پشتی کو نێچیرڤان بارزانی ب فەرمی وەک سەروکێ نویێ ھەرێما کوردستانێ ھاتیە ھەلبژارتن،ومەراسیما سویند خارنێ دەست پێکری کو ب ئامادەبونا چەندین حزب و لایەنێن سیاسی کونسول و نوینەرێن وەلاتێن بیانی و وەزیرێن ژدەرڤە،کو رویەکێ نیڤدەولەتی ب خوەڤە دیت ئەڤە ھەمی ژی وێ چەندێ خویادکەت کو بەرێز نێچیرڤان بارزانی کەسایەتیەکێ سیاسی یێ کرنگێ ناڤچەیێ یە،وھەم ژی ل سەر ئاستێ نیڤدەولەتی گرنگی یا خوە ھەیە.ھەر ژ دەست پێکا ب دەست ب کاربونا خوە وەکی سەروکێ نویێ ھەرێما کوردستانێ چەندین سەرەدانێن گرنگ و بەرھەمدار ئەنجام دان چ ل سەر ئاستێ ناڤخوە چ ژی ل سەر ئاستێ ژ دەرڤە کو ئێکەمین سەرەدان بوو ولاتێ تورکیا لسەر ب بانگێشتا فەرمی یا سەروک کومارێ تورکیا (رەجب تەیب ئەردوغان )کو ب سەرەدانەک گرنگ دھێتە قەلەم دان،نە بتنێ نسبەت مە وەک ھەرێما کوردستانێ بەلکو نسبەت ئیراقێ ژی چونکی نھادا بەرێز نێچیرڤان بارزانی رولەکێ ناڤەندی دگێریت دناڤبەرا ئیراقێ و تورکیا .ھەرچەندە ھندەک لایەنا واسا لێکددا کو چونا بەرێز سەروکێ ھەرێما کوردستانێ بو تورکیا پەیوەندی ب ھەلبژارتنێن ئەستەنبولێ ڤە بیت ژ بو کو ب دە ست ڤە ئینانا دەنگێن کوردا لێ واسا دەرنەچوو و سەرەدانا سەروکێ ھەرێمێ بوتورکیا ھیچ پەیوەندیەک ب بارودوخێ ناڤخوەیێ تورکیا ڤە نینە،بەلکو ئەڤ سەرەدانە ژبو ھندێ کو بە حس ل سەر پەیوەندیێن ھەرێما کوردستانێ وکومارا تورکیا بھێتە کرن و زێدەتر پەرە ب ڤان پەیوەندیان بھێنە بەرفراوان کرن ،چونکی ھەرێما کوردستانێ وتورکیا پەیوەندیێن میژوویی و سیاسی ھەنە و ھەرێما کوردستانێ گرێبەستەکا ٥٠سالی دگەل ولاتێ تورکیا ھەیە و پترولا ھەرێما کوردستانێ ب رێکا وەلاتێ تورکیا ب بازارێن جیھانێ دھێتە ھنارتن،ژبەرھندێ ھندێ ھەر گھورینەکا سیاسی ل ھەرێما کوردستانێ رویبدەت ب نسبەت تورکیا گرنگی یا خوە ھەیە.وەکی یاخویا یە کو دنھا دا پەیوەندیێن ھەرێما کوردستانێ وتورکیا دئاستەکێ باش دانە ب تایبەت پشتی ڤێ سەرەدانا دوماھیکێ یا سەروکێ ھەرێما کوردستانێ بەرێز نێچیرڤان بارزانی کو دپەیاما خوەشی دا ئاماژە ب ھندێ کو ھەرێما کوردستانێ بو چوار سالێت داھاتی دا دێ ھە ول دەت ژبو خوشکرنا وبەرفراوان کرنا پەیوەندیان دگەل ولاتێن ئیقلیمی ولاتێن زلھیز دا،وئەڤ دیبلوماسیەتا ب ھێز یا بەرێز نێچیرڤان بارزانی دێ شێت کوردستانەکا بھێز دروست کەت.