پەیوەندیێن ھەولێر و واشتنونێ رۆژ بۆ رۆژێ بەر ئاسویێن گەشتر و رۆناکتر خوربوونێ ڤە دچن. ژێدەرێ ئەڤێ ھێزمەندیێ ژ خو پەیدانەبویە ئەگەر ب دبلوماسیەت و پەیوەندیێن خورتێن رێزدار نێچیرڤان بارزانێ نەبان ھەم ل دەمێ حکومرانیا خۆ وەکو سەرۆکێ حکومەتا ھەرێما کوردستانێ کو ل دەما وی کونسلخنا ئەمریکا ل ھەولێرێ ھات ڤەکرن و چەندین مەزنە کومپانیێن ئەمریکا دوارێ پێشەسازی و دەرئینانا نەفتێ دا ل ھەرێما کوردستانێ پشتێ بھێزکرنا پەیوەندیان و ڤەکرنا کونسلخانا ئەمریکا ل ھەولێرێ دەست بکاربوون. پاشان دوارێ سەربازی ژیدا ئەمریکا ھەرێم ب نزیکرتین و باشترین دوستێ خوە دانا مەزنترین بنگەھێ خویێ سەربازی ل ھەرێمێ دانایە. ھەروەسا بەرێ بنیاتی بو مەزنترین کونسلخانە ل سەرئاستێ رۆژھەلاتا ناڤین ل ھەولێرا پایتەخت دانا ل دەمێ سەرۆکاتیا حکومەتا رێزدار نێچیرڤان بارزانی. ئەڤە زێدەباری چەندین ھەولێن دیترێن میری دناڤبەرا ھەولێر و واشنتونێ دا.
پشتی دەستبکاربوونا رێزدار نێچیرڤان بارزانی وەکو سەرۆکێ ھەرێما کوردستانێ، د ھەیاما رۆژێن بوریدا مەزنترین یاداشتنامە دناڤبەرا ژۆرا بازرگانیا واشتنونێ و ھەولێرێ ھات ئیمزاکرن ب ئامادەبوونا سەرۆکێ ھەرێمێ و کومەکا کەسایەتیێن دیترێن سیاسی و بزنزمەنی و ژ ھەردوو ئالیان د رێورەسمێن ئیمزاکرنا ئەڤێ یاداشتناما مەزنا دیرۆکی و بازرگانی ئامادەبوون. کو تێدا سەرۆکێ ھەرێمێ گوتارەک پێشکێشکر دگوتار خۆ دا سیناھی ئێخستە سەر چەندین خالێن گرنگ و ستراتیجی کو د پاشەرۆژێدا دێ خزمەتەکا مەزن پێشکێشی ھەردوو ئالیان کەت، دوارێ ئابوری و بارزگانی و دبلوماسی وسەربازی و ئەمنی و دیرۆکی و جڤاکیدا. گرنگیا ئەڤان جورە یاداشتنامان د ئەڤرویا جێھانا مودێریندا دگەل وەلاتەکێ مینا ئەمریکا د ئەو پەری سەنگ و ھێزمەندیا سیاسی و ئابوری و بازرگانیدا خو دبینیت. چونکە ئەمریکا ئەگەر ئاسویێن باش ل دەڤەرەکا مینا ھەرێما کوردستانێ نەبیت نەجارو پێتڤی نیە کو پەیوەندیێن خویێن دبلوماسی و ئابوری دگەل کوردان بھێزبکەت. راستە ئەڤ پەیوەندیە پتر دبەرژەنگا ئەمریکا دانە وەکو وەلاتەکێ زلھێزا جیھانێ، چونکە ھەرێما کوردستانێ ژی جھەکێ گرنگ و ستراتیجیە بۆ ئەمریکا ژ رویێ ئابوری و سیاسی و بازرگانێ و سەربازیڤە. لێ د نھادا و دناڤ گورەپانا سیاسیا عێراقێ و رۆژھەلاتا ناڤیندا ئەڤ جورە لێکتێگەھشتنە