پشتی کومبونا پەرلەمانێ ھەرێما کوردستانێ ل رێکەفتی ٢٨ گولانا سالا ٢٠١٩ لدور ھەلبژارتنا سەروکێ نوی یێ ھەرێما کوردستانێ ، سەرەرای بایوت کرنا ئێکەتیا نیشتیمانی یا کوردستانی و ھندەک فراکسیونێن دیتر ، لێ پارتی دیموکراتی کوردسان ھەردەم خواستیە ب زمانێ دیالوک و دان و ستاندنان دگەل گشت لایەنان بکاربیینیت ژ پێخەمەت خزمەتکرنا ھاولاتێن کوردستانی ، لێ چ دەمان رازی نابیت کو زیان ب ھاولاتیێن کوردستانی بکەڤیت مینا گیروکرنا کابینەیا حکومەتا نوی ، کو سەرەرای نە ئامادەبونا وان لایەنان ، پارتی دیموکراتی کوردستان دەست ب ھەلبژارتنا سەروکێ نوی یێ ھەرێما کوردستانێ کر ، کو شیان ب ٦٨ دەنگێن پەرلەمانتارێن پەرلەمانێ کوردستانێ (نێچیرڤان بارزانی ) وەک سەروکێ نوی یێ ھەرێما کوردستانێ ب ھەلبژێرن ، ئەڤ چەندە دلخوشیەکا مەزن لدویڤ خو ئینایە ھەم لسەر ئاستێ نافخوی کو ئومێدا گەلێ کورد ب شیان و ئاڤەدانکرنا بارزانی ھەیە کو شوین تبلێن وی د سەرجەم بواران دا ل ھەرێما کوردستانێ ئاشکەرایە ، ھەر دیسان لسەر ئاستێ نیڤدەولەتی ژی رەنگەڤەدانێن مەزن لدویڤ خوە ئینان تایبەتی ژی ژلایێ وەلاتێن زولھێزێن مینا ویلایەتێن ئێکگرتی یێن ئەمریکا و بریتانیا و فرەنسا و رووسیا کو پیروزباھی و دلخوشیا خو ل ھەمبەر دەست ب کاربونا بارزانی دەربرین ، ئەڤ پیروزباھیە دەرئەنجامێ رولێ کاریزمایێ بارزانی یە یێن کو د دەما چەندین سالێن دەربازبوی دا ل ناوچەیێ گێرای ، مینا ئاڤەدانکرنا ھەرێما کوردستانێ د سەرجەم بیاڤێن جودا جودا دا ، ھەردیسان د ڤە حەواندنا ھژمارا مەزنا ئاوارێن ل باشورێ عیراقێ قەستا ھەرێما کوردستانێ کرین و ھەروەسان برێڤەبرنا کاروبارێن حکومەتا ھەرێما کوردستانێ د مەزنترین قەیران و ئابلوقەیێن ئابووری و سیاسی یێن وەلاتێ عیراقێ و دەوربەران لسەر ھەرێما کوردستانێ چەسپاندین ، ھەردیسان د چارەسەرکرنا کێشە و گرفتێن دناڤبەرا عیراقا فیدرال و ھەرێما کوردستانێ د ماوەیێ دەربازبوی دا ، لەوران ئەڤ چەندا ھەنێ ب ئاوایەکێ ئێکسەر و نە ئێکسەر وەلاتێن جیھانێ دانپێدانا دبلوماسی ل سەروک بارزانی دکەن و داخازا خورتکرنا پەیوەندیێن زێدەتر ژ ھەرێما کوردستانێ دکەن ژ پێخەمەت گەشەپێدانا بوارێن جودا جودا یێن ھەرێما کوردستانێ ، لەوران سەروک بارزانی ھیڤی و ئومێدا نەتەوەکا ٤٠ ملیونی یە .