گەلەک پارت و لایەنێت کوردستانی ب مخانی ڤە وێ دهولێ لێدەن کو رێکەفتا نێچیرڤان بارزانی و عادل عبدالمهدی دەمکیە. پشتی سەروکێ هەرێما کوردستانێ دەست ب کاربوی ئێکەم سەرەدانا حکومەتا بەغدایێ دا چەندین چاف پێکەفتنێن گرنگ ئەنجامدان و ب راشکاوانە دگەل وان هەمیان جڤیا لسەر ئارێشە و گیرگرفتێن ماینە هەلاویستی ولسەر زارێ سەرکردەیێن عیراقێ تایبەتی لایەنێن شیعی دوپاتکرن کو ئەون ئەگەرێ تێک چوونا بارودوخی دگەل هەرێمێ و گوتن دێ پێکڤە کارکەین ژبو چارەسەرکرنا ئاریشەیێن هەلاویستی. لدویف دا مە بەرهەمێ وێ سەرەدانێ دیت پوستێن گرنگ یێن حکومەتا عیراقێ ب کوردستانێ هاتنە دان مووچێ پێشمەرگەهێ کوردستانێ و فەرمانبەران هاتنە دابین کرن لدویف دا هندەک لایەنێت کوردستانی ب رێکا کەنالێن خو یێن راگەهاندنێ بەروڤاژی وێ چەندێ خەلکێ کوردستانێ وەسا تێگەهاندن کو هەرێم نەفتێ رادەستی عیراقێ ناکەتن و دێ مووچە هێتە برین و دێ بارودوخ ئالوز بیتەڤە و خو گەهاندنە هندەک لایەنێت شیعی کو گڤاشتنێ لسەر عادل عەبدولمەهدی بکەن ڤان جورە ئاسانکاریا و پشتەڤانیا هەرێمێ نەکەتن. لێ د ئەنجامدا ری رەش و شەرمەزار بوون ئەو نزانن کو عادل عبدالمهدی دڤێت مللەتێ کوردستانێ و سونەیێن عیراقێ قەرەبوو بکەتەڤە چونکی مالکی و عبادی رەوش ئالوز کربون و تنێ شیعە مابوون دگەل حکومەتا عیراقێ دیسان وان نەزانی کا سەروکێ هەرێمێ چ پەیوەندیێن پولاین هەنە دگەل وەلاتێن زلهێزێن جیهانی و چ گڤاشتن لسەر حکومەتا عیراقێ هەنە کو خو نێزیکی مللەتێ کورد بکەن و مافێن وان ئێک لدویف ئیک دابین بکەن ئەڤرو ئەم دیبینین روژ بو روژێ حکومەتا عیراقێ بریارێن دلخوشکەر تر ددەن و ژ هەمیا گرنگ تر ئەڤرو بریار هاتە دان کار لسەر مادەیا سەد و چل بهێتە کرن کو چ سەرکردەکێ عیراقێ نەشیایە ڤێ بریارا چارەنڤیسساز بدەتن. نوکە حکومەتا مەرکەزی یێ هەول دەت جارەکا پێشمەرگە بزڤریتە نافچەیێن هەرێما کوردستانێ یێن دەرڤەی سنورێ هەرێما کوردستانێ ب هەماهەنگی دگەل لەشکەرێ عیراقێ بەری تیرورستێن داعش خو کوم بکەنەڤە و ب ئالایێ پیروزێ کوردستانێ هەول تێتە دان هەمی ئەو پوستێن کوردستانێ ل عیراقێ بهێنە پرکرن ڤە ژ حکومەتا عیراقێ ل ئەو ناوچەیێن دکەڤنە بەر مادێ سەد و چل پوستێن ئیداری کورد وەربگرنەڤە و گەلەک هاتینە پرکرن ڤە ئەو کوردێن دناف لەشکەرێ عیراقێ ب بریارێن سیاسی هاتینە دیر ئێخستن دێ زڤرنە سەر کارێن خو ئیدی دلخوشیەک مەزن دناف مللەتێ مەدا پەیدا بوویە. ئەڤە نهێنیا سەرکەفتنا نێجیرڤان بارزانی و ب هێزیا دەستهەلاتداریا وی یە، ئەم بلا ئارام بین و خەونا دوژمنێت مللەتێ کوردستانێ دێ بیتە خیالەک بێ بنەما مخابن بو وان لایەنێت پشتا خو ب سەروکێ خو یێ هەرێمێ نابەستن دێ ل ئایندەی خو پەشیمان بینن سەد سالا خزمەتا بێگانا بکەی دێ ب سەرشوری ب ئارمانج و دەست خالی زڤری بلا پارتەک ل کوردستانێ پروژەک مەزنتر ژ پارتی هەبیتن دا پارتی پشتەڤانیا وان بکەت. بو هەلویستێن نەتەوایەتی پارتی تانوکە چ پروژەک هەبیتن جی ب جی کریە و پروژەک مەزنتر بو خزمەتا مللەتێ کوردستانێ دانایە پێشخو لەورا ئارمانجێت مللەتی تا رادەیەک زور باش بدەست خوڤە ئینایە و سەنگا وێ ل کوردستانێ روژ بو روژێ بەرزتر دبیتن و بوویە پارتا ئێکێ و بێ رکابەر ل هەمی هەلبژارتنێن ئازاد سەر دکەڤیت ئەڤە رێکا راست و درست سەنگا پارتی و پەیوەندیێن وێ ل جیهانێ ژی هەژمار بو تێتە کرن ئێدی سەروکێ هەرێمێ ب گەرمی پوستێ خو وەرگرتیە چەوا ل ئاڤەدانیێ بو ئەندازیار و پێشکەفتا کوردستانێ ژی تێتە چاڤەرێکرن ل وی ل ئایندەیەکێ نێزیک دێ هەرێم چیتە قوناغەک دی یا پێشکەفتی تر و ژیارا کوردستانیان دێ بەرەف خوشتر چیتن. دڤێت مە باوەریەکا مەزن ب سەروکێ خو یێ خوشتڤی هەبیتن و ئەم ژی پالپشت و پشتەڤانێت وی بین وەک مللەت چەوا ئەم خو راگر بوین و ئەم سەرکەفتین مە خو ژ هەمی نەهامەتیا قورتالکر دێ پتر سەرکەفتن بدەست مللەتێ مەڤە هێتن و سەنگا کوردان و پێشمەرگەهێ کوردستانی ل جیهانی بەرەف پێشڤە دچیت هەرێم دێ بیتە هەرێمەکا پولاین و دێ سەرکەفتن بەروکا مە بیتن