یاردیارە کو هەرێما کوردستانێ یا بارودوخەکێ هەستیار و زۆر مەترسیدا دەرباز دبیتن نەخاسمە ژی پشتی ئەوا ئابلوقەیێن ئابوری یێن هاتینە سەر حکومەتا ئیرانێ و دوورپێچا سزایێن زێدەتر یێن ئەمریکا بۆ سەر وی وەلاتی کو ئەڤە بویە خالا مەترسیا بەرپابوونا شەری دناڤەرا هەردوو وەڵاتاندنا ئەڤە ژ لایەکێ و ژ لایەکێ دیڤە ژی تورکیا بویە جهێ پسیارەکا مەزنتر ئەو ژی پشتی وەرگرتنا (سیستەمێ دژی موشەکا 400ئیس) ژ لایێ روسیا ڤە ئەڤە ژی پتریا وەکری پتر دووخ بەرەڤ هەستاریێ بچیتن نەخاسمە ژی رەوشا نوکە یا دبلوماسیا تورکیا و ئەمریکا ژی د بارودوخەکێ خراپدا دهیتە دیتن و هەر لڤینەکا بهێتە کرن دناڤبەرا چ ئیران و ئەمریکا بن یان تورکیا و ئەمریکا بن دێ راستەوخو کارتێکرنێ ژ رەوشا هەرێما کودستانێ کەت و د هەمی لایەکێ ڤە ژ لایێ ئابوری و ژلایێ شەری ژی ڤە بێ قوربانی نابیتن .

ئەڤە ددەمەکێ دایە ئەگەر ب هیری تەماشەی ریدانێت ڤان دووماهیکێ یێن لڤینێن پەکەکێ، ترکیا ژی بهێتە کرن دێ بینین ب هیجەتا هەبوونا پەکەکێ سوپایێ تورکیا یێ هاوکێشەیا شەری دئینیتە دناڤا هەرێمێ دا و جهێن ئاکنجی بونێ دکەتە ئارمان ب بهانەیا پەکەکێ ئەڤە رویێ چارێ یێ شەری بەرەڤ هەرێمێ دئینیت و ئەڤ چەندە پشتی وێ هێشا سەر ریستورانتا ل هەولێرێ هاتیە کرن ژ لایێ تێکدەرین پەکەکێ ڤە مەرەم ژ ڤان لڤینێن پەکەکێ ژی بو ئالوزکزنا بارودوخێ هەزێما کودستانێ یە و دیسا نە د بەرژەوەندیا ترکی دایە نە ژی یا پەکەکێ دیسان هێرشکنا تورکیا ب سەر مەخمور و بنارێ قەندیل و کهێن ئاکنجیێن دەڤەرا ئامێدیێ یێن سفێل بویە دەلیفەکا خوشتر بۆ ترکیا

کو دەست درێژیێ بکەتە سەر هەرێما کوردسانێ و خەلکێ وێ یێ سڤێل یا باشتر ئەوە پەکەکە ل سنورێ خو شەری بکەتن نەک شەرێ خو ببینە ناڤ ئاخا هەرێما کوردستانێ دا کو بو ماوێ زێدەتر ژ 30 سالانە خێرو بەرەکەتا چەندین گوندان ددەستێ وان دایە و هیچ شێوەکی د بەرژەوەندیا خەلکی هەرێما کوردستانێ دا چ پێنگاڤ نەهاڤێتنە تنێ زەرەر و زیان ب گیان و مالێ خەلکێ هەرێمێ گەهاندیە لەورا ژی سال بو سالێ ئەڤ زیانێن پەکەکێ یێن بەرەڤ بەرفرەهـ بونێ دچن و ئەڤ چەند ژی دڤێت هەمی لایەک دژی ڤان دەست درێژیێن پەکەکێ راوەستن و هیچ شێوەکێ مافێ هەولاتێن هەرێمێ نەهێتە خارن

ژ لایەکێ د ژی ڤە نابیت هەرێما کوردستانێ ببیتە مەیدانا شەرێ هێزیێن سوپایێ تورکیا و پەکەکێ چونکی جهێ پەکەکێ باکورێ کوردستانێ یە دڤێت شەرێ خو ڤەگوهێزنە جهێ لێهاتین جونکی هیچ شێوەکێ پەکەکە بۆ دۆزا کوردی چ ناکەت و چنە کریە ژی تێکدانێ دکەتن و رەوشا هەرێما کوردستانێ بەرەڤ خرابونێ و مەترسیا دبەت چونکی ب خو ژ بەر بارودووخێ دەڤەرا ناڤین یێ ئالوزە وان ژی بو خو ئەڤە دەلیڤە دیتیە و نە دبەرژەوەندیا مللەتێ کودی دا یێ لڤینان دکەن . بایبتی ژی پشتی را گەهاندنا هێزا نویا هاتیە راگەهاندن ژ لایێ پەکەکێ ڤە ئەڤە پتر مەترسیێ دێ بو هەرێما کوردستانێ پەیداکەت ژ هەمی لایەکێ ڤە دێ بیتە رێخوشکەرا تورکیا پتر دەلیڤە ببینیت دەست درێژیێ بکەتە سەر هەرێما کوردستانێ ب بهانەیا پەیدابوا هێزا نویا پەکەکێ .

لەورا ژی دڤێت هەمی هەول بهێنە کرن بو ڤەگەراندنا پەکەکێ بو سنوریێن وێ کو ئێدی هەرێما کوردستانێ نەبیتە قوربانی ڤە بو ئەڤی گروپێ تێکدەر یێ چەندین سالە بو یە ئەگەرێ چولکرن و وێرانکرنا سەدان گوندیێن هەرێما کوردستانێ و کوشتنا زاروک و ژن و خەلکێ سفێلێن وان گوندان ئێدێ سنورەک بو هەبونا پەکەکێ بهیتە دانن و ئەوان چالاکێن ئەو دکەن ب تایبەتی ژی ل ڤی دەمێ چونکی هەرێما کودستانێ یێ بارودوخەکێ هەستیار دا دژیت نەخاسمە ژی دانانا سزایێن زێدەتر یێن ئەمریکا بو سەر ئیرانێ و چاڤەرێ بونا مەترسیا بەرپابونا شەری دهێتە کرن هەر دیسان یا پەیوەندیێن ئەمریکا و ترکیا ژی و بایبەتی ژی سیستەمێ دژی موشەکێن 400 ئیس دیسان رویێ راستەقینەیێ پەکەکێ ژی بو خەلکی دیار و ئاشکرا بویە ئدی بویە جهێ تێکدەریێ و خرابکرنا بارودۆخی. .