د ئێکەم سەرەدانا"نێچیرڤان بارزانی" پشتی دەست بکاربوونا وی وەکۆ سەرۆکێ ھەرێما کوردستانێ بۆ وەلاتەکێ ئورۆپا مانا وێ چەندێ دگەھینیت کۆ فەرەنسا ئێکەم وەلاتێ ئوروپا بویە ب گشتی پشتەڤانێ ھەرێما کوردستانێ بویە ئەڤە د دەمەکی دایە کۆ سەرۆکێ فەرەنسا ئێکەم سەرۆک بویە دەمێ دەست بکاربوونا سەرۆکێ ھەرێما کوردستانێ پیرۆزبائی لێ ھاتیە کرن دیسان ئێکەم سەرۆک بۆ کۆ بشێوەیەکێ فەرمی داخاز ل نێچیرڤان بارزانی کری سەرەدانا فەرەنسا بکەت،پشتی ئەنجام دانا ریفراندومێ ئەو دورپێچێن ئابوری و سیاسی و سەربازی حکومەتا بەغدا ھاڤێتینە سەر ھەرێما کوردستانێ فەرەنسا ئێکەم وەلات بۆ دەرگەھێ دیبلوماسیا نیڤدەولەتی بۆ ھەرێما کوردستانێ ڤەکری بۆ ئەگەرێ چارەسەرکرنا وان کێشەیێن دناڤبەرا حکومەتا بەغدا و حکومەتا ھەرێما کوردستانێ دیسان فەرەنسا ئێکەم وەلات بۆ پەنابەرێن ھەرێما کوردستانێ وەرگرتین و پشتەڤانیا سەربازی بۆ ھەرێما کوردستانێ کریە بۆ ناڤ برنا رێکخراوا تیرۆرستی یا داعش،


پشتی دوماھیک ھاتنا کومبونا "نێچیرڤان بارزانی " دگەل "ماکرۆن" د لێدوانا خۆدا"نێچیرڤان بارزانی"بۆ دەزگەھێن راگەھاندنێ بوچوون جودا دیار بوون کۆ ھەرێما کوردستانێ تایبەت سەرۆکێ ھەرێما کوردستانێ بۆ وەلاتێ فەرەنسا گەلەک یا گرنگە فەرەنسا یێ بزاڤێ دکەت رۆلێ نێوەنگەریێ بکەت دناڤبەرا حکومەتا عێراقێ و حکومەتا ھەرێما کوردستانێ دا رۆلێ چارەسەرکرنا وان کێەیا رابیت ئەوێن دناڤبەرا بەغدا و ھەڤلێر ماینە ھەلاویستی نەھاتین چارەسەرکرن ،دیسان د وان بۆچونان دا ژ ئاخفتنا سەرۆکێ ھەرێما کوردستانێ دیار دبیت د چارچوڤێ عێراقێ دا دێ سەرەدانا ھەرێما کوردستانێ کەت بۆ دلنیا کرنا وان لایەنێن سیاسی یێن عێراقێ،

د نھا دا گرنگیا ھەرێما کوردستانێ بۆ فەرەنسا وێ چەندێ د راگەھینیت کۆ فەرەنسا یا بزاڤێ دکەت پێگەھێ سیاسەتا خۆ دەڤەرێن رۆژھەلاتا ناڤین بھێز بکەت تایبەت عێراقێ و کوردستانێ ژبەرکۆ وەکود نھا دا یا دیارە دەڤەر یا قوناغەکا مەترسی دا دەرباز دبیت دەوروبەرێن عێراقێ ئیران و تورکیا و سوریا و عێراق خۆ ژی یێن د قوناغێن دەرباز بونێ دەرباز دبیت گورانکاریەک مەزن دروست بیت لەورا فەرەنسا دڤێت جھێ پێگەھێ خۆ دروست بکەت ل ھەرێما کوردستانێ بۆ فەرەنسا دەڤەرەکا گەلەک یا گرنگە لەوما فەرەنسا دڤێت پێگەھێ خۆ بھێز کەت ، چونکو ھەرێما کوردستانێ پێنج لایان ڤە گرنگیا خۆ یا ھەی بۆ فەرەنسا لایەنێ سیاسی کو دێ سیاسەتا خۆ دەڤەرا رۆژھەلاتا ناڤین و عێراقێ تایبەت بھێز کەت چونکو فەرەنسا دگەل ھەڤپەیمانێن دی دڤێت جھەک تایبەت عێراقێ ھەبیت دا بشێت ببیتە یاریکەرەکێ بھێز ل سەر ئاستێ عێراقێ و کوردستانێ و لایەکی دی ڤە کوردستان پێگەھەکێ بھێزە یێ ئابوری دەڤەرەک خامە ھێشتا گەلەک مادێن کانزای یێن ھەین نەھاتینە ئاشکرا کرن و ئابورێ کوردستانێ بۆ فەرەنسا گرنگیا خو یا ھەی فەرەنسا گەلەک تشتا دگەرێت ل کوردستانێ بازارەکی دگەریت کەل و پەلێن خۆ لێ بفروشیت و مادیەیێن َ خام دگەرێت لبن عەردی و بازارەکی دگەریت بۆ فروتنا چەکێ خۆ کۆ ئەو چەکێ ژلایێ وان ڤە نەھێتە بکارئینان ،دیسان فەرەنسا کوردستانێ ب ھەرێمەکا ئارام د ھەلسەنگینیت بۆدانانا پێگەھێ خۆ ،



بۆ فەرەنسا سەرۆکێ ھەرێما کوردستانێ کارتێکرنەکا مەزن یا رۆژھەلاتا ناڤین ھەی فەرەنسا ھەڤپەیمانێن باوەرپێکەر ل رۆژھەلاتا ناڤین دڤێن ئێک ژوان کەسێن ژ ھەمویا باوەری پێ ھەی نێچیرڤان بارزانی یە رۆژێت بھێت فەرنسا دێ پێتڤی ب "نێچیرڤان بارزانی"ھەبیت چونکو فەرەنسا و بریتانیا ب ھێزەکا بھێز دێ ڤەگەرنە رۆژھەلاتا ناڤین .