- زۆر سپاس بۆ ئەو ئەندام پەرلەمانێن دەنگ دای و یێن دەنگ نەدای و یێن نەچوینە هۆلا پەرلەمانی (نێچیرڤان بارزانی).
- ئێک ژ بنەمایێن سەرکردێن سەرکەفتی دیموکراسی و ژێبۆرین و رێزگرتنا بەرامبەریە. گۆتارا (نێچیرڤان بارزانی ) د رێورەسما سیندخارنا وی بۆ سەرۆکێ هەرێمێ سەرەرای کو رێورەسمەکێ شاهانەبو چاڤێن هەڤالان پێ گەش بو یێن دوژمنان پێ تارى بوو، هەر وەسا گۆتارا سەرۆکێ هەرێمێ گرنگ بو ب مانایێ دیموکراسی و ئێکتر قەبیل کرن و رێزگرتن ل ئیرادەیە بەرامبەر.
- ژ بنەمایێ سەرەکی یێ دیموکراسیێ هەلبژاردن و دانپێدانان بە ئەنجامێن هەلبژاردنا و رێزگرتن ل دەنگێن هەڤدژە ئەڤ هەرسێ بنەمایە د گوتارا (نێچیرڤان بارزانى) دا هەبون و دکارێن وى یێن بەرێ هەبون، ب بۆچونا مە ئەو رستا مە ئاماژە پێکرى بەس بوو وپر مانابوو بۆ رێورەسمێ، د هەلبژاردنان رێژەیا بدەست ئینانا دەنگان بۆ سەرۆکایەتیێ ل وەلاتەکى بۆ ئێک دى جیاوازیەکا کێم یا هەی لدیف یاسایا دستوری یان دەسهەلاتا یاسا دانانێ پەرلەمانى دهێتە رێکخستن ل زۆربەی وەلاتێن جیهانێ ب رێژەیا (٥٠+١ )یان (دوو لسەر سێ )بۆ نمونە (75%) دەنگان ئەوژی بۆ دەنگدان ب سەرۆکێ حکومەتێ یان سەرۆکێ کۆماری یان هەرێمان چ ب دەنگدانا راستەو خۆ یان نا راستەو خۆ برێکا نوێنەرێن خۆ یان ئەندامێن پەرلەمانان. بۆ نمونە سەرۆکێ ئەمریکا ب دەنگێن (٥٠+١) دبیتە سەرۆک، هەر سەبارت سەرۆکێن عیراقێ لدیف دستورێ عیراقێ یێ سالا( ٢٠٠٥ ) سەرۆک کۆمار هەر چەند کو دەسهەلاتێبن وى تەشریفاتینە لێ ل گەرا ئێکێ دبیت (دوو لسەر سێیێ) دەنگان بدەست خۆ ڤەبینی ، لێ سەرۆکێ حکومەتێ هەر چەند کو زۆربەى دەسهەلاتێن گرنگ یێت وینە ب دەنگێ (٥١ %)دەنگان دبیتە سەرۆکێ حکومەتێ. بنەمایەکى دى یێ گرنگ دانپێدانان و رێزگرتن ل دەنگێن هەڤرکان ژلایێ بەر بژێری و هەر وەسا دەنگدەراژی کو دوێ گوتارێ (نێچیرڤان بارزانی)ئاماژە پێکر دەما گۆتی زۆر سوپاس یێ دەنگ نەدای و یێ نەچویە هۆلا پەرلەمانی ئەڤە رێزگرتنە بەرامبەر وان ئەندام پەرلەمانان یێن دەنگ نەدایێ و یێ نەچوینەهۆلا پەرلەمانى بۆ دەنگدانێ ئەڤە دیموکراسیا راستەقینەیە لێ دبیت دەنگدەرژی هەمان هەلوێست هەبیت و دان پیدانانێ بکەت و رێز ل دەنگێ زۆرینەیان بگریت و کەسێ سەرکەفتی ب سەرۆکێ خۆ بزانیت هەتا ماوێ یاسایی سەرۆکاتیا وی بدوماهیک دئێت نەک وەک هنەک کەسێن نە تێگەهشتى ل دیموکراسیێ و دەمارگیریا حیزبى و بەرژەونیێن کەسى کاریگەرى لوان کریە دبێژن چنکى مە دەنگ پێ نەدایە سەرۆکێ مە نینە ئەڤە تێنەگەهشتنە، هەر وەک د ئێک ل هەلبژاردنان سەرۆک (ئۆباما) (51%) رێژەیا دەنگان بدەست خۆ ڤەئینا و بو ب سەرۆکێ ئەمریکا بۆ ماوێ (٤)سالا و چ بەرپرسێن حیزبا کۆماری یا هەڤرک نەگۆت سەرۆکێ مەنینە. هەر وەسا د گۆتارا وی دا ئاماژەیەک بو کو مە رێزا هەی بۆ هەمی ئەندامان بێ جیاوازی و دێ پێکڤە کارکەین بۆ بەرژەوەندیا گشتی دیر ژ دەمارگیریێ و دلگرانیێ بەلکو ب سینگەکی بەرفرەه بۆ چونا ئەوێن دەنگ نەدایی هاتە وەرگرتن ئەوەیە سەرکردەیێ دیموکراسى...