یا خویایە حکومەتا هەرێما کوردستانێ ب هەمی شیانێت خو پشتەڤانیا کوردێن ئێزدی کریە ، نێچیرڤان بارزانی ژی ب رەنگەکێ راستەوخو دیف چووونا ڤی بابەتی کریە هەتا کو جڤاتا روحانیا ئێزدیا بریارا میرێ نوو دەرئێخستی ، بێ گومان ئەگەر ئەم بەرێ خو بدەینێ هەرکەسێ کو ئێزدی وەکو مێر خۆ هەلدبژێرن ؛ ب پشتەڤانیا سەرۆکێ هەرێما کوردستانێ دێ کەسەکێ سەرکەفتی بیت، ەسەک بەربژێرێ پارتی و نێچیرڤان بارزانی بیتن دێ کەسەکێ سەرکەفتی بیتن ، میر حازم کورێ مەزنێ میر تەحسین بەگە ، خودان پێگەهەک مەزنە دناف برایێن ئێزدی دا، بەری بابێ وی وەغەرا داویێ بکەتن نەخوش کەفت ماوەکێ دیر و درێژ وی کارێن بابێ خو برێڤە دبرن ، رولێ میراتیێ گێرایە ب ساخیا بابێ خو ، ژلایێ رەوشەنبیری و هزرا نەتەوایەتی کەسەک دلسوزە و حەش وەلاتێ خو دکەتن ، خودانێ پەیوەندیێن ب هێزە لسەر ئاستێ کوردستانێ و جیهانێ ، نێچیرڤان بارزانی سەروکێ هەرێمێ بەردەوام پشتەڤانیا برایێن ئێزدی کریە ل هەمی بواران دا وەک چاڤدێرێ سەرخەتێ بوویە، ل هەمی دەراڤێن بەرتەنگ دا پشتگیریا برایێن ئێزدی کریە ، لەورا مە دیت ب مەرەما پیروزباهیێ؛ سەرۆکێ هەرێما کوردستانێ ل مالا میری بوو ، پشتەڤانیا خو بو میری دوپاتکرەڤە و گوتیە میرێ ئێزدیان دێ ب هەمی رەنگا من هایش وە هەبیتن و دێ پشتەڤان بم بو سەرکەفتنا هەوە ، گوتیه وان دڤێت هنگ وەسا هزر بکەن ئەم ئێک مللەتین و دێ پێکڤە کار کەین بو گەهشتنا ئارمانجێت مەزنتر ، میرێ ئێزدیان میرێ هەمی جیهانێ یە یا برایێن ئێزدی ، نێچیرڤان بارزانی ئەو سەرکردەیە هەردەم پشتەڤانیا هەمی پێکهاتێن کوردستانێ کریە تایبەتی برایێن ئێزدی چونکی توشی زور دەردە سەری و نەهامەتیان هاتینە ، هاتنا سەروکێ هەرێما کوردستانێ بو مالا میرێ ئێزدیان دلێ ئێزدیان هەمیان خوشکر ، وی پەیوەندیەکا مکوم یا راستەوخو یا نێزیک دگەل میر تەحسین بەگ ژی هەبوو و دەرگەهێ خو بو وی ڤالا کربوو ، جارەکا دی دگەل کورێ وی ب هەمان رێک دێ پشتەڤانیا ئێزدیان کەتن ژبو رزگارکرنا خوشک و برایێن ئێزدی یێن بەرزە و ددەستێ تیرورستێن داعش دا ماین ، ئێزدیێن کوردستانێ هەردەم نێچیرڤان بارزانی ب کەسەکێ بەرەڤانێ سەرسەختێ خو دزانن و باوەریەکا مەزن یا ب وی هەیە، نڤیسینگەها نێچیرڤان و بزاڤ وان بۆ رزگارکرنا رەڤاندیان بەلگەیە ل سەر ڤێ گۆتنێ ، ل ئایندەی دێ بەرهەمێن سەروک نێچیرڤان بارزانی بینن چەوا وەک سەروکێ چەندین کابینەیێن ئێک لدویف ئێک یێن حکومەتا هەرێمێ سەرکەفتن بدەست خوڤە ئینای؛ دێ ل سەروکاتیا هەرێمێ ژی بەرهەمەک مەزنتر هەبیتن ، پێکهاتێن کوردستانی ژی دێ ب ئازادانە وەک برا پێکڤە ژین و ل سیستەمێ وی دایە نابیت ستەم ل هیچ تاکەکی ل کوردستانێ بهێتە کرن ، سەرەدانا نێچیرڤان بارزانی بۆ شێخان زور دلخوشکەر بوو ، کوردستان و مالا ئێزیدخانێ روژ بو روژێ دێ ئاڤەدانتر هێتە دیتن و خەلک دێ دلخوشتر بیتن ، میرێ ئێزدیان ب روحەکا برایینی ب دل سوپاسیا سەروکێ هەرێمێ کر بو ئەو پشتەڤانیا وی و بەرەڤانیا وی ل ئێزدیان کری ، دیسان ژ سەروکێ هەرێمێ خواست کو بڤی ئاوایی پشتەڤانیا وان بکەتن بو نەهێلانا ئارێشە و گیر و گرفتێن کەتینە رێیا واندا ، میر حازم زور دلخوشیا خو دیارکر ب هاتنا نێچیرڤان بارزانی ب مەرەما پیروزباهیێ ، هەردو لایان چەندین خالێن گرنگ لسەر ئاخفتن ژبو بەرەڤانی کرن ژ بەرژەوەندیێن برایێن ئێزدی ل کوردستانێ و جیهانێ ب گشتی.