ئەرێ ھەتا کەنگی گومان ل ڤێ ھێزێ ناکەن؟
ئەرێ دەم نەھات ببێژین پەکەکە ژ بوچی ڤان پەیامان ددەت؟
ئەرێ دەم نەھات بپرسن ئەف ھێزە دێ ئەجێندایێن کێ جێ ب جێ کەت ؟
ئەرێ دەم نەھات ببێژن کەس ب پلەکێ ناچیتە سەرێ مللەکێ؟
ئێک ژ ئەندامێن دەستەیا رێڤەبەریا پەکەکێ دبێژیت، (ئەگەر پارچێن دیتر ئازادنەبن ھەرێما کوردستانێ ژی یا ئازاد نابیت).
وێ رامانێ دگەھینیت کۆ ئەو بخۆ دێ ڤێ ئازادیا ل ھەرێما کوردستانێ تێک دەن.
ھەرێما کوردستانێ یا ئازادە و بلا ئەو ھەولێ بدەن ئێک ژ پارچەیێن دیترژی ئازاد بکەن و ھێدی ھێدی ھەر چوار پارچە بھێنە ئازادکران، ماکەس رێ لێ گرتیە؟ ما مە کوردان ئەو ھێزھەیە ب ئێک جاری خۆ ژ دەستێن ڤان گورگین جیران تمام بکەین کۆ ھەردەم فرکرنا خوینا مە ل دەف وان مینا پەرداغەک ئاڤێ بوویە، ئەگەر پشتی ڤان ھەمی کریار و ئاخفتنێن کارب دەستێن پەکەکێ ئێک بێژیت ئەف ھێزە ژ بۆ دۆزا رەوایا گەلێ کوردستانێ کار دکەت دڤێت پێداچوونەک ب ئەقلێ وی دا بھێتەکرن کا ھەتا چ ئاست خوەدان ئەقلە.
ئەو ب دەڤێ خۆ یێن دبێژن ھەرتشت ب دلێ مەنەبیت دێ تێکدەین و بۆمە نەخەمە ژبەر وێ چەندێ فەرە بێدەنگی نەمینیت بێژنە فەرموون کەس رێ ل وە نەگرتیە مە پارچەک ئازادکریە ھوین ژی نیف پارچەیا دیکە ئازادبکەن وی دەمی ھەتا ئەم وەک ھێزەکانی نەتەوەیی شانازیێ ب وە بکەین ھەمیش دەستێ ھاریکایێ بۆ وە درێژبکەین، بەس نەک بھێن ئەو خەبات و قوربانیا مەدای تنێ بۆ مەبەستێن خۆ ژناڤ ببەن.