یا دیارە بارودوخێ نها یێ رۆژهەلاتا ناڤین د چ رەوشەکێ دایە، ژ هەموو لایەکی ڤە شەر و ئالۆزی و نە ئارامی، هەبوونا تیرورێ. تاکە پارچەیا ئارام ل ناڤا رۆژهەلاتا ناڤین کو دەورەبەرێن وێ ئاگربیت هەرێما کوردستانێ یە، لێ ئارامیا ڤێ ناوچەیێ وەکریە کو پەکەکە پلانان بۆ تێکدانا رەوشا باشور د خزمەتا تورکیا دا ئالوز بکەت.
ب دەهان سالایە پەکەکە رێگرا سەرەکی یە ل ئاڤاکرنا گوندێن سنوری یێن هەرێما کوردستانێ یە و چەندین جاران شەر کریە و خەلکێ مە شەهید کریە و ب زوری خوە ل دەڤەرێن سنوری ئاکنجی کریە، خەبات و ئارمانجا پەکەکێ ب چ رەنگان ل باشور نینە بەلکو دڤێت خەباتێ بۆ نەهێلانا وێ زۆلمێ بکەت ئەوا ل تورکیا و باکورێ کوردستانێ ل هەمبەر گەلێ کورد ل وێرێ دهێتە کرن بکەت، لێ پەکەکێ ب چ رەنگان ئەو نەکریە و تا نها ب تنێ بۆ گەلێ باشور بوویە ستری و ب چ رەنگان رەوشا ناڤخوە یا تورکیا تێکنەدایە و نادەت ژی ژ بەرکو ئارمانجا وێ تێکدانا ئارامیا هەرێما کوردستانێ یە، نەهێلانا وان دەستکەفتیانە یێن هەرێمێ ل سەر ئاستێن جیهانی و ناخڤوە بدەست ڤەئیناین.
دگەل دەستپێکرنا ئۆپراسیونا پەنج ل چیایێ خواکورکی ژ لایێ تورکیا ڤە ل دژی پەکەکێ و سەرکەفتنا وێ ئۆپراسیونێ رۆژ ب رۆژ، پەکەکێ پلانا خوە یا ڤەشارتنا ناڤا چیا گوهارت و بەرەڤ ناڤ باژێر و گوندان هات داکو خەلکێ مە یێ سڤیل ببیتە ئارمانجا توپ و تەیارێن تورکان، ئەڤ چەندە دەستپێکر و نموونە ژی ل گوندێن مانگێشک و کورا و رێیا سەرەکی یا ئامێدیێ و گوندێ سپیندارێ و ئەتروش کو بوونە ئارمانجا فروکەیێن تورکیا و وەلاتیێن مە بونە زەرەرمەندێن ئێکێ ژ ڤان توپبارانان ئەڤە ژی ئارمانجا پەکەکێ بجهدئینیت یا تێکدانا ئارامیا مە، ب ڤێ ژی پەکەکە قایل نەبوو و ب ئەشکرای بالەک بۆ تێکدانا ئارامیا هەرێما کوردستانێ راگەهاند و ب زیترین دەم پیلانێن خوە بجهئینان ئەوژی پشتی کریارا تیروری یا ل هەولێرێ کری.
ب درێژیا مێژوویێ تورک ل دژی کوردان بووینە، سیاسەتا پەکەکێ ژی دژی مە کوردانە ب تایبەت ل باشور، گەر ژ راستا وان ئازایا گەلێ کورد بڤێت بلا بچن خەباتێ ل ناڤا تورکیا بکەن و گەلێ باکور رزگاربکەن، لێ پەکەکە ژی ژ هناڤێت تورکیا درستبوویە و ب چ رەنگان رەوشا باژارێن تورکیا تێکنادەت.