دبەرژەوەندیا خەلکێ ھەرێمی و کوردستانیاندایە بگشتی. نەمازە دئەڤرۆکەدا کو ئەمریکا زێدەباری زلھێزیا خۆ بزاڤێ دکەت کونترۆلا ھەمی جیھانێ بکەت و گاڤێن وێژی رۆژ بۆ رۆژێ یێ سەردگرن وەکو وەلاتەکێ باب سالار بۆ مونوپولکرنا دەستھەلاتا سیاسی و ئابوری بازرگانی و سەربازی و تەکنولوژی و زانستی و ئەمنی و...ھتد، ل ھەمی جیھانێ، چونکە ھەر مایتێکرن یان مایتێنەکرنا ئەمریکا د ھەرئێک ژ ئەڤان بوارێن مە ئاماژەپێکری د ھەر وەلاتەکێدا گورانکاریێن مەزن پەیدا دکەت. لەورا بدیدا مە لێک نێزیکبوونا ھەولێر و واشتونێ د دەما نھادا گەلەک یا گرنگ و پێتڤیە. نەمازە د ئەڤان کاودان و گرژیێن ڤێ دوماھیێ دا ئەوێن دناڤبەرا ئەمریکا و ئیرانێ دا پەیدابووین کو خەریکە شەرەکێ مەزن پەیدا بیت حەتا ل سەر ئاستێ جیھانێ ژی. کورد ئەڤێ قوناغێ دا دڤێت ھەڤسەنگیا خو بپارێزیت و نەچیتە دناڤ ئەڤێ یاریا مەترسیدار دا، ئانکو فەرە کورد ھەڤسەنگیێ بکەت دناڤبەرا واندا. ژبەرکو ئەگەر کورد دژبەریا ھەرئێک ژ ئەڤان دوو ئالیان بکەت دێ بیتە قوربانیێ ئەڤان گرژی و ئالوزیان. چونکە ئەمریکا ژبلی بەرژەوەندیان، وەلاتەکێ زلھێزە و کورد ژی د ئەڤێ قوناغێ دا وەکو مللەتەکێ ب دەولەت پێتڤی ب پشتەڤانیا نیڤدەولەتینە، نەمازە پشتەڤانیا وەلاتەکێ مینا ئەمریکا ئەڤە زێدەباری پاراستنا ئەوێ دوستینیا دناڤبەرا کوردان و ئەمریکا دا ھەی. دیسان ئیران ژی بلی کو دنەیارە د ھەمان دەمدا دوست و ھەڤسیێ نێزیکێ دیرۆکیێ کوردانە ئەڤە زێدەباری وێ یەکێ کو زێدەتری ٨ملیون کوردان ئەڤرۆ ل ژێر سێبەرا دەستھەلاتا ئیرانێ دژین. دیسا ئیران ژێدەرەکێ بھێزە بۆ دابینکرنا پێتڤیێن بارزگانی بۆ ھەرێما کوردستانێ و بەرژڤاژی ڤێ چەندێ ژی ھەر دروستە. ھەر ژبەر ئەڤا ل سەری مە دیارکری. دڤێت ھەولێر وەکو ناڤەندەکا خوسەر بۆ کوردان ب ژیرمەندانە بریارێ بدەت. کو ھەرچەندە ھەتا ئەڤرۆکە پشتی ئەوان فاشار و ھەرەشێن ئەمریکا و ئیرانێ ب سایا سەرۆکێ ھەرێما کوردستانێ رێزدار نێچیرڤان بارزانی د کەڤندا وەکو سەرۆکێ حکومەتێ و دنھاژیدا وەکو سەرۆکێ ھەرێمێ درێغی نەکریە، ب لێزانی و پەیوەندیێن خویێن دبلوماسی شیایە ئەڤێ ھەڤسەنگیێ رابگریت و پەیوەندیێن خو یێن ئابوری و بازرگانی و دبلوماسی بپارێزیت دگەل ھەردوو ئالیان. وەکو دیار ژی رۆژ بۆ رۆژێ ئەڤ پەیوەندیە گەرمتر و گەشتر دبن.