ھەروەکی یا دیار ماوەیەکە باژێرێ دھوکێ د ناڤا کومەکا قەیرانێن خزمەتگوزاریان دنالیت ، مینا کریزا پیڤەرێن ئاڤێ کو بویە بابەتێ روژێ و لسەر زارێ گشت ھاولاتیان دھێتە باسکرن ، کو ئەڤ پیڤەرە نە دادیەکا بەرچاڤ و ئاشکەرا دەرحەقا ھاولاتیێن پارێزگەھا دھوکێ دا دکەتن ، ژبەرکو کرێیا ھەیڤانە ب ملیونەھان دینارێن عیراقی دخوینیت ، کو دەمەکی دا کرێ یا ھەر ھەیڤەکێ ژ دوازدە تا سێزدە ھزاران دھات ، لەورا باندورەکا مەزن لدویڤ خوە ھێلایە و بویە جھێ نەرزایبون و دلگرانیا گشت ھاوەلاتیێن پارێزگەھا دھوکێ ، دیسان کریزا کێمبوونا کارەبا نیشتیمانی ل پارێزگەھا دھوکێ تایبەتی د وەرزێ ھاڤینێ دا کو د نوکە دا پلێن گەرماتیێ د ئاستەکێ بلند دانە ، بەلێ رێژەیا دابینکرنا کارەبا نیشتیمانی بو پارێزگەھا دھوکێ کو بەراورد د گەل پارێزگەھێن دیتر یێن ھەرێما کوردستانێ د ئاستەکێ خراب دایە ، ئەڤ چەندە بویە ئەگەر بوھایێ کارەبا موەلیدان گران ببیت بەراورد دگەل پارێزگەھێن دیتر ، کارەب و ئاڤ بوینە جھێ گەنگەشێ و بابەتێ ھەمی جھان ، دلگرانیەگا مەزن ھاولاتیێن پارێزگەھا دھوکێ گرتینە ژ کاربدەستێن کارگێری یێن باژێرێ دھوکێ ، د سەردەمآ نوکە دا ئالاڤێن راگەھاندنێ باشترین ئاراستەیە ژ بو گەھاندنا پەیاما گەلی ژ بو دەستھەلاتێ لەورا دەربرینا دلگرانی و نەخوەشییێن ھاولاتیێن پارێزگەھا دھوکێ برێکا سوشیال میدیایێ مینا (فەیسبوک – تویتەر – ئینستگرام ) بونە ھوکارێ گەھاندنا بلەزا پەیاما ھاولاتیان بو بەرپرسێن بلندێن ھەرێما کوردستانێ ، کو ب راستی ژی خەلکی دھوکێ ژ ھەژی ئەڤی بارودوخێ ھەنوکەیێ پارێزگەھا دھوکێ نینن ، کو پێدڤیە باشترین خزمەت بو خەلکێ ئەڤێ دەڤەرێ بھێتەکرن ، پاش ھایداریا فراکسیونا پارتی دیموکراتی کوردستان ل پەرلەمانێ کوردستانێ ل ٣-٧-٢٠١٩ راگەھاندنەک لدور دوخێ پارێزگەھا دھوکێ راگەھاندی کو دیارکریە نامەک ئاراستەی سەروکێ ھەرێما کوردستانێ (نێچیرڤان بارزانی) کریە لدور چارەسەرکرنا کێشەیێن دھوکێ ، و دنوکە دا دگەل لایەنێن پەیوەندیدار د چارەسەرکرنا کریزێن پارێزگەھا دھوکێ دا نە ، لەورا مە خەلکێ دھوکێ ھیڤی و ئومێدەکا مەزن ب رولێ سەروکێ ھەرێمێ کوردستانێ ھەیە کو دەمەکێ نێزیک دا دێ ئەڤ کریزە چارەسەربن .