سەروکێ ھەرێما کوردستانێ ل چوار سالێن ماوێ سەروکاتیێ ب دیتنا من دڤێت ب ھەمی ئاواھیان ھەڤسەنگیەکا گونجیایی یا پەیوەندیێن موکم ھەبن د نێڤبەرا ئیرانێ و ئەمریکا و ژبلی تورکیا و پێکھات و سەرانێن سیاسیێن عیراقێ چما ئەڤ چەندە بھێتەگوتن، دیارە ئەمریکا ھەرچ بخوازیت ژ عیراقێ دکاریت ئەنجام بدەت ل ماوەیەکێ ھەری کێم و تەنانەت بێ کو لێڤەگەریانێ بکەت ژبۆ سەرانێن عیراقێ ھەڤدەم نە د پێشبینیا عیراقیاندایە ژی ئەو گاڤێن ئەمریکا ل عیراقێ بۆ بەرژەوەندیێن خۆ بکار تینیت و دگەلدا و کمێتر لڤێ چەندێ کارگەریا رژێما ئیرانێ یە لسەر عیراقێ ژبەرکو گاڤێن ئیرانێ ل دەڤەرێ تا رادەیەکی ئاشکرا و دخویانە و نە دوی ئاستی دانە مینا ئەمریکا وەکو خویا باشترین میناک ئەگەر ئاماژێ بەردەینە سەر ل ماوێ رابوری ئیرانێ کو ل ئیراقێ ئەنجام دایی دامەزراندنا حەشد الشعبی و کومەکا میلشیایان ل عیراقێ بۆ کو ب رەنگەکێ فەرمی ھاتنە دامەزراندن و حکومەتا ناڤەندی یا عیراقێ ژی ب یاسا رێکخستن و ب ھێزێن ئەولەھیا عیراقێ ناساندن و بودجەکێ خەیالی یێ عیراقێ بۆ ڤێ ھێزێ تێتە مەزاختن و ھەژمارەکا ھەرە زۆرا ڤان کەسان ژی رەنگە ب رەگەز ئیرانی بن و ئاشکرایە ھەر ئەڤ ھێزە بۆ ئەگەرێ داگیرکرنا پارێزگەھا کەرکووکێ و شەرێ پێشمەرگەیی و دەڤەرێن کوردستانی یێن دەرڤەیی ھەرێما کوردستانێ بکەن و ئەڤ کێشە نوی و قولترکر و ژلایەک دیتر ب سیاسەتا رەگەزپەرێسانە نھا ب رەنگەکێ ھەری دیار ئەرەبێن ھاوردە مولک و ئەرد و پاوان و زەڤی و ئاڤاھیێن کوردان داگیردکەن و ب رەنگەکێ ھەری ئاشکرا و زق گەنم و بەرھەمێ جوتیارێن کوردان دھێنە سوتن ، ئاشکرایە ئێکەم سەرەدانا سەروکێ ھەرێما کوردستانێ ل رێکەڤتی ٢٠ / ٦ / ٢٠١٩ بۆ بەغدا بوو نەخاسم ژبۆ موکمکرن و چارەسەرکرنا گیروگرفتێن دناڤبەرا ھەرێمێ و بەغدا دا بوویە و ھاتە دیتن کو سێ کومبوونێن گرنگ ئەنجام دان دگەل ھەر ئێک ژ سەروک کومارێ عیراقێ و سەروک وەزیرێن عیراقێ و سەروکێ جڤاتا نوێنەرێن عیراقا فیدرال مەرەما کومبوونان ژی ژبۆ پرسێن ستراتیژیێن کوردستانێ بوونە دگەل حکومەتا ناڤەندی ھەڤدەم موکم کرنا پەیوەندیان بوویە کو ژڤی ئالی خوشبەختانە پەیوەندیێن نێچیرڤان بارزانی سەروکێ ھەرێما کوردستانێ ل بەرێ و دنھادا ژی دئاستەک ھەری باش دایە لەورا گرنگە کار لسەر ڤەگەراندنا ئاخ و سنوورێ راستەقینەیێ ھەرێما کوردستانێ ب رێیەکا ئاشتیانە و ب رێیا مادێ ( ١٤٠ ) یێ دەستوورێ عیراقێ کو پێکھاتییە ژ نەھێلانا شوونوارێن تەعریبکرنێ و ڤەگوھاستنا ب زۆری کو ل تەڤ دەڤەرێن کوردستانی یێن ژ دەرڤەی دەسھەلاتا ھەرێمێ ب باژێرێ کەرکوکێ ڤە ھاتیەکرن، دەربارێ پەیوەنیێن سەروکێ ھەرێمێ دگەل ھەر ئێک ژ وەلاتێن تورکیا و ئیرانێ ئەڤ پەیوەندییە دئاستەکێ باش دانە و تەنانەت لدەمێن بوری ل زۆر کاودانێن بەرتەنگ کێم تا زۆر ئەڤ وەلاتە ھەماھەنگ و ھەڤکاربووینە دگەل ھەرێما کوردستانێ تەنانەت لدەمێ سویند خواندنا سەروکێ ھەرێمێ کو وەزیرێ دەرڤەیێ تورکیا ل رێورسمان بەرھەڤببوو ئەڤ چەند گروڤێ لێک نزیکیا ڤان ھەردوو ئالیانە ھوکار ژی ژبۆ پەیوەندیێن باش یێن دیبلوماسی و ئابووری و ھتد .. دزڤرینم ، و ژلایێ دی دێ مینیت پەیوەندیێن ھەرێمێ دگەل ئێک ژ وەلاتێن زلھێزێن جیھانێ ئەو ژی ئەمریکایە لڤی ماوەیی وەکو ئاشکرا ل رێکەڤتی ٢٤ / ٦ / ٢٠١٩ سەروکێ ھەرێما کوردستانێ دگەل شاندەکێ وەزارەتا دەرڤەیا ئەمریکا کوومبوو ڤی شاندی دلخوشییا خوە ب تایبەت ب بزاڤێن چارەسەرکرنا کێشێن ھەولێر و بەغدا نیشان دا ، کو بێگومان چارەسەرێ کێشەیێن ناڤبەرا ھەولێر و بەغدا خودی نێچیرڤان بارزانی سەروکێ ھەرێما کوردستانێ بوویە، دیارەژی دگەل ڤی شاندی یاداشتەکا لێکتێگەھشتنێ دناڤبەرا ھەرێما کوردستانێ و ئەمریکا دا ھاتە ئیمزاکرن کو درێورسمێن ئیمزاکرنێ دا سەروکێ ھەرێمێ راگەھاند ھیڤیدارم ئیمزاکرنا ڤێ لێکتێگەھشتنێ خێرا ھەرێما کوردستانێ و عیراقێ و ئەمریکا تێدا بیت و خویا کر کو پەیوەندیێن مە دگەل ئەمریکا ددیروکینە و ھەردەم رۆلەکێ مەزن دپاراستنا ھەرێما کوردستانێ دا گێرایە، ئەز باوەرم چوارسالێن داھاتی بۆ وێ ھەڤسەنگیێ دێ فاکتەرێن کاریگەربن بۆ پتر وەرارو پێشدابرنێ بەر ب بونیاتنانا کوردستانەکا بھێز و ھەڤسەنگ دھەمی ھاڤلی و تێکەلیێن خۆدا.