سەرکەفتنێن ئێک لدۆڤ ئێکێن هەرێما کوردستانێ ژ لایێ ئابوری و سیاسی و دۆپلۆماتی و ئێمناهی وەکریە کو پێگەهێ کوردستانێ لسەر ئاستێ جیهانێ بلند و ب نرخ بکەڤیت، ڤان دەستەکەفتان وەکریە کو هەردەم چاڤێ دۆژمنی ل نەمانا ڤان دەستکەفتان بوویە، وەلاتێن جیران ب گشتی، دۆژمنێن ناڤخوە نموونە وەک پەکەکە ب تایبەتی.
نزیکی سەد سالا خەباتا کوردێن باشور بۆ بدەستڤەئینانا سەربەخوویێ و ئازادیێ ڤەکێشایە و ئەو ئازادیا نها ئەم تێدا ب ساناهی بدەستڤە نەهاتیە، بەلکو بەرهەمێ شورەشێن ئیلۆن و گولان، کیمیابارانکرنا پێنج هزار حەلەبجەییان، ئەفالکرنا هەشت هزار بارزانیان، وێرانکرنا چار هزار گوندێن باشور ، بنئاخکرنا ب ساخی یا هەڤدە هزار کەسان و بەرزەبوونا هزارەهان وەلاتیان د هەوێن ئەنفالێن رەش دا و تا دوماهیکی. ئەڤە هەمی قوربانیێن گەلێ باشور بوون تا ئازادی و سەربەخویا ئەڤرۆ بدەستڤە هاتی، چ شک تێدانینە ب درێژاهیا مێژوویێ گەلێ کورد ل هەر چار پارچەیان زۆلم لێ هاتیە کرن و تا نها ب تنێ هەرێما کوردستانێ شیایە خوە ژ وێ زۆلمێ رزگارکەت ژ بەرکو ئەو خەبات ب سەرکێشیا سەرکردەیەکێ کورد بو کو د خەما گەلێ خوە بوو، چاڤێ وی ل خوشی و تێکدانا چ وەلات و جیرانان نەبوو.
ل باکورێ کوردستانێ کو پارچەیا هەری مەزن یا کوردستانێ یە و تا نها ئازاد نەبوویە،سەرەرای هەبوونا هێزەکا چەکدار کو ب ناڤێ خەباتکرن ژ پێخەمەت رزگارکرنا گەلی هاتیە دامەزراندن کو پەکەکە یە لێ تا نها نەشیایە ئێک بهوست ژ باکورێ کوردستانێ رزگاربکەت بەلکو بەروڤاژی ب تنێ بوویە سەرئێشەک ژ بو هەمی گەلێ کوردستانێ و چاڤێ وێ ب تنێ ل نەهێلانا دەستکەفتێن کوردستانا بوشورە، نموونە ژی ب ئاشکرای د دیارن کو سەرێ بیست سالایە ڤێ پارتێ خوە د ناڤا چیایێن سنورێ کوردستانا باشوور دا ئاسێ کری و ب هزاران گوندێن وەلاتیان داگیرکرینە و ناهێلن خەلک بچیتە سەر مال و حالێن خوە، ئەگەر ئەو هێز بو رزگارکرنا گەلێ کورد بیت ل باکور؟ بوچی ئارامیا باشور تێککدەت و ب ئاشکرای گەفێن تێکدانا ئارامیا وێ دکەت؟ گەلو ئەڤە خەباتا بو کورداتیێ؟ یان ژی جێبەجێکرنا پیلانێن تورکانا ژ بۆ نەهێلانا کوردان؟
سەروکێ وان ئاپۆ تا نها چارەنڤیسێ وی دیار نینە کا مریە یان ساخە د دەستێن تورکان دایە، لێ وان چ کریە؟ چنە... بو؟ ژ بەرکو ئەسلێ ڤێ پارتێ نە کوردیە و خەباتا وان بو ئازادیا کوردان نینە بەلکو ب تنێ بو تێکدانێ هاتیە دامەزراندن.
داخواز ژ حکومەتا ئیراقێ دکەین ب هەماهەنگی دگەل هەرێمێ و ب گوتوبێژکرن دگەل تورکیا و پەکەکێ هێلەکێ بو ڤێ رێکخستنێ بدانن و ئێدی ژ سنورێن هەرێمێ بهێتە دەرخستن داکو زێدەتر ل سەر وەلاتیان نەبیتە گەف و مەیدانا خەباتا خوە ببەتا ناڤا تورکیا.