت كرن يان ژى توشى دوبه‌ره‌كيێ و ناكوكيان بهێن له‌وژى پشتى دانا ميرێ نووى يێ ئێزديان وه‌ك ئێكه‌م سه‌ركره‌يێ كوردستانى نيچيرڤان بارزانى سه‌رى ل ديوه‌خانا ميرێ ئێزديان دا ژ مه‌ره‌ما پيروزباهيێ و هاريكارى كرنا كوردێن ئێزدى وپشته‌ڤانيا به‌رده‌وام ژبووى رزگاركرنا كچ و كورێن ئێزديان ئه‌وێن تانها ل ده‌ستێ تيرورستێن داعش دا ماين و نه‌هاتينه رزگاركرن و ژئاليه‌ك دنڤه ژى پشتى نيچيرڤان بارزانى سه‌ردانا مالا مير حازم تحسين سعيد به‌گ كرى ئێزدى پتر هه‌ست ب ئارامبوونێ دكه‌ن چنكه دزانن كو سه‌روكێ هه‌رێما كوردستانێ دروژه‌ك هه‌ره گرنگ و پيروز دا سه‌رى ل مالا مێرێ ئێزديان دا كو ئه‌و روژى 3/8/ بويه كو دبيته روژا سالڤه‌گه‌را جينوسايدا ئێزديان دا كو دوماهيك ئامارا رزگاربوێن ئێزديان دا هاتيه دياركرن ل سالا 2014 و تانها ( سێ هزار و487) كچ و كورێن ئێزديان هاتينه رزگاركرن كو رێژه‌يا 95% سه‌دێ ژئاليێ نڤيسنگه‌ها ره‌ڤاندێن ئێزديان ڤه هاتينه رزگاركرن و هه‌مو خه‌رجيه‌كێ پاره‌يى ژى ژلايێ نيچيرڤان بارزانى ڤه هاتيه مه‌زاختن بو ڤان رزگاربويان . , ئه‌رێ گه‌لو دپوچونا ته‌دا ئێزدى ب چوو ئاوايه‌كى ته‌ماشه‌ى نيچيرڤان بارزانى دكه‌ن , ئيزدى دزانن كه‌سێ ب هه‌وارا ئێزديان چووى تنێ نيچيرڤان بارزانى بوويه و باش دزانن كو تنێ هەرێما کوردستانێ دخه‌ما ئێزديان دايه و هه‌ست ب ئێشو ئازارێن وان دكه‌ن چنكه دهه‌ما وه‌خت دا هەموو پێکهاتێن دی یێن هەرمێ ژى وه‌ك خه‌لكێ ده‌ڤه‌را شنگالێ توشى جينوسايد كرنێ بوينه لبن ده‌ستێ سیاسەتا شوڤينى دا , ئيرو گه‌ر ته‌ماشه‌ى ديروكا بزافا رزگارى خازا كوردستانێ بكه‌ين چو كه‌سه‌كى وه‌ك بارزانيان و كوردێن ئێزدى قوربانى نه‌داينه ژپێناف كوردايه‌تيا خوه دا ديروك دیدەڤانێ وێ ئێكێ يه كو بارزاني و ئێزديان هه‌ردوو هاتينه قركرن لبن نافێ ئيسلاما توندره‌و جاره‌ك لبن بنافێ سوره‌تا قورئانێ بناڤێ ئه‌نفال و جاره‌ك ژى لبن ناڤێ ته‌كبير الله اكبر . هاتينه قركرن , لو نيچيرڤان بارزانى ناخازه ئێزدى رێكا كوچه‌به‌ريێ پێخن به‌ر دخازه ئێزدى ده‌ست ب ئافاكرنێ و به‌رده‌واميا ژيانێ بده‌ن ل هه‌رێما كوردستانێ .
ئیسكان ره‌مه‌زان
